ماني مصدقه تغيرت 360درجه في شهرين .. ولا البدر

هلا أختي ....... فدئيه
الله يديم عليكي الحلى والبياض ويزيدك يارب ويحلي خلقك واخلاقك قولي آآآآمين
بس ياريت تقولين وش سويتي بعمرك على شان اسوي مثلك :)

<<<< عندها امل تصير بشرتها حلوووووه ولونها صافي وشعرها طويل :confused:

لا لا لا . . أنا هالحرات تطلع روووووووحي
حرام عليج :confused:

خبرينا. . لأني ودي أصير رشيقه وبيضا وشعري طويل. .
وجان زين بعد أنا طويله ;)

اخت عطره .. مشكووووووره على دعائج الطيب ... وتسلميييين ان شاء الله .... الله يعطيج على نياتج
اختي ساره ... ولا تنحري ولا شي .. وما يصيبج الشر ان شاء الله .. انا راح ارد وانشاء الله ما اطول تاخرت لانه الموضوع طويل شوي .. تصبروا شوي ان الله مع الصابرين .. اوعدج اني بحط الموضوع اول ما اخلص منه .. بس والله طوييييييييييييييييييييييييل

:) هلا اختي
بنصبر وبننتظر بس لاتتاخري
تحياتي

مو معقوله تغيرت 360درجه في اجازه شهر .. وكاني نولدت من جديد
سلام يا احلى منتدى في العالم ..... بصراحه انا ما ادري شو اقول وكيف ابدا لانها هاي اول مشاركه لي في منتدى بحياتي .. بس هذا ما يمنع اني على اتصال دائم معاكم واطلع على كل شي جديد .. اتمنى انكم تقبلوني معاكم في هذا المنتدى واكون خفيفه وما اثقل عليكم ...
اول شي خلني اقول لكم سالفت التغير ... انا عمري 21 سنه قصيره و لا ضعيفه ولا متينه بس فيني مناطق غلط يعني مكتنزه بالاماكن الغلط ومايبين فيني شي في اماكن ثانيه _ تكرمون ما فيني صدر وشوي عريضه من تحت ) بس عموما وزني يناسب طولي حنطيه ومليانه حبوب واثار حبوب في ويهي وفيني اسمرار في بعض الاماكن مثل الاكواع والرقبه والريل وظاهر اليد .. يعني مثل اغلب البنات وانا كنت قاصه شعري من فتره ثلاث شهور لين كتفي مدرج والله لا يوريكم كيف كانت حالته من الصبغ يمكن ولا ثلاثين مره صبغته في فتره سنتين وهو اصله ناعم بس يلتوي ومتقصف وجاف شوي ودهني شوي ( ما عرفت له ) واظافري ما اروم اطولهم لانه يتكسرن بسرعن وشكلهم يكون غلط .. وكنت مشيه حياتي على هاي الحاله ... كل ما حبيت اغير بشكلي تكون النتيجه انه يسوء اكثر وانخسف اكثر يعني اذا حاولت اضعف شوي امتن زياده واذا حاولت اطول شعري واغير بمظهره واصبغه يخرب واطرافه تتقصف اكثر والسواد اللي في جسمي يزيد والعلامات تكثر ( الله يبارك ويخلي جو بلادنا ترا وايد يساعد ) ماخليت صوالين ولا مستشفيات انه ويهي يتعدل والحبوب والاثار تروح ويفتح ما في نتيجه الا انه الجيب يفضا من البيزات ( زين الواحد يتخفف شوي ) ودايما اسمع ربيعاتي يمدحن بجمالهن وبياضهن واجساهم ويذمون فيني عيني عينك .( الله يعلم من وراي شو يقولون ) بصراح انا تعبت قلت اذا استمريت على ها الحال مافي فايده الا اللهم الخساير والضحك علي ... قررت اني ابدا اشوف الحل واللي ساعدني منتداكم ومنتديات ثانيه هذا غير شويه كتب وخبرات يدتي وعمتي وربعها وفعلا افي فتره شهر واسبوع من التجنيد والانعزال عن العالم الخارجي وبالذات الشمس والهوا الحار وطبعا عن عيون الناس ... كنت معتزلت في البيت شوي شوي بنعزل عن اهلي ... استغليت فتره اجازه الدوام وبديت انفذ اللي في راسي ..والحمد لله الله وفقني وفعلا ياب نتيجه بحياتي كلها ما توقعتها ... كاني وحده ثانيه ... وبعد ما شافوني ربيعاتي بعد الاجازه ( اقدر الحين اتخيل اشكلهم ) كل وحده مبطله حلجها وماعارفه شو تقول مندهشين وبعد السين والجيم الكل يبي يعرف انا وين سويت عمليه التجميل هذه ؟؟؟؟؟؟؟
طولت صح مو مشكله تحملوني ... انا تعبت بكمل لكم شو صار وشو سويت ...
يالله في امان الله
اختكم

صراحه عويناتي طلعت بره

وسعابيلي اتقاطر ابي اعرف

شنو الي غيرج

رجااااااااااااااااااااااااااااااااااااااااااااااااااااااءا
ردي علينا بسرعه
قبل لا يصير فيني شيء



باااي

مرحبا يا بنات اسفه اذا تاخرت عليكم ... المهم خلني اكمل .... اول يوم كل اللي سويته اني جمعت كل شي ممكن احتاجه في ها المشوار وخاصه اني ما ابغي اطر اني اطلع من غرفتي واروح على المطبخ او الجمعيه عشان الشمس وعشان الناس ما ابي احتاج شي واقلل من شوفت احد لي ..وغرفتي صارت معسكر صغير فيه كل شي ممكن احتاجه _ وما احتاجه ) .. وبديت انا تحضير بعض الوصفات من قبل ما ابدي بها الجدول مثل خلطات الزيوت اللي تبي وقت عشان تستوي ..
1- اول شي حطيت ثلاجه صغيره وتلفزيون وفيديو وبويلر وسخان صغير في الغرفه
2- غيرت المفارش كلها وسويت مفارش جديده مغسوله واهم شي غطا المخدات يكون حرير تدرون ليش عشان الوجه ما تصير فيه علامات والشعر ما يروح كل الزيت اللي فيه في غطا المخده

3- رحت المطبخ وشفت شو ممكن احتاج منه واللي ماحصلته يبته من الجمعيه ومن العطار
5- وزنت عمري وسجلت قياساتي ( صدري وفخوذي ومحيط خصري .... الخ ) .
6- وجهزت اوراق الوصفات اللي من النت وتاكدت من وجود كل شي ممكن احتاجه في الوصفات ومذكره وصفاتي
7- خذت لنفسي صور .. بكل الوضعيات وحق شعري واسناني وحتى لرموشي ..
وبديت بسم الله اسوي الخلطات والوصفات اللي يمعتها من كذا مكان .... وان شاء الله بموضوع منفصل بكتب كل شي ... يالله باي

بديت
صرت انا من وقت حوالي 11 واقوم الصبح الساعه تقريبا7:30 واكون مصليه الفجر قبل ويكون البيت فضي لانه كلهم في المدارس وامي وابوي في دواماتهم .. اتم انا والشغاله في البيت .. اقوم اول شي اسويه اتمدد في الفراش واتمطمط على راحتي عشان ايمع قوه ليوم يديد وابتسم ( هيه ابتسم ليش مستغربين ( تراه الابتسام يفتح على الواحد يومه بالخير .. واكون موصيه الشغاله تحط الصبح عدالي دله ماي مغلي وانا بالفراش اسوي لي كوب قهوه ديناسفلت واشربها بالفراش وانا مبطله التلفزيزون وعلى راحتي لين يخلص واقوم وادش الحمام واغسل ويهي بصابونه نايتروجينا واغسل اسناني بالمعجون وعقبها اسوي خلطه الفحم مع الملح لبياض الاسنان وانشف ويهي شوي شوي وبدون دعك وما اخلي الفوطه تجيس عيوني .. بعدين ارش ويهي بماي السدر البارد ( اكون حاطته بعلبه بخاخ ) واخليه لين ينشف بروحه وبها الاثناء انا ااسوي كمادات حق عيوني مرات قطن مغمس بماي ورد مثلج ومرات احط كيس الشاي البارد لين ما اريح عيوني وبعدين ارجع ارش ماي ورد بارد بالبخاخ على ويهي . ولما ينشف من ماي الورد احط قناع الخميره مع الروب واليمون واخليها طبقه سميكه وكل ما تنشف ازيد طبقه ثانيه ولما تنشف ولانها صارت ثجيله اقشرها بيدي وتنزل كلها واغسلها بماي فاتر وارش ماي ورد بارد وبها االثناء اللي الخميره على ويهي انا ادهن شعري ب زيت الحلبه وامشط شعري وارفعه ... واروح اتريق لي شي خفيف وما اثقل ويوم اخلص ادهن بكريمات العنايه بالقدم واليد اقوم اتمشى شوي في غرفتي ( تقول غرفتي كرنيش ..؟؟؟ ) يعني قصدي اتمشى اني ارتب الفراش وارتب الغرفه مني مناك لين اهضم الاكل وادهن جسمي كامل بزيت الزيتون وبعدين احط خلطه لتبيض الرجل واليد والف على ريلي كيس زباله صغير وفوقه البس زلاغ ونفس الشي بالنسبه لايدي البس قفاز نايلون وفوقه قفاز قطن علشان يمسك بالريل والايد واقدر اتحكم بايدي وبريلي وما احس بالخلطه ... والبس جوتي الرياضه واقعد اسوي تمارين تكبر وتشد الصدر وتخف الكرش والارداف وانط حبل ( على فكره ما يظايقني اللي بريلي وبيدي ما احس فيه ) ويوم اخلص من التمارين اللي تكون لمده 30 د ادش الحمام والف على راسي غطاء نايلون واسبح واغسل جسمي زين بماي دافي وبعدين احط خلطه لتوحيد لون الجسم واخليها لين تنشف واغسلها وبعدين اسبح عادي بماي وصابون والخطوه الاخيره اني ارش ماي ورد بس بحرارة الغرفه بالبخاخ على جسمي واطلع والبس ملابسي واحط كريم العنايه باليد والرجل .. اوووووووف تعبت بكمل بعدين ...
بااااي

واااااااااااااااو ماشاء الله عليك كل هذا ..

بس ياليت تملين لنا وتقووووووووووووولين لنا شنو الخلطات هذه بالتفصيل ......

ماشاءالله عليج

صج ماشاء الله عليج :rolleyes:

لو كنت مكانك كنت مليت على الاخر :confused:

بس لو تقولي وش هي الخلطات الله يخليج :confused::confused:

ماشاء الله

والله يبي لي اجازه واطبق كل هالسوالف

ولازم نسميهااجازة دلع واعادة تأهيل

شرايكم يا بنااااااااااااات :D

وينجججججججججججججججججججججججججججججججججججججججججججججججججججججججججججججججججج كملي بسرعه

يله انا انتظر كملي الغالية ...



بحفظ الرحمن ...



:):):)

مرحبا

وينج كملي الموضوع الله يخليج بسرعه

اختك

مزيونة دبي

هههههههههههههه ... ما شاء الله عليك نشيطة حدك ... :)

تحياتي

تووووووووتة ( مــزاج سابقا )

مرحبا يا بنات ... انا اسفه على التاخير والله غصبن عني .. تراه شغالتنا سافرت ( شردت ) والبيت قايم قاعد لين تيي شغاله ثانيه ... يمكن اتاخر لي يوم بس اوعدكم بخلص الموضوع باسرع فرصه ... ولا تزعلون .... تراه والله ظرووووووووووف ... وادعولي

فدائيه عيوني الظاهر نسيتي تكملين الموضوع :(

اوكي الغاالية ..

معذورة بس بلييييز الله يخليج لا تتأخرين ترانا قاعدين على أعصابنا..


تحياااااني لج ..