الي عندها تكيس مبايض دخل (ما عرف شو السالفه)

حبيبتي شما اهم شي تلتزمين عند دكتور واحد ... بالنسبة للتكيس أنا مثلج صارلي سنة متزوجة وماحملت قالتلي الدكتورة عندي تكيس ولازم منظار وادخل المستشفي عشان تخرمه لي وفعلا سويت هالشي وعطتني أبر تنشيط وماصار حمل وعقب كثرة الابر صار عندي كيس عالمبيض وعطتني حبوب منع الحمل عشان ينزل الكيس بس مانزل وقالتلي اخذالحيوي مرة ثانية بس رفضت وقررت أخلي العلاج والجأ لله سبحانة ..
الخلاصة انا في فرق بين الكيس والتكيس وفي النهاية ممكن يصير حمل حتى لو هالاثنين فيج بس وكلي امرج للرحمن الرحيم
واسفة طولت عليج

أختي بطمنك من خبرتي ههههههه

عادي يصير تكيس عندك بعد الكلوميد

لاتخافين بمجرد مرور شهر او شهرين يروح التكيس

هذا اول شي

ثاني شي تكيس المبيض مايمنع الحمل لكن يأخره

يعني حتى اذا معك تكيس ممكن تحملين

اختي تابعي عند استشاري او استشاريه عشان مايلاعبون فيك

موفقه اختي

الكلوميد اكثر من مره ممكن يسبب تكيسسسسس

هذا اللي قاله لي الدكتوووور

قال من كذا احنا بالكثير نوصفه ثلاث شهور مب اكثر

والله يرزقج بالذرية الصالحه

السلام عليكم ورحمة الله

اختي المشكله الي عندج كانت عندي نفسها قبل ما احمل

تعبت وانه اروح مستشفيات واخذ ادويه وابر صار لي خمس سنوات وماحملت

نسيت روحي عن كل شي قلت الله كاتب لي وممكن يكون خير لي

حسيت اني متنت وايد من الادويه قررت اسوي رجيم ورياضه

رحت لدكتورة تغذيه او مارحت عطتني ورقة تحليل دم في كل شي

سويت التحليل وطلع عندي انسولين زياده في الدم وهاذي سر المتن الي عندي يخليني ايووع بسرعه واكل حلويات بشكل فضيع عطتني دوا ينزل من ارتفاع الانسولين
والحمدلله مع الحميه الغذائيه والرياضه ساعتين وبعد ساعتين تمرين البطن امية مره
صرت نشيطه ماشاء الله ونزل وزني بشكل ملحوظ الكل استغرب ودمت على هاذي الحاله اربع شهور بس
كان وزني 110 وصرت 70 ماشاء الله يوم وصلت 70 حسيت اني كسوله ماقدر امشي كل يوم ساعتين
حدي نص ساعه واتعب وتجيني دوخه وارجع ماهتميت لهاذا الشي وتأخرت على موعد الدوره اسبوع قلت في نفسي لااا عادي كل مره يتأخر صبرت وقمت العب رياضه غصب كنت اصيح اقول شصار فيني ماقدر امشي نفس قبل اكيد حسدوني ههه لي تأخر شهر على بعد موعد الدوره زوجي قال بسرعه الحين قومي نروح المستشفى
سويت تحليل وانصدمت قال لي مبروك حامل انه كنت منصدمه ماضحك ولا اصيح ولا اتكلم ..... الحمدلله الحمدلله الحمدلله

واخذي نصيحت مجربه قبل ماتروحين اي دكتوره نزلي وزنج وبأذن الله بتشفيين من الي عندج
اذا وزنج نزل وماصار حمل اهني تقدرين تروحين المستشفى والله يرزقج انشاء الله

الكويت وعبير وبنت قطر وناويه اعقل الله يطمنك مثل ما طمنتني والله يعطيكن الله العافيه يارب

ما شاء الله الخوات ما قصروا معاج اختي



رووووووووووووووووووز