مشكلتي خطيبي

السلام عليكم ورحمة الله وبركاته

شلونكم شخباركم


انا عندي مشكله وابيكم تساعدوني على الحل الافضل


خواتي


تقدم لي خطيبي ومن المقابله قال لي انه هو موافق وحتى اهله وافقوا علي من اول لحظه شافوني فيها بس انا خذيت شوي وقت حتى افكر بعدها وافقت وتمت الخطبه

انا خجوله وهاديه وهو انعجب بهالخصله الي فيني وحتى اهله يعزوني ويحترموني

بعد 6 شهور صار لي موقف بيني وبينه وقال انه هو يبغي يقول شي بس يخاف انه يجرحني ، يقول انه هو يحاول انه يحبني هو يعزني بس ما يحبني ويحس اني انا احبه وايد لدرجة انه كل كلمة اقولها في اسمه، وانه هو مضايق من شكلي وجسمي يبيني ادبب ومضايق من لوني وانه هو يحب اني اعبييييي نفسي عطر وااااااااااااااااايد يبي يختنق من العطر هو طلبه جذي .

انا انصدمت قلت له انه الله خلقني جذي قالي الي قال عنج انج انتي ذهب كان يجامل انتي لا ذهب ولا شي
قهرني باسلوبه وكلمه لي حسيت اني انجرحت قلت له انا ماقدر اقول شي هذا قرارك انت وانا لي الحين في بيت ابوي تبغي نكمل ، نكمل صح وتكون مقتنع فيني بس اني اكون مع شخص ما يحبني او انه يطالع في عيوبي ما اقدر وقعدت ابكي وقلت له انه في مليون بنت تتمناك وترتاح معاه احلى مني ، رد علي انه ما يبي ولا احد يععني لا انا ولا غيري .

هذا الكلام صار من اسبوع ولي اليوم ما اتصل فيني ابد ولا حتى بمسج ولا شي

شسوي قولو لي .

انا مكسوره علي نفسي انه اقعد مع انسان ما يحبني ويطالع عيوبي او شكلي وحسيت من اسلوبه انه جاد بكلامه يعني ماكان مزح لدرجه اني كنت ابكي وهو يعطيني من الكلام الجارح
والي عز على نفسي اكثر اني ما بغي افرض نفسي ععلى انسان مايبيني وبعد بنفس الوقت اخاف يطلقني وانا مابغي انحط بالمطلقات.

ساعدوني ياريت ترودون علي