ابليز بنات شاركوني بهالموضوع من خلال خبرتكم

اختي عاادي مولازم تقلب اللحين بعض الاطفال يتاخرون بنتي 8شهور وليومج ماتقعد عدل وحبي يالله تحبي شوي وماطلع لها ولاضرس وطبعا هدي كلها قدرات على طفل

مش لازم كل اطفال نفس الشي

وعن اكل عطيها فارليز كل يوم مع حليب وسيرلاك حطي لها قفشه فقط وحده مع حليب وتكون رضعه بس باليوم لين 6شهور خلاص عطيها سيرلاك

وسووي لها محلبيه عيش بيضه وااايد زينه ويحبها الياهل

وفي بسكوت ميلوبا يمسكه طفل عطيها تاكله بس انتبهي لاتغص انتي اكليها

وعطيها كل يوم جبن مثلث بوك واايد لين للياهل واستمري لين 6شهور وابتدي اكليها

6شهور عطيها موز خوخ مشمش كل فواكه ماعدا فراوله وكيوي وعنب ومانجا مضر للاطفال ولاتعطينها عسل وروب قبل سنه مووووووووزين

والبرتقال مخفف بمااي وقليل جدا عطيها يسبب حساسيه

والبيض سمعت انه مضر قبل 8شهور لاتعطينها

ب6شهور سوي لها خضار مهروسه جزر وبطاطا حلوة وكوسا

موز وخوخ وكمثري

يعني دخلي انواع

وفي كتاب بمكتبه جرير واايد مفيد اسمه تغديه طفل من 4شهور لسنته ال5 موسوعه الفراشه ب65ريال

ولاتستعجلين انها تحبي بسرعه وتقلب خليها براحتها كل طفل مش زي بعض





وشنو ترضعينها اي حليب؟ وكم رضعه تعطينها باليوم؟ وتنام واايد او لا

مشكورة عروس الدوحة على الرد

انا جربت معاها هالاشيائء اللي ذكرتيها بس كل يوم انوع لها يوم اعطيها ميلوبا ويوم وجبة خضار واللي عقبه فواكه بحيث انه وجبة اكل وحدة باليوم ولاحظت زيادة بالوزن بس مو وايد

وانا بديت اعطيها حليب صناعي الحين من كملت الست شهور رضعة وحدة باليوم واسم الحليب بروميل

واصلا اهي من انولدت وانا اعطيها رضاعه طبيعية ما عطيتها صناعي كلش
تعتقدين هالشي اهو اللي خلا نموها بطيء؟؟
ويالله يا بنات افيدوني بالمزيد

والله يااختي ماادري لاني مارضعت بنتي طبيعي فقط شهور وكنت اعتمد على سيميلاك اعتماد كلي بنتي وزنها على عمرها بس بعد ضعيفونه وكلن يشوفها يهاوشني بس الحمدالله اهم شي الصحه

واانصحج لاتعطين بنتج معلبات بكارفور وجمعيات تراه موووووووووووووزين خلي اكل بنتج كله فررش

نسيت اقولج وحده من الاهل قالتلي على طريقه تقول يمتن الياهل انا ببتدى اجرب على بنتي

تقول اخدي فنيال عيش مومستوي من خيشه وطبعا نضفيه من شوائب ونقعيه بالماي من ليل لين صبح وتقول شخليه وحطيه بخلاط وطحنيه واكليه بنتج تقول ياهل يحبه ومفيد

نسيت اقولج اسمع البعض يعطون اعيالهم شوربه شوفان او كويكر بس ماجربت على بنتي يقولون مرررة مفيده

طبق مفيد للأطفال بعد الشهر الرابع

المقادير
- 2ملعقة كبيرة شوفان كويكر
- 2 ملعقة طحين أرز
3/4 كوب حليب (الحليب الجاهز)
ملعقه صغيره سكر

الطريقة:
توضع المقادير السابقة على النار وتحرك لمده خمس دقائق
ثم تخفف النار لمده خمس دقائق او حتى تصبح المكونات غليطة قليلا..

تسلمين حبيبتي وما قصرتي وبجرب هالخلطة وان شاء الله تمتن اعيالنا وعسى ربي يخليلج بنوتج

أختى وزن البنت شوي قليل بس مو معناه عندها مشكلة،، زيدي بكمية الأكل وعطيها حليب طبيعي..
أعملي لها الشوربات مثل الشوفان والخضروات المسلوقة وطحنيها، الفواكة هرسيها وعطيها...
وطريقة شوربة الشوفان سهلة (من 7 او 8 شهور): كوب ماء مع شوفان وشوية معكرونة لسان العصفور وجزر مبشور.. ولما يوصل الطفل لعمر 9 شهور ضيفي البصل ولما يكبر أكثر ضيفي الذرة والملح وشوية كزبرة وكمون.

بخصوص الحركة،، ترى مو شرط يقلب الطفل بسرعة، أنا ولدي هلكني لا يحبي ولا يقلب ولما صار عمره9 شهور بدا يشد ويوقف ولحد مايكمل السنة مايحبي، بس ماشاء الله مع تمامه السنة مشى بدون مايحبي. أنتظري شوي وبتشوفين كل حركات الشقاوة...

انا من عطيت ولدي هريس وحسيت ماشالله وزنه زاااااااد

كنت اسوي له حب هريس واضربه له في الخلاط هاي يوم كان صغير

بس الحين اعطيه من هريسنا وفي رمضان عطيته هريس تخيلي يوميا حسيت انه متن وجسمه طبيعي وحلوو

وعليج بالبطاطا المهروووسه والروتي مع الحليب ذوبي لها

والرز مع الروب للغدا والمحلبيه عطيها العصر

والسريلاك بعد

سوي لها كوكتيل ثقيل شوي واكليها اياه يعني اقصد مو للمرضاعه

شوربة الخضار بعد في الخلاط

اليهال من عقب ال 6 شهور تقدرين تعطينه أي شي بس مانصحج باللوح لين عقب 9 شهور

لاتعطينها جبن ولا بيض ولا عسل

وبسسسسس هاااي اللي اتذكره

السلام عليكم والله انا بنتي عمرها سنة وشهرين ووزنها 7 كيلو مع انه ترضع طبيعي وتاكل من اكلنا رز ولبن وشوربة ولحمة ودجاج بس صحيح وزنها بس ماشاء الله تبارك الله عزمها قوي
ويمكن بنتك قطعتها ناعمة يعني جسمها وقوامها ناعم والله يخليلك ياها يارب ومايضرك فيها