عندي سؤال بس مستحية

الله يعينج حبيبتي اليهال يبي لهم صبببببببببر
وهذا ياهل ماله داعي تصارخيين عليه ومايفهم اصلا على شنو تصارخيين
لعبي معاه وضحكي ومسحي علييه وهو بيحس بحنانج وبأمان
تحيااااتي

شكرا لمرورك اختي و نصيحتك و اسلوبك الحلو

مسكين كسر خاطري ..

احيانا الوحده تفقد اعصابها وتصرخ على عيالها بس هم مايفهمون .. اختي مثلج تصرخ على عيالها وهم صغار ..

وعقب تيلس تصيح .. وسبحان الله اليهال لين انتي تعبانه يزيدون في الصياح ..

الله يعينج ويعطيج طولة البال .. لين كبر شوي بيعرف انج تحبينه ...

شكرا لمرورك وردك اختي

مرحبا خيوه

بكل صراحه اعتبري ولدج ورده

تنمو بحب وحنان

ولا تحاولين تخدشينها

لان اذا خدشتيها راح تدبل وتموت

فكري كل في هذا الشيىء

وان شاء الله تتغلبين على الي فيج

تحياتي

اختي ابرار الجنة أهم شيئ أنش تحتضنين ابنك وتضميه الى صدرك هذا يشعره بالحنان وانتين ايضا تحسين بها

شكرا لكم واااااااااااايد صج انكم خوات

ردودكم ريحتني و خلتني افكر اكثر بتصرفي الغبي مع ولدي عمري

حالتى نفس حالتك والهى بحس ان بنتى خلصت بنزينى خلاص ما صار عندى طاقة حتى اتحملها ومن كام يوم من كتر ما طفشت منها تركتها و رحت اشوف شغل وراى بالمطبخ وكانت بتبكى رجعت بعد 10 دقايق لقيتها سحبت بطانيتها و لفتها على وشها و يادوب لحقت عليها باخر لحظة و ضميرى تاعبنى مررررررررة بس ايش نسوى هما بيعصبونا و انا بصراحة ما استاهل اكون ام كل فترة اطالع فيها و اقولها الله يعينك على امك الى ما تستاهلك الله يعين بس يعنى بضمها ومرات اسويلها مساج و اوقات بصبر حتى اعوضها عن صراخى الله يعينا جميعا

هلا حبيبتنا ام عموري...

خليني اقولك على سر..

لما كنت بكرية وطفلي حسين كان بعمر عموري.. بصراحة ما كنت احس بمشاعر تجاهه.. بالعربي ماكنت احبه او اشتاق اليه !! ودائما احس انه في شيء غلط فيني.. واحيانا لما يسهر ولا يخليني انام، ولا يجنني من صياحه كنت اكرهه اكرهه !!!

بعدين لما كبر فهمت ليش كل هالاحاسيس.. بهالعمر تفاعل الطفل معاك وحركاته قليلة .. اغلب وقته يحتاج الى الرعاية المكثفة، واذا كان صاحي وهادئ كل اللي تحصلينه من وراه بعد جهد جهيد هو ابتسامة ويادوب ضحكة صغيرة..
لما كبر وصارت عنده حركات اكثر وتطورات احلى.. بديت احس بمشاعر الامومة اكثر تجاهه، صرت اتحمس لأي حركة جديدة، مثل محاولة الانقلاب او رفع جسمه عن الارض بغية الحبو.. او حتى ظهور سن جديد ( كأنه عيد عندي :D )

مافيه ام تذبح عيالها بايدها، وكل ام لابد وان تشدها مشاعر الامومة تجاه صغيرها، لا تخافين، مشاعرك وقتية وهي جراء التعب وبكرة ان شاء الله لما يكبر ويتعدل في نومه ويخف بكاءه راح تفرحي وتعيشي الامومة على اصولها ..

اختي ام عمري انا اتوقع انج تعصبين زيادة لانج لوحدج ما في احد يساعدج عليه، بس فعلا هذا الشي وقتي وبينتهي بعد ما يكبر شوي شوي وينتظم نومه وتصيرين تأكلينه وتلاعبينه حتى ابوه بيبدأ يتعلق فيه وبساعدج على الاهتمام فيه.

الله يعطيج الصحة والعافية ويقدرج على مسؤولية الامومة ويهنيج فيها يا رب

جمانة حبيبتي تسلمين على الرد الحلو

انا و الله اموت بعمار حياتي بس لمن يبكي اموت من القهر اني ما اعرف شنو اللي زاعجه

فاقوم اصرخ معاه

اكبر قلب و الله كلامك صح انا لان بروحي و عمري 20 و ما عندي ذيك الخبرة و زوجي الله يسلمه بالشغل و لمن يرجع يمسكه شوي بس ما يعرف شلون يتصرف معاه و الله يعين

ذكرتيني في موقف صار لي الخميس يعني من كم يوم بس

زوجي كان في الشغل وبيتأخر وأنا توني راجعة من الشغل " تعبانه هلاكنة جوعانه وكان عندي ألم شديد شديد في بطني من يومين "
وكتكوتي يبي نام ومو عارف " تعبان من المشوار في الشمس أخليه عند عمتي والطفل إذا تعب بزيادة ما يعرف ينام " وهو في مرحلة تسنين فكان يصيح يصيح ومو راضي يسكت
عطيته حليب ... بسكوت عضاضة لعبة كتابه ما يبي ... تميت أدور في الشقة حاملتنه وأنا ميته من التعب وما فاد

من غير شعور صرخت عليه صرخة .... هي أول مرة اصرخ اصرخ عليه عدل " فوقف وتم يطالعني مستغرب وقام يصيح بصوت عالي

حاولت تهدئته من غير فايدة ليما تعب من الصياح ونام ... مو هني المشكلة المشكلة أنه تم كل لحظة يفز من نومه مفزوع ويشاهق " حبيبي دمعت عيوني وأنا أتذكر " وحتى لما يتم نايم يأن في نومه ... ما تتصورين بشنو حسيت تأنيب ظمير فظيع

خخخخ النكته أن أول ما رجع زوجي من الشغل قلت له ألحين ألحين توديني ماكس المارينا " كتكوتي يموت عليه يحب يطالع صور الأطفال المعلقة ويضحك ويفرفش " يا زعم براشي ولدي

الله يعينج أختى أبرار، يمكن صغر سنك والغربة مأثرين فيك كثير،، وبما أنك أم لأول مرة أكيد تصعب عليك أمور كثيرة..
الطفل في أول عمره مايتحاوب مع الأم بس من يصير عمره سته شهور تموتين على حركاته وتتهبلين وكأنك مستكشفة شي جديد...
هونيها وخلي بالك طويل معاه، بكرة إن شاء الله هالولد يشيلك شيل....

رقم شكرا لمرورك بعد عمري يا حبيبي اولاادنا و الله مساكين بس احنا هم ضغوط وايد علينا

رقية الله يقومك بالسلامة و فديت عمورك قبل ما ينولد لان اسمه على اسم كتكوتي

[COLOR="navy"][COLOR="navy"][COLOR="MediumTurquoise"][COLOR="Teal"]تسلمين يا رانيا على مشاركتك و ردك الحلو[/COLOR][/COLOR][/COLOR][/COLOR]

الله يساعدك أختي أم عمار أنا نفس حالتك بس بنتي على طول تصيح الحين عمرها 8 شهور ونصف ودااااااااايما تصيح ودايما أصرخ عليها لمن أطفش بس..
بس بعدين يأنبني ضميري لما تنام بس شكلها يكسر الخاطر بريييييييييئة بس ما أدري شسوي شي لا إرادي الصراااخ عليها من القهر ما أدري شفيها تصيح خصوصاً لما الناس يزيدووني وقولوا لي إنه صياحها زايد عن اللزوووم :qaq: ..


بس ياللا بيكبر ولدج وبتتعلقين فيه أكثر وأكيد قعدتج بروحج تزيدج بعد بس الصبر مفتاح الفرج ياأختي.. والله يعينج:9_33:..

صدق هذي مشاعر وقتيه ومع الوقت تتغير شوفي من تجربتي ولدي الله يهديه متعبني وايد طول الوقت قلة نوم و صياح وترجيع مستمر مع انه عمره الحين 4 شهور وأسبوعين بس أحيانا أفقد أعصابي غصب يعني غير حياتي فوق تحت وخاصة اني وراي شغل وتدريس وما ادراك ما التدريس متعبه الشغلة عدل وأصرخ عليه بعض الاوقات واحاسب روحي بس كل ما أشوفه يضحك لي أحس الدنيا ما تشليني من الفرحة واشتاق اليه لما أروح الشغل ومن أرجع يبدأ مشواري معاه وخاصة اني ما فيه احد يساعدني عليه اذا كان ابوه في الشغل . التربية متعبة وتبغي اليها صبر والله يصبرنا وياكم انشاء الله

اهليييييييييين خيتو ام عموووري اخبارج واخبار عموووري

والله انا مثلج ولا عارفه شلون اتصرف خاصة لما يصيح وااايد ولا يرضى ينام



الله يعيننا ويقدرنا وبوسي لي عموووري

عيل انا بتستغربون منى اذا قلتلكم انه ولدى من كان عمره اسابيع كنت اصرخ عليه كان مزجم ومايرقد موووووووووول وتعبني وااايد ومازلت ليم الحين احيانا اصره عليه اخرها اليوم الفجر لانه مب راضي يرقد ويتعصر وحالته لله الحين فديته عمره 2شهر بس وانا ام اول مرة وماكنت ادري انه الامومه حجي عى بالي عقب مااربي برتاح ...بس وين الراحه اذا كنت انا لين الحين مب راقده بكمل 24 ساعه حتى فيني الم في راسي ذبحنيييييييي الله يعيينا