صار لي موقف غريب وأول مره يصير لي في حياتي وخاصة في هالحمل..!؟ خايفه..!؟

اختي لازم تاكلين وتهتمين بصحتج

اذا ماتقدرين تاكلين وجبة كاملة كلي بدل ثلاث وجبات كبيرة قسميها الى 6 وجبات صغيرة

لاترهقين نفسج وخاصة في الاشهر الاولى انا صار لي تقريبا نفسك

ولازم تلتزمين بمواعيدج مع الدكتورة

وان شاء الله مايصير الا الخير

سلامتج يا ام حمدان و ما تشوفين شر
انتي محتاجه تغذيه مكثفه و صحيه

اكيد تعانين من احد هذي الاعراض
1) شحوب في الجلد والوجه .
2) سرعة التنفس خاصة عند عمل مجهود.
3) خفقان في القلب .
4) احمرار في اللسان .
5) نقص في الطاقة والحيوية .
6) الخمول والتعب

اول شي بقولج انج لا تشربين الشاي بعد اي وجبه مغذيه بتاتا
الا بعد مرور 2 او 3 ساعات

و هذي معلومات بحثت عنها لج
اتمنى انها تفيدج
الأطعمة التي تحتوي على الحديد:
اللحم الأحمر، وخصوصا لحم العجل الأحمر، الكبد، الأسماك، والطيور، التونة، البيض، والبقول، والفواكه المجففة. السلمون، الخضار الورقية الخضراء الغامقة.

امتصاص الحديد من الأطعمة
تعتبر الأطعمة الحيوانية افضل مصادر الحديد؛ وذلك لسهولة امتصاصه منها. لكنه يصعب على الجسم امتصاص الحديد من العائلة النباتية، وما يزيد الأمر سوءا هو تناول الشاي الداكن اللون مع الأطعمة النباتية؛ لأنه يعوق امتصاص الحديد أكثر. أما الجمع بين الأطعمة الحيوانية التي تحتوي على الحديد والأطعمة النباتية التي تحتوي على الحديد فسوف يؤدي إلى زيادة امتصاص الحديد من الأطعمة النباتية إلى جانب امتصاصه من الأطعمة الحيوانية. ولزيادة امتصاص الحديد يستحسن تناول الأطعمة التي تحتوي على فيتامين ج (C) أو تناول هذا الفيتامين على شكل أقراص.

هلا الغاليه
إن شاء الله ما تشفين شر ..
حبيبتي أنا في حملاتي كلها أعاني من الحاله .. وفي أخر حمل تمت معاي ألين أخر شهر

كل ما أروح مكان كلها ساعه وراده البيت ..
بس أنا ما كان عندي نقص في الدم كانت المشكله نزووووووول في الضغط ..

وإذا إنتي عندج نقص دم ..
فأنصحج إنج تاكلين كل يوم طماطه وحزمة كزبرة أو جرجير لمده ثلاثه أشهر وبتشوفين النتيجه ..
وربي يقومج بالسلامه

اكلي خضروات وفواكة وايد

والموز فيه نسبه كبيرة من الحديد

ماتشوفين شر ام سعيده وحمدان .. انا نفسج تقريبا .. كل هالاعراض فيني

وطلع فيني فقر دم لاول مرره :( .. وعطتني الدكتوره بالاضافه الى الفيتامينات

اللي عندي حبوب اسمها فروز ferose .. مرتين باليوم .. بس احس مااقدر

استحملها .. صايدني خمووول بعدها وانااام كثير .. واحس طول اليوم اني مخدره ..

ابي اسألج بحملج الاول كم كان الدم عندج .. وشنو المشاكل اللي صارت لج .؟

لاني الحين خايفه واحاتي :(

سلااااااااااااااااااااااامتــــــــــــــــــــــــــــــــــج حبيبتي تدرين اعتقد هذا عشان قلة الاكل ..الاخت فوانيس ماقصرت و السبانخ فيه وااايد حديد و البروكلي و لازم الحامــــــــــــــــــــــــــل في الشهور الاولى لازم حبوب حديد اكيد تدرين لانه مو اول مرة تحملين..الله يسهل عليج و يعطيج الصحة و العافية..

سلامتج يا ام حمدان و ما تشوفين شر
انتي محتاجه تتغذييييين عدل حاولي

سلامتج ما تشوفين شر ..

انا بعد الوحام بدا يلعب دوره وياي .. واللوعة ببلاش عندي .. و ياريت استفرغ وارتاح لا .. احس اني معبايه هوا وهو الي يلوع بي ... (شكيت حالي)

على فكره مسأله اليوع فيني انا بعد.. تحصليني اكل حتى لو شبعانه ليش مادري خاطري في كل شي ..

وأدوخ اذا ما كلت عدل .. ومن آكل اتعب بعد ماعرفت لعمري ..

كلي كل الي وصفته لج اختي فوانيس .. ترا الكبدة بعد زينه .. صح قالوا في مواضيع طبيه انها ممكن تسوي تشوهات بس احسه اخرطي

امي في كل حملها تاكل كبده لأنه يكون عندها نقص في الحديد وانا بعد كنت آكله..

والله يسهل علينا ان شالله

اهلا ام سعيدة وحمدان

للأسف كنت ابي انصحك لكن انا اللي لازم انصح روحي ؟؟ خخخخخخ

لاني مثل الحاله دمي ناقص بس مو وااايد .. لا بس لان الضغظ والسكر بعيد الشر عنك نازليييييييين .. لذلك على طول تعبانه ودوخه وكأني مخدرة حتى في الدوام بس على قد ما اقدر اشتغل لكن هلاااااااااااااااااااااااااااك خصوصا قومة الصبح انا مو حامل واقوم بالزووووور والغصب كيف حامل وتوني في الشهور الاولى ..

اقول بس الله يعينا ويسهل علينا انا واااااااااايد خايفة هالمرة لان بحمل الاول ما كنت اشتغل بس اللحين اشتغل وملزومه بدوام رسمي واي غياب محسوب علي ؟؟؟؟

وش اسوي اذا قمت ولا تحركت اشويه نفسي تقطع ودخت واحس روحي بطيح ؟؟؟

بس الله يعينك على هالموقف لو انا مكانك ما اروح هالمجمع الا بعد ما اولد خخخخخخخخخخخخخ

سوري ما افدتك وعورت رأسك بالهذرة بس شسوي تعرفين حامل وتبي تفضفض ... خخخ الله يسهل علينا كلنا ان شاء الله يالله فترة وبتعدي بس اذا رحتي للدكتورة خل اتشيك لك الضغط والسكر وما فيج الا العافية ان شاء الله وسلامتش ما تشوفين شر ..

سلامتج يا ام حمدان و ما تشوفين شر
انتي محتاجه تتغذييييين عدل
والاكلات الي فيها حديد هي ( الكبد , السبانخ, اللحم) وعموما كثري من الفواكه والخضراوات

ولازم تاخذين فولك اسيد وحبوب حديد بس لازم اتروحين المستشفى والدكتوره تعطيج الادويه المناسبه

الله يهون عليج وعلينا كلنا

اكلي لش اشياء خضرة

مثل السبانخ والجرجير هدولا فيهم نسبة حديد قوووية

حبيبتي والله انا جتني نفس حالتك بس عكس الناس في الشهور الأولى ماحسيت بأي تعب
بس في السادس تقريبا بدت عندي الحالة طفشتني تعبت ماأقدر لاأطلع ولا أتمشى و مره كنت في السوق في الصباح بعد و حسيت بنفس تعبك بغيت أطيح والله بس الحمدالله لقيت كرسي!!
قالتلي الدكتورة (هذا هبوط ضغط ماله علاج بس اول ماتحسين بالدوخة على طول اتركي اللي بيدك و اجلسي)..

السلام عليكم ورحمة الله وبركاته

تسلموووووووووووووووووووووووووووون حبايب قلبي علرد الطيب..
وشكرا على المرور الطيب..
وعن جد استفدت وطمنتوني..

الله يقومج بسلاامة و يرزقج انتي و كل المحرووماات بالذرية الصالحة يا الغالية

الله يعينج يا حبيبي المشمش المجفف فيه حديد

الله يسهل عليج يا رب ولا يصيبج مكروه

لا اتخافين ان شاء الله خير

انا في حمالي 3 مرات اغمى عليه !! مره اغماء ونزيف وطحت عالكاشي واتعورت ....... لكن الله ستر

لا اتحاتين اتوكلي على الله .. اتوكلي على الواحد الاحد وخلج قويه .. الله يساعدج الغاليه

السلام عليكم ورحمة الله وبركاته

تسلموووووووووووووووووووووووووووون حبايب قلبي علرد الطيب..
وشكرا على المرور الطيب..

حبيبتي ما تشوفين شر ... بس لازم تتغذين عدل وتكثرين من الكبود والسبانخ والخضار والفواكهة والحليب والأشياء اللي تعطي طاقة...

وأنصحج اتسوين سبانخ مع الروب وحاولي تاكلينه كل يوم..

وسيري عند الدكتورة عشان تعطيج حبوب حديد.. عشان تتقوين..

!looloo!;4562255:
حبيبتي ما تشوفين شر ... بس لازم تتغذين عدل وتكثرين من الكبود والسبانخ والخضار والفواكهة والحليب والأشياء اللي تعطي طاقة...

وأنصحج اتسوين سبانخ مع الروب وحاولي تاكلينه كل يوم..

وسيري عند الدكتورة عشان تعطيج حبوب حديد.. عشان تتقوين..

مشكوووووووووووره حبيبتي علرد.. خذت موعد عند دكتورتي الي بترجع من السفر بتاريخ 11 نوفمبر.. اتخيلي الموعد 2:30 الظهر ههههههههههههههه.. الله كريم..:encore:

عليك بعصير العنب كي دي دي او الربيع ذولا الاثنين طعمهم لذيذ ووحدة بوحدة للدم