مشكلتي مع بنت في الجامعه .. بموت من الهم والتفكير
روح ملكية
23-10-2007
26 رد
1,498 مشاهدة
السلام عليكم ورحمه الله وبركاته
بنات انا بقول لكم مشكلتي وانا ميته من الخوف مدري كيف بتصرف
من البدايه
انا سنه 2 جامعه تعرفت على بنت من سنه تقريبا بحكم تخصصنا النتشابه
طبعا انا وشله البنات علاقتنا فيها كانت بسيطه مجرد زماله لا اكثر ولا اقل
لاكن قبل فتره قصيره اتت لي انا وصديقتي المقربه
وقالت لنا انا ابي احول مكالمات من جوال صديقتني على جوالاتكم لان اهلي بيدقون عليها لانهم شاكين بالرقم
احنا قلتنا لها من دام انها بنت ليه شاكين بالرقم وقامت تتلكك ومادرت شتقول وقامت تالف قصص
طبعا انا مع صديقتي عرفنا على طول ان الرقم رقم ولد وشايفينه في فاتورتها
طبعا ماوافقنا كلش قلنا لها لا مستحيل مانسويها واحنا مانعرف البنت هذي عشان تعطينها ارقامنا >> واحنا متاكدين انه رقم ولد مو بنت .. طبعا لاتحسبونا شكاكين بس في اشياء كثيره اثبتت لنا الشي هذا
ومن يومها وهي دايما تدق على جوالاتنا بس احنا مانرد كلش
والبنت من النوع اللي مب سهل تخوف يعني
المهم الحين يوم بدت الدراسه بعد العيد احنا حذرنا كل البنات منها وكل البنات انصدموا يوم قلنا لهم السالفه وطول الوقت وهي معنا واحنا مو معطينها وجه كلش ولا كنها موجوده بس هي وجهها زي قفاها ماتحس كلش
انا يابنات ابي اقطع علاقتي فيها نهاااااائي وتنسى انها عرفتني
احنا اتبعنا اسلوب التطنيش وياها ولا نفع
وانا ودي اقول لها في وجهها خلاص انا مابيك معنا رجائا ابعدي عننا
لاكن اخاف لو قلت لها شي تروح توزع رقمي عند الاولاد او تسويلي مصيبه لانها مب سهله
والله مدري يابنات وش اسوي تكفون ساعدوني
وانا مابي رقمي ينتشر لانه باسم بابا وحتى هي لو نشرته بتنشره باسمي اكيد وتعطيه اولاد
انا خايفه من هالشي يعني تنتقم مني بهالاسلوب
شرايكم يابنات اروح اقولها في وجهها ابعدي عني او استخدم معها اسلوب ثاني
وشو اسوي بالضبط تكفون قولولي
ومشكورين
أول شي دائما ألجئى لله عز وجل وقولى هالدعاء ( اللهم أنى أسألك الستر من تحت الأرض ومن فوق الأرض ويوم العرض ) بكل صلاة وبوضع السجود قوليه
وايضا دعاء ثانى مهم ( اللهم أكفنى فلانه بنت فلان بما شأت وكيف شأت أنك على ماتشاء قدير اللهم أجعل كيدها فى نحرها وأجعل تدبيرها تدميرها يارب العالمين 3 مرات )
من وجهت نظرى بعد ان تتكلين على الله أنج تطلعين أحد من أهلج عالموضوع
أختج أو أمج أى وحده قريبه منج للضروف ماتدرين شنو ممكن يصير بعدين
ومع هالبنت بالتحديد
أتبعى أنتى وزميلتج معاها طريقه وحده مثلا خل زميلتج المقربه تناديج جدامها وتقول يافلانه أبيج بموضوع خاص ممكن شوى بطريقه لبقه وتروحون أنتو الثنتين مع بعض وكل مره أعملو نفس الطريقه مثل ماقلت لج بطريقه لبقه بحيث ماتكسبون عداوتها وبأذن الله بتفيدج
كثرى من ذكر الله والأدعيه والله يبعدها عنكم ويهديها لنفسها
عتب ونصيحه لج شخصيا ( مفروض ماتعلمون بقيه البنات عنها أولا ستر لها لأنها وثقة فيكم وبعدين حرام يعتبر غيبه!! )
تفاديا للمشاكل والاصطدام معها ..ابتعدي عنها بجميع الطرق
لكن بدون ماتواجهينها باللي في بالك ..بحيث لما تجلس معك استأذني واتركيها واذا اتصلت لاتردين على مكالمهاتها صدقني تدريجيا هي بتمل من هالتصرفات وتبعد نفسها منكم
غير هذا استري عليها ولاتتحدثين عن موضوعها امام البنات
أول شئ اختي المفروض تسترون عليها مو تخبرون ربعكم بسالفتها..وعلى الاقل لونصحتوها..وبعدين اخذيها على جنب كلميها بهدوء..انها تبتعد عنكم..بدون جرح مشاعر ولا مشاكل..لانه هالأيام ماتعرفين الزين من الشين.ولكن مره ثانيه لو عرفتي اي شئ عب نبت لاتتكلمون..استروا عليها..من ستر على عبد ستر الله عليه فالدنيا والآخره..وبعد حالوا تنصحوها..ولو تعطونها كتيبنات..يمكن الله يهديها ولكم الاجر..والله يسهل اموركم يارب..
اهم شي الستر يااختي :)
والمفروض ماتقولين حق احد
وتتصرفين انتي معاها بحكمه وعقل .. ولا تتهورين وتتصرفين تصرف يسبب لك بمشاكل
والله يعينك يااختي .. ويوفقك يارب .. ويبعدك عن رفاق السوء
حبيباتي انا ماتكلمت عنها بشي شين من وراها
انا حذرت البنات منها قلت لهم لاتردون عليها هالايام ترى وراها سالفه .. وعشان ماياتمنونها على سر لانها فضاحه بشكل رهيب
انا ماقلت للبنات عشان اغتابها انا ما احب اغتاب احد بس لازم احذر صديقاتي هذي عشره عمر حتى هم لو عرفوا شي عن بنت وهي معنا اكيد بيحذروني منها .. ما اقدر اخليهم على عماهم وتلعب عليهم لازم احذرهم
فهمتوا ليه انا سويت كيذا .. مو لقصد الغيبه ابد حشى لله
ومشكورين على ردودكم كلهم ماقصرتوا
وانا خايفه منها والله تسويلي سالفه
مدري اروح اقط الكلام في وجهها واخلص من هالموضوع
او اسوي معها اسلوب التفاهم مع اني مابي اتفاهم معها ولاني بطايقتها
هذي وحده راعيه مشاكل
لو انا في مكانج على طول بخبر امي بالسالفه مب لاني ابا صرفه للموضوع بس عشان يكون عندها علم يمكن لاسمح الله يصير شي و توزع رقمج مثلا او تسوي اي شي تكون امج عارفه من زمان بالسالفه و تصدقج و توقف وياج
وانا مثلج واجهت وايد بنات من هالنوع والله كنت طبيعيه وياهم مابينلهم اني ماباهم ويانا فالشله بس في نفس الوقت ماسولف وياهم الا اذا هم بدوا و ارد على قد السؤال و مع الايام البنت بتمل و بتسير ادورلها شله ثانيه تفهم شو في بالها اكثر و بالهطريقه مافي عداوه ولا شي
كثري من الاستغفار و قولي حق امج على طول تدعيلج بالصحبه الزينه و الله يبعد عنج وعنا رفقاء السوء
صعبه نحكم على سالفه اللي قلتي من طرف مو يمكن انتي ظالمه البنت او كلها توهمات لانك من الشخصيات الحذره
انا من رايي يا اختي انج تغيرين رقمج وما تعطييييييييييينها ابدا ابدا واذا تمت تتحايل عليج فهميها انه ما عندج تيلفون وهذا لاختج عشان ما تسال وايد ... وحاولي دايما تسلمين وتمرين من عندها مرور الكرام صدقيني فترة وراح تنسى انتي منو وما راح يكون بينكم شي غير السلامات ..... بس لا تواجهينها لانها يمكن تسبب لج مشاكل .. وقولي رقمج عند ابوج يعني ها لا تعيرينها اي اهتمام وان شاء الله بتبتعد عنج
روووووووووووووووووووووز
هلا حبيبتي قويه الساس
انا ان شاء الله بخبر ماما بالسالفه وبقولها كل شي
طيب حبيبتي شوفي احنا طنشناها لين ماقلنا بس ومو راضيه تفهم ان احنا مانبيها لزقه بشكل رهيب
يعني انتوا تشوفون انه مو زين لو قلت لها الكلام في وجهها ..؟؟
او استمر في التطنيش وخلاص ؟؟
بكره بروح الجامعه ولا ادري وش اسوي معها
الله يستر بس
سهام القوه
انا ما اتبلى عليها بالعكس
لو ان البنت زينه كان البنات ماصدقوني وقالوا لي لا انتي غلطانه والبنت زينه
لاكن احنا شايفين منها حركات قبل بس ماكنا متاكدين قلنا مابني نضلمها
لاكن الحين خلاص تاكدنا مايبيلها ذكاء
مشكورين على ردودكم واهتمامكم
شكرا حبيبتي روز
انا رقمي فواتير يعني تغيره شي صعب وش بقول حق ابوي وقتها يعني مو زي السوا تشترينها من السوق وخلاص
وبعدين مابي اسبق الاحداث هي لو وزعت رقمي انا بغيره
لاكن الحين انا خايفه من هالشي
ومابي بابا يدري لانه لو دري اكيد بيروح يكلم ابو البنت
واهلهم مب سهلين من البدو المتعصبين حيل يعني ماعندهم تفاهم وانا اخاف على اهلي
يعني مابي اكبر السالفه ابي اتصرف تصرف حكيم يبعدها عني من غير مشاكل ..
احس اني مو عارفه وهو التصرف الصح اللي يطلعني من السالفه من غير مشاكل وعوار راس ..
احس انه مابقالي الا خيار واحد
اللي هو اواجهها واقولها كل شي في وجهها
لاكن اخاف هالشي هو اللي يسبب مشاكل بينا وتكبر السالفه وهذا اللي انا ما ابيه
الله يستر
روح ملكية;4513748:
هلا حبيبتي قويه الساس
انا ان شاء الله بخبر ماما بالسالفه وبقولها كل شي
طيب حبيبتي شوفي احنا طنشناها لين ماقلنا بس ومو راضيه تفهم ان احنا مانبيها لزقه بشكل رهيب
يعني انتوا تشوفون انه مو زين لو قلت لها الكلام في وجهها ..؟؟
او استمر في التطنيش وخلاص ؟؟
بكره بروح الجامعه ولا ادري وش اسوي معها
الله يستر بس
طنشي كثر ماتقدرين هي مب في يوم و ليله بتمل هالنوع من البنات املهم كبير واللي في بالهم يسوونه عشان جيه طنشي واحسن انها تبتعد بدون ماتشل فخاطرها عليج او عالكلام اللي بتقوليلها و تحممممممممملي تواجهينها تراج مب عارفه شو بيستوي
انسه فله;4513393:
أول شئ اختي المفروض تسترون عليها مو تخبرون ربعكم بسالفتها..وعلى الاقل لونصحتوها..وبعدين اخذيها على جنب كلميها بهدوء..انها تبتعد عنكم..بدون جرح مشاعر ولا مشاكل..لانه هالأيام ماتعرفين الزين من الشين.ولكن مره ثانيه لو عرفتي اي شئ عب نبت لاتتكلمون..استروا عليها..من ستر على عبد ستر الله عليه فالدنيا والآخره..وبعد حالوا تنصحوها..ولو تعطونها كتيبنات..يمكن الله يهديها ولكم الاجر..والله يسهل اموركم يارب..
انا مع الانسة فله في كل كلمة قالتها ..انتوا جنيتوا سيئات يوم قلتوا للكل ..كان المفروض ما تخبرون يمكن هالانسانة تتوب و لاحد يدري باللي صار بس انتوا تكلمتوا عليها و ما كان عندكم دليل قاطع يثبت ما قلتوه لو واجهتكم..
r
rدلوعة باباتها
مشرفة سابقة
23-10-2007 | 03:50 PM
انا برايي .. انكم مسوين اكشن لسالفه مالها داعي ...
بنت جاتكم تبي الي تبيه و انتوا رفضتوا خلاص .. المفروض توقفون لهل حد ..
لكن انج تروحيين و تنشرين شي عنها انتي بنفسج ماتاكدتي منه 100% .. سمحيلي انتي الغلطانة
فلنفترض اوكي اهي راعية شباب و خرابيط و جاتك وانتي بتعدتي .. هاي الخطوة صح
لكن خطوتج الثانية في انج تنشرين عنها شي صح؟؟
في انج تفضحين البنت و سمعتها وسط البنات صح؟؟؟
ليش تخافين على سمعتج وانتي ماقصرتي بسمعتها؟؟؟
انا لو منها افضحج بعد و اوزع ارقامج .... لانه انتي ماقصرتي فيها
حبيبتي .... ساعات التصرف الي ماله داعي .... ماله داعي يصير
احنا مو في فيلم اكشن علشان تسوين الي انتي سويتيه
ولا انتي ماعندج غير هل بنت شايله همها و كليوم تطلعين شي من موضوعها
ولا انتي الي صدتيها تكلم ولد باذنج علشان تفضحينها بهل شكل
اوكي من حقج تحذرين منها و ابتعدتي من هل ناحية تصرف صح
لكن انج تفضحينها ... و تقولين حق كل البنات وولا بنت تكلمها هاي في ذمتج انتي!! لانه لو البنت حبت تتوب و تستر على عمرها و تنسى غيرها نماراح ينسى بسبتج انتي
حبيبتي دوم تعلمي تسترين على الناس علشان الناس تستر عليج و ربج يستر عليج يوم القيامه و نفس ما انتي تخافين على سمعتج و ماتحبين حد يتكلم عنها اهي بعد لها الحق تخاف وانتي تكلمتي في عرضها و شرفها في شي انتي مو سامعته باذنج!! و هاي على فكرة يسمونه قذف .. روحي سمعي عقاب الي يسون القذف .... و شوفي شنو عقابهم عند رب العالمين!!!! عقابهم جهنم على طوووووووووووووووووووووووووووووووووووووووووول لانه يتكلمون في اعراض الناس!!!!!
او سالفة او تبين تطنشيها صح بتلاقين الف طريقة غير طرق الاكشن الي انتي سويتيها .. سمحيلي اختي انتي فاضيه و تحبين تعظمين السوالف الي حولج .. تره الدنيا مو بس سوت فلانه و بتسوي فلانه و حذروا فلانه .. مفهوم الدنيا اكبر من جي
الله يستر عليج ... الغلط غلطج 100%%
r
rدلوعة باباتها
مشرفة سابقة
23-10-2007 | 03:56 PM
آخر تعليق .. و اذا قررتي تواجهينها خل تكون عندج الجراه انج تقولين لها بالحرف الواحد
" انا لطخت سمعتج بين البنات و قتلهم عندج سوالف شباب و مب زينه"
لانه الي يواجه المفروض يواجه صح و نفس صارتلج الجراه تلطخين سمعتها من وراها على الاقل ختكون عندج الجراه تقولينها هل اعتراف لانه بيفيده و بيهمها اكثر من انج ماتبينها ترافجج!
لغالية
لاتتهورين
وتتهاوشين وياها لان ممكت هذا الشي بنقلب ضدج
انا بعطيج حل اذا قدرتي تاخذين تلفونها وتمسحين رقمج
من تلفونها ولاتنسين بعد المسجات وكل شي يعني انهي وجود
رقمج من فونها
ومو بس لاتعطينها ويه قفطيها يعني حسسوها انها يالسة وياكم غلط
احرجوهااا
وان شاء الله تبتعد عنكم
حبيبتي البنات يدرون عنها من غير ما اقولها في نفسها جاتنا في يوم وقالت لنا اكلم ولد وش تبين اكثر حبيبتي
لنا يوم اقول للبنات قلت لهم لاترود عليها هالوقت ترى الجوال مع اهلها يفتشونه .. انا مو جالسه اغتاب وشلتنا كلها خمس بنات ودارسين مع بعض من زمن .. يعني هي اللي فاضحه عمرها بعمرها ياما جات وحكت لنا مغامراتها بس قلنا كيفها هذا لها ولنفسها .. بس تتعدى حدودها وتصرنا لا حبيبتي هذي فيها سمعه بيت وشرف .. انا مو انانيه وما افكر الا في نفسي .. لاتقعدين تتهمين وبس لو ان سمعتك في خطر مكان جلستي تتفرجين .. وانا قايله من البدايه انا ما تعمدت اغتابها في فاضحه عمرها بعرمها والكل يدري انها تكلم ولد بس قلنا كيفها بالطقاق وش علينا ومنها بس مو تجي وتدخلنا في سوالها ..
مشكورين على ردودكم ماقصرتوا
¶
¶رٍوحـٍي»W«قـطـر¶
عروس مبدعة
23-10-2007 | 08:38 PM
اختى دام انها مثل ماوصفتيها ومانفع معاها الحقران!!
انصحج تغيرين رقمج ولاتعطينه الا المقربين منج و بس
وحاولوا تجاهلونها اكثر مهما كان وجهها قوى مسيرها تمل
والله يفكج شرها ان شاء الله
آ
آآآآآهات الصمت
مشرفة سابقة
23-10-2007 | 09:25 PM
خبري أمك بالموضوع كاملا
على شان تقول لأبوكي يغيرلك الرقم
*
* كسر بخاطري *
عروس مشرقة
23-10-2007 | 11:45 PM
اختي احسن شي انج تنطنشينها ولاكأنو لها وجود هي كذا بتمل بعدين وتحس على نفسها يمكن والله يحميك ويستر عليكي يارررررب