مشكله تعاني منها كثير من النساء بس ماتقولها

يالله ولا واحده عانت من هالمشكله الضاهر اني نايمه البارح وحلمت ان فيه مشكله بعد النفاس مع الازواج عموما انا ماني زعلانه ان ماحد رد هذا يعني ان الحمدلله مااحد عانى من هالمشكله الله يديم عليكم السعاده يارب

احساسك مو في محله

بالعكس الرجال يتلهف على زوجته لاجت البيت

بسسسسسس امكن زووجك مو من النوع اللي يبين عليه

عااااااااادي خليه يجلس عالنت بس شوفي اش المواقع اللي يدخلها

اذا انشغل اساليه ماالسبب امكن اهتمامك في طفلك مزعجه

وهو يبي اهتمام يعني غيوووووووور

اذا تاكدتي ان زوجك عادي مافي ولاشئ

سيبيه واشغلي نفسك بما يفيدك

وهو باذن الله حيرجع لك

ولا تنسي الدعاء

مشكوره على الرد بس انا ماتكلم عن نفسي سمعت قصص من بعض البنات وحبيت اعرف

<<< داشه عرض السموحه <<< بعدهاا بنت

هههههههههههههههههههه مشكوره على هالدشه تفضلي تقهوي

يمكن التغير الفزيولوجى الى يحصل للمراة هو السبب
بس ما اعتقد ان كل الستات عندهم هايدا المشكل

مشكوره على الرد

ما أعتقد أنه نفور بس يمكن يوزن غلاه
وفي رجال ما يبين عليهم
صاحبتي زوجها يموت فيها بس طبعه ما يحب يبين هالشي الا في المناسبات (;

كنت اسمع الحريم يتكلمون عن لهفة ازواجهم عليهم بعد الاربعين و الهدايا والمفاجات اللي يسونها لهم لكني تفاجات بهجر زوجي لي و الشهور تعدي و انا مب عارفة السبب سويتله كل شي بدون فايدة

يمكن المرأه ماتهتم في روحها بسبب زيادة المسؤليه وهي الطفل وانشغالها معه فالزوج يبتعد عنها فتره لي تفيق من سباتها. مشكووووره على الموضوع

مشكورات خواتي على الردود اما الاخت ليتل ليدي هذا راجع لثقافه بعض الازواج الجاهلين بهذه الامور اته يعتقد ان زوجته اذا ولدت تكون مثلا خربانه مثلا او تصرفه ناتج عن كلام يجيه من قريباته ايام ماكنتي والد يمكن يوصفوله الولاده والنزيف والخرابيط هاذي وهو يكش من هالكلام نتيجه جهل بالموضوع وان هذا امر عادي تمر به جميع النسا او ناتج بسبب كلام انتي قلتيه له عن دم النفاس او اي شاي خاص في هذه المرحله ناقشيه وشوفي السبب وهذا مثل موقف صار لوحده في نفاسها الاول هجرها زوجها وما يكلمها بعد ماطلعت الاربعين تقريبا عشر ايام وفي يوم سالها انتي طهرتي ولا لا كنه خايف منها الحمدلله قالتله ايو ولما نام معاها تفاجا وانبسط وصار طاير فيها وتحسف على اللي صار منه وتحصل هذه الحاله في المولود الاول عند كثير من النساء او سبب حالته انه دخل معاكي غرفه الولاده فهذا غلط المفروض الزوج مايدخل كما قالت الدكتوره فوزيه لانه قد يقضي على رغبه الزوج بالمراءه انتي اساليه وشوفي والله ييسر لكي امرك

نوره المزيونه مشكوره على الرد وعسك مزيونه دوم في عيون زوجك والاخت ماحد ابد كلامك صحيح ميه الميه

المشكله فينا يا بنات لان احنا دائما نحط في بالنا ان بس ندش البيت نلاقيه هيمان وميت فينا
لا طبعا لازم نفكر بالعقل
بصراحه وحده تاركه ريلها 40 يوم تبي ترجع وتلاقيه ما تغير مستحيييييييييييييييييييييل
انا بالنسبه لي ولخواتي اكثر وحده تركت البيت لمدة اسبوعين بس يعني بنهاية الاربعين
تعرفون ليش؟
عشان مايتعود على فراقي وعشان يحس بقيمتي وعلى فكرة نكون على اتصال مستمر معاهم وحتى احيانا ممكن نطرش لهم اكله مسوينها عشانهم او اي شي
يعني الزبده حتى وانا بعيده احسسه اني موجوده وبكذا يشتاق لردتي البيت
وبعدين المفروض مانكون رومنسيين زيادة لان الريال بس يقعد معاج يوم او اسبوع وبعدين يرجع لوضعه الطبيعي يعني مانصدق نفسنا ونفكر ان احنا صج في شهر العسل خخخخخخخخخ
وبس


اتمنى اكون قلت شي مفيد


شكرا

يالله والله خوفتوني..
انا حامل في التاسع و هذا اول حمل و كنت خايفة اني زوجي يتغير علي في فترة الحمل بس الحمدالله ماتغير لكن ماتوقعت ان في احد يتغير على زوجته بعد الولادة؟!
على فكرة زوجي فضولي و دائما يسألني كيف الولادة و كيف النفاس و ماأدري ايش و يوصيني يقول إذا ولدتي قوليلي بالضبط ايش صار و كيف طلع البيبي!!!!!!!!!!
والله بعد كلامكم ماراح اقوله اي شي!
اختي حواء101 انا كنت ناوية ادخل زوجي معاي غرفة الولادة و هو رافض من الحين و انا زعلت منه لأنه مايبغي يدخل بس مادام الدكتورة فوزية قالت مايصلح فخلاص بطلنا و لإني مرة قرأت كلام زوج في الجريدة كيف انه كره زوجته و تقرف منها لما شاف اللي يصير في الولادة وتخيلي بالأخير طلقها!!!!!!!!:eek:
يقول ماعاد اقدر اعيش معاها!!!!!
رجال اخر زمن............ :UP202: :UP202:

مش كل الرياييل نفس الشئ
في اللي رومانسي واللي مشاعره بارده
ووووو.........
النفسيات تتغير من ريال ل ريال

السلام عليكم ورحمة الله

موضوع حساااااااااس. بس مثل ماقالت الأخت وغارت الحور مو كلهم زي بعض.
أنا في ولادتي الأولى كانو معاي صاحباتي اللي اعتبرهم زي اخواتي. وفي واحده منهم
ماقصرت ماشاء الله كانت متماسكه طول المده وسهرت معاي الليل كله.

وفي الثانيه كان معاي زوجي. هو كان موافق على الفكره ومبين انه متماسك
وكنت خايفه لما يجي الطلق اللي بجد ينهار بس ماشاء الله لاقوة إلا بالله.
كان طول الوقت يرفع معنوياتي ويهون علي. وطبق اللسته اللي اعطيته اياها بحذافيرها.
وبالعكس بعد ماشاف اللي مريت فيه قال لي مافي أولاد بعد كذا خلااااااااص.
ويقول اذا واحده فيهم رفعت عينها ولا قلت ادبها بوريها شغلها ههههههه.
صار عندي محامي ههههه.

أما هذا اللي طلق زوجته وقرف منها هذا قمة الجهل والتخلف ولا عنده ذرة احساس.
بدل مايحس بزوجته ويزيد احترامه لها هذه مكافأتها؟!!!!
بس ارجع وأكد كلام وغارت الحور للأخت اللي تبغى تغصب زوجها لازم الرغبه
تجي منه لانه يمكن بدل مايكون عون لك يزيدك ضغط نفسي في وقت انت
بحاجه لمن يخفف عنك. كله يعود لعقلية الرجل وشخصيته والزوجه أدرى بزوجها.

والسلام

والله ما اعرف لاني الحمدلله ما عانيت من هاي المشكله بالعكس ..

يوم كنت فالاربعين زوجي كل ساعتين عندي وكله يقول متى بتيين البيت ويوم طلعت من الاربعين رجعت البيت الا فارشلي الارضيه بالورود وفارش الشبريه بفرش يديد من حرير روووعه ..

والهدية تخبلت عليها لانها كانت في خاطري من زمان ول ولاده عطاني ساعه شوبارد وثاني ولادة عطاني طقم الماس ..

طبعا مع عشى رومانسي وشموع (زوجي يحب هاي السوالف) بس المشكله احيانا اليهال يخربون السهرة .. والريال يتضايق ...

حبيبتي "رومانسية موت" لاتخافين من هالسالفة ونصيحة مني خلي ريلج يدخل معاج حزتها بس مب الولادة كلها بس البداية عسب يعرف التعب و العذاب اللي مريتي فيه و يقدرج زيادة
انا عني ريلي تم وياي طول الولادة بس امي طردته أخر شي يعني قبل ما أولد بنص ساعة تقريبا
و سالفة الأربعين هاي الحمداله ماصارت معاي
الوحدة لمن تكون في الأربعين المفروص ماتطنش ريلها... و الشاطرة تفهم كلامي .. يعني لازم تريحه.. ان شاء الله بس فاهمين قصدي.. يعني تسوين نفس اللي تسوينه وقت الدورة الشهرية
لأنه الريال مايستحمل يطنش أربعين يوم
صح تكونين مشغولة بالبيبي و تبين حد يدلعج و ينسيج الولادة بس هذا ريلج ولازم تفهمين حاجاته و تراعينها..
اوكي حبايبي

بالعكس الرجال يكون متلهف على زوجته
هذا فراق أربعين يوم بس ممكن يكون خايف
والله مو عارفه لأني مامريت بهذي الحاله
وإن شاء الله ماأمر فيها