بسم الله الرحمن الرحيم
الحمد الله رب العالمين
شخباركم اخواتي
والله شقول لكم
عندي مشكلة واتمنى انكم تساعدوني فيها
انحنا صار لنا تقريبا 25 سنة عايشين في بيت وجيرانا يصيرون بيت عمي اخو ابوي
وطول هالسنين وكل مشاكل وبينا ونتصالح ونرد مشاكل
لكن والله العظيم وربي شاهد على هالحلفة ان المشاكل كل منهم
عمي محد يتحمله شايف نفسة على الناس وكل يعيب
المهم
آخر مرة صارت مشكلة وتهاوشت انا ويا ولد عمي
تخيلوا قط علي كلمة والله لو غريب ماقالها لي
ويوم ثاني راح ولد عمي وقال ان اني الي قلت اليه هالكلمة
واتصل عمي الى ابوي وقال له لاانت اخوي ولا اعرفك ولادش بيتي
المهم اني قلت اليكم السالفة لان ابي احطكم في الصورة
والحين ابوي وامي يبون يغيرون البيت
بيت عاشوا فيه 25 سنة
والله ابي اروح بيت ابوي مثل قبل لاني متزوجة
ماني قادرة اروح اشوف البيت الي عشت فيه عمري ولعبت فيه يهدونة علشان سالفة سخيفة جدي
وعلشان ناس مايستاهلون
شسوي
قولوا لي
اشلون اقنعهم
الله يخليكم
السالفة صعبة بالنسبة لي والى اختي
اختي نفسيتها وايد تعبانة
الله يخليكم عطوني حلول لاتتركوني بهالمشكلة بروحي احسكم خوات والله
بيتنا بيروح
*
23-10-2007 | 11:07 PM
*
23-10-2007 | 11:23 PM
طيب اختي ليش بيت عمك ما يبيعون البيت ليش انتوا الله يهدي عمك ان شاء الله اختي حاولي تقنعي والدك انه خسارة تبيعون بيت عمركم كله والله انها شي موحلو اسئليني انا الي مريت في هالتجربة والله صعبة كانت بالنسبة لي للحين اثارها السلبية مأثرة فينا
يعني مثل ماانتي تقولين انه انتوا دائما في مشاكل وتتصالحون يعني فهمي والدك كذا .
وان شاء الله مابتبيعون البيت والله يهدي سركم ان شاء الله
يعني مثل ماانتي تقولين انه انتوا دائما في مشاكل وتتصالحون يعني فهمي والدك كذا .
وان شاء الله مابتبيعون البيت والله يهدي سركم ان شاء الله
ا
24-10-2007 | 12:16 AM
عزيزتي بنت النواعم الين متى حتتحملوا وهو اللي يسوي لكم المشاكل
بصرحه المفروض من اول نقلتوا لو كان متسامح اوطيب ممكن تتغاضوا عن الاخطاء
لكن كثرة الظغط يولد الانفجار
وصديقيني امكن جزاء صبركم عليهم ربي يرزقكم بجيران طيبين
والجار قبل الدار
ولك شكري
بصرحه المفروض من اول نقلتوا لو كان متسامح اوطيب ممكن تتغاضوا عن الاخطاء
لكن كثرة الظغط يولد الانفجار
وصديقيني امكن جزاء صبركم عليهم ربي يرزقكم بجيران طيبين
والجار قبل الدار
ولك شكري
ق
24-10-2007 | 06:10 AM
شوفي حبيبتي عن المشاكل والله ماعرف شو بالضبط هي فما اقدر اقول شي اما عن تغيير البيت شو مستفيدين انتو يعني اذا انتقلتو بيت ثاني بيرضى عمج مثلا ولا شو اللي بيتغير غير انه الجفا بينكم بيزييد انا اقول اذا عمج عنيد و هذا اسلوبه تمو فالبيت ترى انتو جيه ولا جيه مابتحتكون فييه وايد عقب اللي قاله حق ابوج بس حرام البيت يتغير و الله يعينكم الصراحه
w
24-10-2007 | 08:02 AM
بالعكس اختي راي ابوج وامج عيب الصواب..أحسن لاتكبر باجر المشاكل وتزيد..وتصير فضايح..البيت يتعوض بس الاهل والسمعه الزينه مايتعوضون..وسير بعيد وتعال سالم..وأكيد اهلج فكروا فالخطوبه لانهم تعبوا من المشاكل..بس الواحد يدور على راحته..ولاتولمينهم..محد يهون عليه يهد بيته وذكرياته الحلوه..بس مرات لازم الواحد يقدم تنازلات..والله يسر امركم يارب..
م
29-10-2007 | 12:05 AM
مرحبا حبيبتي ....انا اقول انهم ما يطلعون من البيت افضل..وعمش مع الايام عاجلا ام اجلا بيحس باخوه وما اليه الا اخوه...والله يهدي الجميع....وولد عمش الله بيحاسبه على كلامه ان الله رقيب وحسيب...
ل
29-10-2007 | 04:17 AM
يالغالية زين مازين الوالد ربما تغير البيت خير لكم
وفرج عليكم تلقون جيران افضل من عمكم اللي مأذيكم
صدقيني خيرة تغيير البيت مسكن مبارك ان شاء الله
وفرج عليكم تلقون جيران افضل من عمكم اللي مأذيكم
صدقيني خيرة تغيير البيت مسكن مبارك ان شاء الله
ر
29-10-2007 | 04:25 AM
انا اشوف الافضل انكم تبتعدون عن عمك والي سواه ابوك عين العقل ....وصدقيني مع الوقت راح تنسين
م
29-10-2007 | 04:52 AM
حبيبتي انا اقول الأفضل انكم تطلعون من البيت والله انا حااسه فيك عمي مثل عمك ويمكن ازود
وربي بس لما ابتعدنا عنه الحمد لله خلصنا منه ومن غرووره وظلمه ومع الدعاء والصلاة طبعا لولأ ربي مارتحنا منه
والحمدلله حنا والله ناس طيبين ونخاف ربنا حتى هو الحين جأ وتسامح من ابوي رغم انه هو اللي اكبر من ابوي لاكن حلو الأنسان اللي يعترف بغلطه <<<<والله ذكرتيني باللي مضا وماحسيت بحالي وقمت اقول قصت حيااتي هههه الحمدلله على كل حاال ((من شاف مصايب الناس هانت عليه مصيبته ))
استخيري ياقلبي وماخاب من استخار ماتدرين شنو بيصير بعدين ربج الوحيد هو العالم
اسأل الله ان يفرج همج ويشرح صدرج ويهدي عمج وينصركم على كل ظالم وينصر كل المظلومين اميين ياارب
تحيااتي لج ,,
وربي بس لما ابتعدنا عنه الحمد لله خلصنا منه ومن غرووره وظلمه ومع الدعاء والصلاة طبعا لولأ ربي مارتحنا منه
والحمدلله حنا والله ناس طيبين ونخاف ربنا حتى هو الحين جأ وتسامح من ابوي رغم انه هو اللي اكبر من ابوي لاكن حلو الأنسان اللي يعترف بغلطه <<<<والله ذكرتيني باللي مضا وماحسيت بحالي وقمت اقول قصت حيااتي هههه الحمدلله على كل حاال ((من شاف مصايب الناس هانت عليه مصيبته ))
استخيري ياقلبي وماخاب من استخار ماتدرين شنو بيصير بعدين ربج الوحيد هو العالم
اسأل الله ان يفرج همج ويشرح صدرج ويهدي عمج وينصركم على كل ظالم وينصر كل المظلومين اميين ياارب
تحيااتي لج ,,
أ
29-10-2007 | 08:58 PM
انسه فله;4520160:
بالعكس اختي راي ابوج وامج عيب الصواب..أحسن لاتكبر باجر المشاكل وتزيد..وتصير فضايح..البيت يتعوض بس الاهل والسمعه الزينه مايتعوضون..وسير بعيد وتعال سالم..وأكيد اهلج فكروا فالخطوبه لانهم تعبوا من المشاكل..بس الواحد يدور على راحته..ولاتولمينهم..محد يهون عليه يهد بيته وذكرياته الحلوه..بس مرات لازم الواحد يقدم تنازلات..والله يسر امركم يارب..
ع
29-10-2007 | 11:23 PM
انا اقول اتكلمو مع والدك وحجاولو تثنوه عن بيع البيت خاصه بيت كبرتو فيه وطلعتو منه على بيت ازواجكم
قولوله الحل مو في بيع البيت وهو عمي يعني اخوك وعمر الدم مايصير مي مهما يصير
ونبقه بالبيت نتجنبهم لا قالت فلانه ولا علقت علانه
هم في حالهم واحنا في حالنا
صباح الخير ياجاري انت بحالك وانا بحال
والله يكون معاكم ان شالله
قولوله الحل مو في بيع البيت وهو عمي يعني اخوك وعمر الدم مايصير مي مهما يصير
ونبقه بالبيت نتجنبهم لا قالت فلانه ولا علقت علانه
هم في حالهم واحنا في حالنا
صباح الخير ياجاري انت بحالك وانا بحال
والله يكون معاكم ان شالله