بنات ام جديدة و محتاجة خبراتكم

بصراحة غريبة بنتك يعني بالعادة الاطفال كل مابين ساعتين يصحوون يبيون يرضعون
وبالنسبة لرائحة القدم
حاولي تنظفين بين اصابع القدم يمكن يكون في تجمع اوساخ
وانصحك تزورين طبيبة احسن واخبر
والله يحفظها الك

السلام عليكم،

الرضعه تكون كل ساعتين او 3 ساعات على حسب حاجه الطفل،، ونوم بنتج يمكن يكون بسبب انها انولدت قبل موعدها بس الافضل تسالين الدكتورة وانتي لا تخلينها ترقد ساعات متواصله هالقد خليها تنش ورضعيها والسيريلاك خليه لبعد السادس يعني يوم بتدخل السابع عطيها

ولدي نفس حالة بنتج

ماكان يقوم من النوم يعني بالراحه يقوم كل 8 او 9 ساعات

وراجعت الدكتور قالي متى ماصاح عطيه مب لازم تقعدينه وترضعينه

عاد انا ماصدقت على الله واعطيها رقده لين هو يصحيني وطبعا احط له فازلين مكان الحفاظ عشان ماتعب نفسي واقوم خخخخخخخخخ

و بخصوص ريحة القدم انتي غسليها عدل بالصابون ونظفي بين اصابعها اهم شي لان يتجمع مثل القطن

ويسبب ريحه وعقب الغسيل حطي لها baby oil

مشكورين يا بنات على ردكم انا سئلت الدكتورة قالت لى ما اصحيها و لو هى جاعت بتصحى لحالها بس ما اقتنعت و بالنسبة لرجلها واللهى على طول بنظفها و بين اصابعها بقطنة الاذن بس بدون فايدة
يلة الله المستعان

أختى في أطفال نفس الشي،، أنا أذكر ولدي كان ينام بالثالث متواصل ومايصحى الا عقب كم ساعة وكنت آقول المسكين مارضعته بس قالوا لي عادي مايصير شي أكيد لوجوعان بيصحى ويطلب رضعته.. وخلاص ابتدي أكليها مبشور الأرز وعصير برتقال مخفف وفواكة مهروسة.

بخصوص القدم حاولي ماتخليها على طول مغطية خليها تتهوى، ودائما نظفي بين الأصابع لأن يتكون مثل الوبر...

اختي اعطيها الرضعة كل 3 او 4 ساعات بس طعتينها المرضعة في بوزها ابروحها بتشرب

و الاكل في ماركة ميلوبا من 4 شهور تقدرين تعطينها في اربعة انواع منهم

رز و خضار و فواكة

حبيبتي انا بنتي من عمرها اربع شهور اعطيها رز علب وأشتري الها علب صغيرة مكتوب عليها من اربع شهور والحين صار عمرها تسعة ولله الحمد ماصار لها شي بس لازم تعودين بنتك على الأكل وإذا رفضتة خلاص عطيها من السادس والله يسعدك ويخليها لك مع اني م جديدة مثلك ومحتاجة للمساعدة بس مثل مايقولو الأول تجربة

مشكورين يا غاليات عالرد

رور;4528877:
السلام عليكم
بنات الله يرضى عليكم انا ام جديدة و مغتربة يعنى لحالى و محتاجة خبراتكم للاجابة على كام سؤال

1-كم عدد الرضعات لطفلة عمرها 5 شهور خصوصا انى ما بدات ااكلها ؟

كل 3او4ساعات وعلى حسب ادا هي تبي ترضع و5شهور ابتدي دخلي لها فارليز بالحليب وعطيها طحين عيش او محلبيه عيش ابيض وااايد مفيد

2-هل النوم لساعات متواصلة تصل ل 10 ساعات بدون رضاعة خطر على الطفل بعمر 5 شهور؟

الصرااحه ماانصحج حراام لانه بهطريقه بتتعلم انها ماتشرب الا وقت الاستيقاظ ويمكن وزنها ينزل يعني على الاقل تنام 5ساعات ووقظيها شربيها لاتنتظرينها يمكن هي شهيتها للشرب موداك الزود حرااااااااااااااااام ماانصحج 10ساعات واايد موقليل ولاتنسين هي بعمر طفوله تبي تلعب وتمرح فحرام كله نوم انا بنتي ماتنام واايد بس قلبي يعورني مثلا قامت وبعد ساعتين او 3نامت اوقظها خلها تستانس بعمرها وتلعب وبليل لاحقه على النوم

3- انا بنتى مولودة بالشهر الثامن و الى اعرفة انى لازم اصحح عمرها قبل ما ابدا ااكلها فهل السيريلاك اعطيها اياة لما تدخل السادس ام السابع؟

شوفي اختي انصحج بالسادس او نص السادس وادا انتي لاحظتي على بنتي كل ماتشوفك تاكلين تحرك فمها او تصيح تبي اللي عندك اعرفي انها مستعده للاكل فابتدي وبسادس عطيها سيرلاك ارز او سيرلاك ارز بالحليب واااااااااااايد يحبونه اليهال وسيرلاك القمح والبابونج ابدا ابدا مااانصحج بسيرلاك قمح وعسل لانه عسل شوي ثقيل وماانصحج بسيرلاك قمح فقط لانه بيكون ثقيل على المعده فاخدى سيرلاك قمح ومعاه شي اخر مثلا فواكه سيرلاك قمح وفواكه

4- بنتى رجلها بتعرق و تطلع ريحة مع انى على طول احميها ما هو السبب؟

بنتي نفس الشي ريحه ريولها افففففففففففف على كثر مااسبحها اعتقد كل اطفال وانتي لاتلبسينها ثقيل وتدبحينها حر وشغلي مكيف على الوسط لان الاطفال بهسن يعرقون واايد

حبيبتي ..

انا من وجهة نظري بالنسبة للنوم الاطفال متى ما جاوعو بيبكوا ووقتها بتعرفي ورضعيها وانا متبعة هذا الاسلوب من زمان مع ابني والحين عمرة الله يحمية سنتين ونص وصحتة كويسة يعني لا تعبي نفسك متى ما جاعت راح تصحى لانو هاذي حاجتها وانا اتفق مع الاخت الي قالت انو يمكن لانو مولودة بدري يتنام وقت طويل.

وبالنسبة للاكل انا اشوف انو ما تبدي قبل ستة شهور نهائيا لانو المعروف انو الطفل لمدة سنه كاملة وهذا انا سامعته من كذا دكتور ما يحتاج غير الحليب لكن احنا بنتحمس شوب ونبغى نأكلهم السيريلاك انا سمعت انو بيجيب حساسية الصدر للاطفال بس للحرص ابتعدي عن النوع الي بالقمح وجربي الي بالرز وابتعدي عن البيض والعسل لين ما تكمل السنه وحاولي انك تصححي سنها بانك تبدي تاكلها بعد سبعة شهور افضل


الريحة الي بين الاصابع جربي بعد ما تغسليها بصابون الاطفال حطي لها بودرة اطفال وخليها تتهوى.

وعفوا على الاطاله