اللي جربت منتجات هيمالايا للأطفال تتفضل !

ما جربت الا صابون الاستحمام وعجبني صراحة ما عليه غبار

تسلمي اختي خلاص باخذه ..

و انتظر ردود المجربات للكريم و الشامبو ! ..

ما جربت وانشاء الله اردون علييج اللي جربو ومنكم نستفييييييد
تحياااتي

منتجات همالايا كللللللللها رووووعة وتجنن وريحة خفيفة وحلوة...

اخذيها وانتي مغمضة..

عجل خلاص ان شاء الله يوم السبت بروح آخذهم و بجهز لصدوق احلى حمام

عاد ادعو له الله يهديه و مايهرب من الماي ! ..

نسيت اقولج انه منتجات بيجون وايد لطيفة بعد..

حسين ولدي كان ما يرتاح لمنتجات جونسون خصوصا اللوشن والصابون،

فغيرت الى بيجون والحمدلله صار تمام معاه ..

جمانة .. انا استخدم من همالايا بعض كريمات العناية بالبشرة و اختارها لانها بالاعشاب يعني تحسيها شي

من الطبيعة افضل من تركيبة الكريمات الباقية ..

و شفت قسم الاطفال من هملايا و قلت باخذ لانه على اعشاب الطف لبشرة الجاهل ..

بيجون كنت آخذ منه مناديل مبللة كان واجد حلو و ناعم !!

بصراحة هاي دعاية قوية حق منتجات هملايا

بس هاي المنتج يستاهل لاني استخدمه حق بنتي الشامبو فضيع وانا بنتي شعرها حساس بسرعه يتقطع لكنه ناسبها وااااااايد
وقبل اسبوع بديت استعمل كريم الشعر حق بنتي مع اني كنت متردده لان مثل ما قلت شعر بنتي ضعيف وحساس لكن ولله الحمد ناسبها وريحته تتم في الشعر والله ويفك التشابك (ايش رايكم انفع اقدم اعلان)
لكن ترا كل الي قلته عن تجربه
لكن اختي بعد يختلف من شخص الى شخص اخر

مع تحياتي

انا ما جربته لكن من رمسة البنات شكلي بجرب ع بنتي

بصراحه من كلامكم عن منتجات هملايا انا تحمست اشتريها لولدي ...واحس شامبو جونسون يخلي شعره شوي خشن .... بسير اجربها وبشوف

أنا صار لي فوق السنة أستخدم منتجاتهم كلها روعة،، قبل كنت أستخدم بيجون بس بعدين حبيت الهميلايا أكثر وريحته روعة.. جربت الشامبو والبودر واللوشن وكريم طفح الحفاض والصابون (حسافة ماعندههم صابون سائل) وباقي بس الزيت باجربه هالمرة حق شعر ولدي....

جربت الكريم بصراحة وااااااايد زيييييييين
وشكلي من مدح البنات باجرب الشامبو والصابون

لكتكوتي أستخدم سيباميد

بس أنا أستخدم منتجات هيمالايا المخصصة للأطفال " وجه مستحي " وأموت عليها ... مرتاحة منها جداً وأفكر استخدمها لولدي بعد ما يخلص اللي عنده

جونسون ما أحبها أبداً أحس بشرة الأطفال تتحسس منها أفضل عليها بيجون " بعد جربتها لروحي " وهيمالايا جونسون لا وألف لا

اخت رقم .. سيباميد هاي وين انتاجها ؟ يعني صناعة اي بلد ؟

دعاية قوية والله ..
اني بعد قلت بجربه لكن خفت ..بس دورت على زيت الشعر من منتجاتهم خاص للأطفال ما حصلت الظاهر مافيه صح او لا ؟؟

ان شاء الله نجرب منتجات هيمالايا ونشوف

! أنــثــى !;4514831:
اخت رقم .. سيباميد هاي وين انتاجها ؟ يعني صناعة اي بلد ؟

هلا أختي أنثى

شلونش شخبارش وشخبار السيد الصغيرون ؟؟؟

حبيبتي سيباميد ألمانية وهي بالخصوص طبية وخاصة بالبشرة الحساسة عشان جي واجد ينصحون بها للأطفال

قبل ما أقرر استخدمها " قبل لا أولد " دورت عنها معلومات كثيرة وبعدين قررت اعتمدها لما شفت أطباء كثيرين يمدحونها وينصحون فيها

من الأشياء اللي تخليني أفضل همالايا وسيباميد أن الأولى هندية والثانية ألمانية وأنا مقاطعة ، وأنا مرتاحة جدا جدا من سيباميد بس قررت أغير لأن يقولون من الأفضل تعويد بشرة الطفل على أكثر من نوع

اهلين خيو اشكرك عالرد و انا الحمدلله وولدي زين الله يخليك .. عساكم بخير .. !

زين انك اخترتي غير الجونسون يعني ما طحتي بافخ مثلي ! .. تعرفين انتي ان جونسون مسوية احتكار !

الشامبو و سائل السباحة و الكريم ظلو عندي سنة كاملة ! و ماصدقت يخلصون ابي غيرهم ..

و بشوف يمكن اجرب منتج من سيباميد .. اكيد بحصله في جيان مثلا ؟؟

و اشكرك ..

السلام عليكم و رحمة الله و بركاته

خذيها و إنتي مغمضة...أعشق هالمنتجات...

جربي كمان صابونة الأطفال...ناعمــــــة و ريحتها روعة...تنفع حتى لنا :)