ولدي ما يرقد !!!!!!!

والله يا اختي كلنا بالهوى سوى

انا ولدي ينام الساعة 10 و يقعد الساعة 3 و 7 و 9 بعد شنو نسوي

ان شاء الله لمن يكمل ال 6 شهور يكون ياكل عدل فما يجوع و يجرها نومه للصبح

الله يعينك صراحة السهر مع الدوام كلش مو شي

والله شو اسوي الحمدلله اني في مكتب اروحي ساعات ارقد وما بقص عليج

الله يعينكم انا مثل حالكم بنتي عمرها 5 شهوور وما تنااام الا الساعه 8 الصبح وتقعد 5 العصر كل يوم هذا حالها شنو نقول غير الله يهديهم
تحيااتي

والله انا كمان بنتى
لما تنام تصحى كل ساعة
تبكى مانى عارفة ايش اسويلها

بسم الله الرحمن الرحيم
الحمد الله رب العالمين

كل الجهال جدي
الحل الوحيد الصبر

أختي رد قلبي اسمحي اقول لج بانه إي اتسوينه غلط تعطين طفل عمرة 5 شهور الساعه 2 في اليل سيريلاك وتعطيه فالمرضاعه عشان يكون ثقيل عليه وقبل لا يرقد اعطيه شوفان بالحليب هذا كله يسويله عسر في الهضم وما بيقدر ينام لج عدل مثلنا احنا الكبار اذا ثقلنا في وجبة العشاء ما بنقدر انام اذا عندج صبر عندي لج طريقة عطيه الساعة 12 في الليل حليب عادي في المرضعة وبعدين كل ما يقوم من النوم عطيه بس ماء بيصيح لج يوم يومين ويمكن اسبوع او اسبوعين او ثلاث لا اتعبيرنه بس عطيه الماء في الليل والوجبة الثانية في الساعة 5 او ال6 صباحاً رضعة اخرى من الحليب وبعدين بتشوفين بأن نومه استوى عدل وما بينش كل نصف ساعة لأنه بيفقد الأمل بأنه يحصل وجبة دسمة

حتى أنا ولدي رقادة متقطع والحين باقي لة اسبوع وبيدخل الثامن وعلى فكرة قبل لا يرقد يسوي مناحه في البيت من الصياح وبعدين يرقد فديتة
والله اني تعبت وااايد

ياليت اقدر اساعدج انا بكريه وولدي مره شهرين واسبوع ومخبلني وماارقد موول حتى انه ولدج بالنسبه لي نعمه انه يرقد شوي وحتى الردود اللى شفته يالسه اقراها واقول ياليت ولدي بس يمكمل ساعتين على بعض انتى جربي ماتعطيه سريلاك او شي ثجيل اللهم حليب انتى شكلج بعد بكريه

يبغيلنا رابطة احنا بعد الي عيالنا ما ينامو بالليل

اه بس كيف بسوي لما يبدا الدوام وهو كذا المديرة بتقترح علي اقدم استقالتي خخخخخخخخخ

انا بعد ولدي الحين بيكمل اربع شهوووووووور فديته - ومن بديت اداوم وهو مخبلني ما يرقد - بس من خبرة اربع شهووور انا لاحظت اشياء
لاحظت لما يكون شبعان ما ينش فليل -- وساعات يصيح مب لانه يوعان بس لان متضايق ويبا يرقد في ها اللحظه خلج حاضتننه واعطيه حنان صدقيني بيرقد بس السالفة يبالها صبر

وساعات يصيح لانه فيه غازات - احطه على بطنه ويرتاح الحمدلله

اختي خطا بليل تعطينه شي ثقيل مووووزين يسبب امساك وغازات للبطن

وعن نوم تخيلي بنتي 8شهور وتاخد اسبوع شحلاتها تناام واسبوعين تقوم كل يوم

امس نامت 9 بليل وقامت الله يحفضها 12 ونامت وقامت 5 وهاي حالتي كل يوم معاها

هو على حسب مزاجيه ياهل

بس اعتقاد ادا مانميتيه الظهر والصبح بينام لج طول ليل لانه بيكون تعبان

وحبيت اسئلج اشلون تسوين شوفان بالحليب

أنصحكم بمنقوع اليانسون مع الحلبة .. تهدي مزاجهم وتريح بطنهم من الغازات ويناموا مرتاحين فديتهم .

من تجربتي الشخصية طبعا

انا ابني اول ما تم 40 يوم عملي كدة صار ينام النهار كله ويقوم الساعة 12 بالليل وما يرقد الا الساعة 5 الصبح شوفتو العذاب وهذا وانا عندي دوام اليوم التاني ...

بس قلت مستحيل ... لاااااااااااااااااااااااازم حل !!!!

صرت ما اخليه ابدا ينام من بعد الساعة 8 المساء لو شو ما حصل .... حتي لو كان ما نام من الساعة 5 العصر ... كان يعذبي مرة يجلس يبكي ويبكي ويترقد ... ولكن انا ابدا ... مع انه كان بكاءه يعذبني ....بس كله لمصلحته ومصلحتي نوم الليل اهم من نوم النهار .. وهكذا اول ما تجي الساعة 11 ينام نومه واحدة الي الصبح ما يقوم الا مرة واحدة او مرتين ... بعد فترة 10 ايام خلاص كان اتعود صار من نفسه ما ينام في المساء وينام الساعة 11 مرة واحدة ...

تعرفو ان النظام هذا واصل معاه واتعود عليه الي الان وهو عمره سنة وشهرين .... لو احنا في اي مكان في الدنيا اول ما تجي الساعة 11 هو يبدأ يبكي ويتململ يريد ينام .. خلاص الساعة البيلوجية اتظبطت عنده ...

انتو اعملو كدة وباتكونو تدعو لي ... طبعا ما باتكون سهلة من اليوم الاول بس يحتاج منكم صبر ...