بنات ساعدوني الله يخليكم
بنتي فيها الجدري و انا حامل بالثامن مادري اذا فيه خطر ولا لا
اللي تعرف شي عن الموضوع لاتبخل علي الله يوفقكم
في انتظار ردودكم
سلامتج يا الغلا
حبيبتي انتي لما كنت صغيره اكيد جاك الجدري صح؟
فإن الله مافي مضره لانه عندج مناعه كافيه
بالاضاف انك بالاشهر الاخيره فلا تخافين
الحمدالله الحمدالله
تسلمين الغاليه فوانيس طمنتيني الله يطمن قلبج
ماتتخيلين كيف كنت خايفه ,, الحمدالله
لا اختي ابتعدي عنها للضرورة
انا ابني جاه الجدري وانا حامل بالشهور الاولى والدكتورة حذرتني اني اجي جنبه او يتنفس في وجهي وقالت لي لازم البس كمام
ضروري تروحين او تتصلين لطبيبتك اللي تابعين عندها وتخبرينها
انا ابني جاه الجدري وان في الشهر ال5 .. وكنا مسافرين ، ووديته عياده خاصة هناك وكتب له على ادوية ولما سألته عن تأثيره عن الحامل قالي ما دام ان انا اصبت به من قبل فان شا الله ما راح يأثر علي ..
والحمد لله ما اشوفه اثر علي ابدا مع ان مثل ما قلت كنا في فترة سفر وكنت مضطرة ان انا اللي اهتم به واعطيه ادويته وكل شي .. يمكن لو كنت في الديرة كنت خليته عند امي تتحمل فيه الين يصحى من المرض خخخخخ:2_106:
انا بصراحة ماعندي علم بالموضوع......
وحبيت اشكرج انج فتحتي هالموضوع لاهميته..:)
والله يبعد عنج الشر يارب.....
يعني شنو الجدري؟؟
مرض شنو في الجلد مثلا
او مثل الصخونه والكحه؟
هلا اختي
انا بعد بنتي صادها جدري الماء يوم كنت في الشهر السادس
وسألت دكتورتي قالت عادي ما يأثر لأن مو بالشهور الاولى اولا
ولأن اكيد جاني يوم كنت صغيرة ثانيا
لا تحاتين
الله يقومج بالسلامة
تسلمون يا بنات الله يحفظكم على هالردود الطيبه
بصراحه دكتور الأطفال قالي انه بما اني في اخر مراحل الحمل فما فيه خطوره لأن الأعضاء اكتملت بس لو كان في اول الحمل ممكن يسبب تشوهات في الجنين بس قالي الأفضل تبتعدين عنها
الله يعدي هالأيام على خير ,,,
قطر قيرل يعني جكن بوكس ههههه
يعني شنيتر بهلجتنا