هل ينام طفلك معك في الغرفة

انا ولدي عمره سنتين ينام معي بالغرفة ودااايما متكشف وقد ما اغطيه بالبطانيه بس لازم يتكشف

انا بنتي عمرها 7 اشهور وتنام عندي فالغرفه طبعن ... وما اخبي عليج ساعات التكييف يأثر عليها واحاول أغطي سريرها بالكامل .. والحفها ب بطانيه بس المشكله ترد البطانيه ع ويها .. بس الله كريم ..

انا بنتي تنام معاي بالغرفه عمرها 5 شهوور
وحاول قد ما اقدر اخلي الغرفه برودتها معتدله ودايما اخلي الباب مفتوح علشان ما تصير الغرفه باااااااارده
تحيااتي

أنا ولدي كان ينام معاي يوم كان صغير وفعلا التكييف كان يبهدله، زوجي يخليه عالي وايد وهو المسكين يزكم.. وكنت أغطيه بس ماكان يتغطى بالمرة يتحرك وايد، الحين هو بغرفة ثانية جنب غرفتنا وأخلى الباب مفتوح عليه والمكيف منخفض بس مازلت أعاني من الغطاء مايتغطى بالمرة يلف في السرير لف،، بس دائما ألبسه بيجامة بيد طويلة حتى بالصيف ، أتبعي أختى نفس الطريقة بيجامة بيد طويلة يكون مايمرض الطفل...

انا ولدي ينام معاي بنفس الغرفة بس بسريرة

و الحمد لله احنا هني ما نعاني من المكيف هههه

بس اختي رانيا كم عمر ولدك نقلتي غرفة بروحه؟؟ مشلون اتعود عليها؟؟

أنا بنتى عمرها ثلاث سنوات من أسبوع بس بدأت تنام مع أخوانها بس أول ما تصحى تجى عندى

انا ولدي عمره ثلاث سنين ينام جنبي حاولت اخليه ينام غرفه لوحده مبراضي وبنتي تنام في السرير عمرها سنه ونص وولدي الثاني عمره خمس شهور كلهم في غرفتي

مشكورين اخواتي ماقصرتوا الحين عرفت ان الكل يعاني مثلي لأن انا ولدي عمره سنتين وينام معي بالغرفة وأخاف عليه من التكييف لأنه دايما يتعبه ( يزكم وحلقه يلتهب)
وانشاء الله تولدين بالسلامة يا أخت رقية
تحياتي:21_164:

أنا ولدي عمره سنتين ونص وينام وياي بنفس الغرفه ، بس بعيد عن المكيف الحمدلله، وأبغي أعوده ينام بروحه في غرفه بس الظروف ماتسمحلنا لأني عايشه في بيت أهل زوجي وعندي غرفة وحده بس ...
ادعو لي انه الله يرزقني ببيت وأعيش ويا ريلي وربي يسعدنا وانتوا كذلك .......

للاسف اي
ولدي عمره سنه و شويه و ينام معاي بالغرفه
حاولت كذا مرة اني اطلعه الغرفه الثانيه بس متردده لانها شوي بعيده عن غرفتي

بس ان شاء الله ان شاء الله راح اشتري بيت و اطلعه غرفه بروحه لان المسكين نومته متبهذله

انا ولدي عمره ثلاث سنين ونص ينام جنبي حاولت اخليه ينام لوحده مبراضي وولدي الثاني عمره ثلاث شهور ينام جنبي

سلام اخواتي انا معاي بنت وحده ربنا يحفظها ويخليها لي اميييييييييين تنام معي بنفس الغرفه بس بسريرها طبعا وانا كمان البسها بيجامه طويله عشان التكييف مايضرها وربنا يعين

السلام عليكم انا بنتي عمرها سنة وشهرين وتنام معي بالغرفة ولماتصحى بالليل بنيمها على سريري ولماتغفل برجعها لسريرها وبلبسها قبل النوم بجامة بأكمام طويلة عشان النوم

انا ولدي عمره سنة وشهر

وينام معاي بنفس الغرفة على سريرة

بس اذا وعى يبي يشرب

اخليه معاي على السرير

واحيانا اذا خلص اوديه على سريرة

واحيانا تاخذني النومة

وطبعا البسه كم طويل واخلي الغرفة معتدلة

أنا ولدي عمره 3 سنوات و 4 شهور ..
سريره كان يم سريرنا وبسهولة يقعد بالليل وينط ليي ..
فغيرت مكان سريرنا حتى ينجبر انه ينام بروحه ..
نجحت الخطة بداية الأيام وظل حتى اذا قعد يصيح اشوي ويرجع ينام لأني اسكت عنه واسوي روحي مااسمعه
وكنت اخليه وامشي عنه وينام عادي

ولكن!!
رحت العمرة وخليته مع عمتي وظل يكسر خاطرها وتخليه ينام جنبها .. فتعوّد ان احد ينام وياه ..

رجعت وبدأت المأساة .. مايرضى ينام في سريره يظل يصيييح وتطور قام ينط من السرير ويجيني ..
الحين لازم انيمه واذا نام اوديه سريره .. بس واجد يوتعي بالليل وينط ويجيني .. خفت عليه من الاصابات من القفز (السرير مسوّر) وقمت افرش له في الأرض وأخليه ..
لكن على الأقل خمس مرات يقعد في الليل ويجي ينام جنبي ومن ينام ارد ارجعه مكانه وهي حاااالي طوووول اللييييل

يعني لاراضي ينام مكانه بدوني ولاهو مخفف قعدات الليل
بس آخذ احتياطي وألبسه بجامة كم طويل او على الاقل تكون سروال حتى لو نص كم لأنه ماشاء الله يشدخ في جميع الأنحاء

اللي عندها طريقة تسعفنا بها

عاااااااااااااااادي التكييف عالي وبنتي بلاعيمها كل شهر ملتهبه

واثنينهم اعيالي ينامون معاي بس احاول مااحط اسرتهم في وجه المكيف والحفهم بس عادي اقوم القا الملحف بعيييد عنهم

الله يحفظهم

عندي ولد عمره ثلاث سنوات ينام معاي في الغرفة

لكن على سريره الخاص فيه

انا بنتي عمرها 3 شهور وتنام عندي في الغرفة
بس في سريرها
ومثل حالتكم متأذية من المكيف لانها تقعد متزكمة وتسعل مع اني اغطيها واغطي السرير بعد
ولما اصك المكيف تعرق بسرعة وحيرتني هالنتفة

مرحبا

ولدي عمره 8 شهور ينام ويانا في الحجره ..ابوه يبغي يفصله ويخليه ينام في صالتي بس انا مب طايعه لانه صغيره ..البس ولدي بجامه فيها كم او البسه فانيله بكم وجلابيه + اقمطه لين الحين لاني اخاف عليه يحط اللحاف على ويهه واخلي المكيف معتدل وان شاء الله الجو بيعتدل الحين وبتستغني عن المكيف