أبني والضرب ؟؟

عادي هو صغير سنه يعني مايميز بين الضرب وغيره بس انتي حاولي تلعبي معه لانه يمكن يحسب انه لعب
ربي يحفظه لج

اختي منولة هذا شي عادي لطفل بهالعمر .. لان تفكيره صاير يتطور ! ..

ولدي يوم يسوي جذي اباعد يده بهدوء يعني و اقول له ( لا ) باسلوب لا هادىء و لا عصبي و الحمدلله ترك !

و هاي طريقة سوبر ناني ..

اذا استخدمتي معاه القسوة والشدة في هالحالة بيعرف ان هذا الشي يزعج فبالتالي اذا بغى اي شي وماسويتيه بيمد يده ( انا بنتي تسوي جديه اذا امنعها شي تعرف الاشياء اللي ما احبها وتسويها) فالاحسن انج تتعاملين معاه بهدوء والتجاهل افضل حل

توه صغييييييير وما يفهم عددل تباعديين يده بهدوء وتقوليين له لأأ هذا يكفي على ما اعتقد والله يهدييه انشاء الله
تحياااتي

عندي طريقه روعه انش ادا ضربش تمثلين انك زعلانه منه وتصيحين وتالي هو بيجي بنفسه يراضيش هههههه

عادي اختي في هذا السن لا تحاتي والله يهديه لج ويحفظة ان شاء الله

احس السالفة عادية ... انا بعد بنت اخوي نفس الشيء ما تشووف شعر قدامها الا وشبصت فية والمشكلة انة يعوور من قلب اصيح بس لين تكبر بتفهم .. بس بشكل هادىء اقول لها هدية .... هدية .... او احيانا اقول لها عيب ماما عيب ... اهي صج ما تفهم بس لما تكبر بتفهم وبتتعلم ...

انا ولدي عمره 10 شهور نفس الشي

من يضربني ابعد يده واقول له لا عيب

ويرجع يسوي نفس الحركه واحمر له عيني واقول له عيب

وبعدها مايعيدها يبتسم ويروح

اشوفه شوي شوي خف واللي اقول له لا ماييرجع يسويه

وحتى لو رجع وسواه هو توه نونو بس ارجع واذكره

وطبعا انتي المفروض تعلمينه شوي شوي عشان يعرف ان هالشي عيب

وانتي تقولين لا وعيب حمري عينج عشان يعرف ان هالشي غلط

وهالسن احسن سن للتربيه الصحيحه لان عقب السنتين بيصير عنيد واللي في راسه بيسوي

والله يعينج

السلام عليكم انا بنتي بعمر ابنك الله يخليلك ياه وبنتي كمان بتضربني وبتشدلي شعري بس انا لاحظت انه لمابتعمل هالشي بكون انا ملهية عنا وهية بدها تلفتلي نظري الها وبدها تلعب ولما بكون نايمة بيديق خلقها وبتصير بتصحيني بشد شعري ويمكن ابنك نفس شي

مشكوره خواتي ..طمنتوني عليه يعني مو بس ولدي يمر بهالشي ..ان شاء الله اتبع هالطريقه ويترك

هالشغله ..صحيح التربيه متعبه الله يعينا ويقدرنا نربي أولادنا تربيه صالحه

الله يعطيكم العافيه خواتي وما قصرتوا

انا اعاني من نفس المشكله وولدي في سن ولدج...بس المشكله مب بس انا..يضرب بعد يدته و عماته و احيانا الغرب في السوبرماركت اذا حاولوا يلاعبونه وهو معصب..فشلني كم مره...ويوم يضربني اذا تجاهلته يزيد الضرب وشد الشعر..واذا قلتله لا بعد ما ينفع وياه ..واذا سويت عمري اصيح يا ويلي ويلاه...يضربني اكثر واكثر...احيانا يكون بالفعل مؤلم....الله يعين ابا حل

لا اختي الضرب مو عادي ولاتضربين او تضحكين معها اذا ضربك حاولي تبين له انك زعلانه بنبرت صوتك وازعلي منه فتره اذا كلمك لاتكلمينه خليك حازمه معه بنظرتك وصوتك ولكن الضرب لا تضربينه ابدا وجازيه بانك تحرمينه من شي هو يحبه ويبيه وانشالله ربي يصلحه لك ويحفظه لكم

ولدي جي كان وكنت اطنش اقول فترة وبتعدي لكن زاد ومستمر الين الحين

لا تعطينه مجال لانه بيتمادا

انا الحين بديت اني اهدي معاه شوي وامسك يده بهدوء وابعدها عني ... واصرف نظري عنه أو ألعب معاه عشان ينسى سالفة الضرب

والحمد لله احسه خف شوي عني ..

وعقبال ولدك يا انجل ايز ..ترى صحيح الضرب يفشل ويعصب الأم بطريقه مو طبيعيه

الله يعين الجميع