تعالوا اقول لكم معناتي ونهايه صبري..

مرحبا بنات شخباركم ؟؟

بنات انا اليوم جايه اقول لكم معاناتي اللي صج تعبتني وغيرت فيني وااايد ..

بنات انا صار لي متزوجه من 4 سنين وبهالاربع سنين حملت مرتين بس كل حمله كانت مثل الدرس لي اول حمله لي كانت بعد سنه ونص من زواجي وصج صج فرحت لان كنا انا وزوجي ننتظر هالحمله خصوصا بعد كلام الناس واعتقد كل وحده تاخر الحمل عليها عارفه وحاسه شلون كلام الناس ( اللي ماله داعي ) ونظرات الشفقه تعور المهم فرحت بهالحمل وكان كل شي تمام لين الاسبوع السابع جاني نزيف وعلى مارحت المستشفى وسويت تلفزيون وجيه قالوا لي البيبي مات وانتظري كم يوم لين ما ينزل وطبعا نفسيتي تعبت وااايد لاني كنت متعلقه بهالحمل واايد صج كانت فتره قصيره بس صج تعلقت بها المهم نزل البيبي ورجعت نظرات الشفقه من اهل زوجي عشاني ماحملت ويوم حملت نزل .. وبعدها بسته شهور حاولت احمل مره ثانيه بس ماحملت وقعدت احاول واحاول وبعد سنه من المحاولات الفاشله رحت المستشفى عشان اسوي فحوصات اتاكد ان مافيني شي وسبحاااان الله قبل ماتطلع نتايج التحاليل طلعت حامل وفرحت بهالحمل بس كنت خايفه وقلبي قارصني المهم كل ما اروح المستشفى ابي اسوي تلفزيون يقولون لي الجنين مو باين مع ان الهرمون عندي كان مرتفع وبعدها جاني الم شديد في بطني ورحت طوارئ النساء وبدون ما تكشف على او حتى تطلب تحاليل قالت لي دلع بنات ومافيج شي ( تخيلواااا ) المهم قمت وطلعت وقبل ما اطلع من المستشفى اغمى علي وطحت من الالم ورجعني زوجي عندها وقالت له نفس الكلام دلع رجعها البيت والله بذيك الليله يابنات مانمت من الالم وكنت كل ما اقوم ادوخ ويغمى علي تخيلوا ما كان معاي احد بالبيت ابد جسمي علم من كثر ما كنت اطيح المهم رحت حق دكتوره خاصه وقالت لي ان عندي نزيف وكتبت لي تقرير وقالت لي روحي الطوارئ الحين وبسرعه ورحت وعطيتهم التقرير تخيلوا ضحك الدكتور ورما التقرير وقال لي مافيج شي الهرمون عندج تمام قلت له الجنين مو باين بالتلفزيون يمكن يكون حمل خارج الرحم قال لي ممكن ( باستهزاء ) وقلت له طيب انا ابي ادخل المستشفى وابي يشوفني استشاري الا يقول لي مافي اسره قلت له انا ابي ادخل ومالي شغل دخلني والله يابنات ان ب6 ساعات جواني يمكن 5 دكاتره وكل واحد يقول لي راي وبالصدفه اجى دكتور وقلت له السالفه كلها الا قال لي تعالي بسوي لج تلفزيون ولما سوا تلفزيون الا يشوف عندي نزيف خارج الرحم و كثير وركض ودخلوني العمليات بعدها بساعه وبسبب اهمالهم انفجر عندي الانبوب لان كان حمل خارج الرحم واضطروا يشيلونه والله ان الجراحه اللي ببطني كنها جراحه ولاده قيصريه المهم حمدت ربي عسلامتي لان لو تاخروا بالعمليه يوم كان يمكن انا اموت من النزيف و وكلت امري لربي واحتسبتها اجر وصج تعبت واااايد نفسيا وجسديا وهاي الحجي كان من 8 شهور ..

والحين قبل شهرين حاولت ارجع احمل مره ثانيه مع اني خايفه حيل لكن بخاطري هالبيبي والحمد الله قمت ادعي ربي بكل صلاه و قبل ما انام والحمد الله انا حامل وحملت بشهر رمضان المبارك الله والحين لي 5 اسابيع ادعوا لي يابنات ان الله يثبته ويحسن من خلقته ويحميه من كل عين ..

والله يرزق كل محروم ويابنات ادعوا ربكم ليل ونهار والله يفرح كل وحده انشاء الله بخاطرها البيبي ولاتيأسون من رحمت رب العالمين..