محتـــــارة ... و لازم أقــــرر ,,, فهــــل من مساعــــدة

ق

قصايد دبي

عروس مبدعة

22-10-2007 | 02:10 AM

السلام عليكم و رحمة الله و بركاته

شخباركم خواتي ..؟؟:21_88:

عساكم عالقوة دوم ..:B_wink:

كتبت هالموضوع عشان استشيركم في قرار ..:dontknow:

و هذا القرار وايد وايد مهم في حياتنا ... ( انا و زوجي و بنوتي .. و عيال المستقبل 0 ان شاء الله 0 ):21_95:

و هذا القرار هو .. اختيار العش .. يعني اختيار البيت ..:smile:

جات لزوجي منحة .. و الحمد لله .. منحة الاسكان ..

و نحن واااايد مترددين ...:sm215:

هل نقبل المنحة و نبني بيت ... ام ناخذ بيت جاهز ...:21_182:

صديقتي بنت بيتها ... بس وايد اتبهدلت فيه ... من خمس سنوات و هي قاعده تبني فيه ..

و البيوت الجاهزة .. ما ادري كيف نظام الغرف .. و الصاله و المجلس ...

و كل حد يبدي رايه....

البعض يقول .. البنا وااايد مكلف ... و غالي حيل ... تقريبا فوق المليون درهم ..:21_103:

بس اظمن و تبنين على كيفج اللي تبينه و بدون تقيد

و البعض يقول .. خذي البيت الجاهز و فكي عمرج من صدقة المقاولين و من الشيل و الحط ..

و زيدي عليه 100-300 ألف و اثثيه ..

ألحين اللي اباه منكم ...

طبعا في وايد حريم في المنتدى فاتحين بيوت و الحمد لله ...

انتوا شو رايكم ...
:think:
هل آخذ بيت جاهز ...

و لا أبني بيتي ...

و اذا تعرفون مقاولين زينين و ثقة و يجهزون البيت في الوقت المحدد و ملتزمين خبروني ..

و اتمنى انهم يكونون من دبي او من الشارجه على الاقل ..

و حبيت اعرف .. كم كلف البنا للي بنت بيت في دبي تقريبا ... و كم عدد الغرف ...

و مشكورين و ما تقصرون

:9_28:

اختكم

قصايد دبي ..

:9_28:

و

ورد الخريف

عروس ماسية

22-10-2007 | 02:28 AM

والله يالغالية

انا مب من الامارات ......

بس مشاريع البيوت الجاهزة عندنا

تكون مدروسة وتصاميمها وايد عملية وهذا الشي الايجابي فيها

اما عن البناء فهو متعب ومجهد لكن في النهاية

تحصلين على شي يرضيج على ذوقج يعني

وانتي عندج ميزانيتج فاختاري اللي يريحج

اما عني احس بختار بيت جاهز

ق

قصايد دبي

عروس مبدعة

22-10-2007 | 02:51 AM

مرايم السعودية ..

مشكورة اختي عالرد السريع ..

بس ما خبرتيني ليش تفظلين البيت الجاهز ..

ر

ريم ريم ريم

عروس مشاركة

22-10-2007 | 02:57 AM

وعليكم السلام والرحمه

الله يهنيكم ويسعدكم يااا رب

ممممم صج قرار صعب

انالو بدالج ببني بيت بمزاجي

لكن اذا حصلتي بيت مناسب ليش لا

لي رجعة لموضوعج

ع

عنفوان أنثى

عروس مبدعة

22-10-2007 | 03:01 AM

البــناء يبي له تكــلفه

وشغــل يهــد الحيــل

انتي استخيــري

وبعــد روحي شوفيــي البيوت الجاهزة وقرري

!

!looloo!

عروس رائعة

22-10-2007 | 11:22 AM

حبيبتي إنتي استخيري في الأول ..

بس أنا من رايي روحكم تبنون واااايد أحسن..

خالتي اختارت بيت جاهز وندمت عقب.. تصميم البيت ما كان حلو والغرف كانت صغيرة....

وأي سؤال فديتج أنا حاضرة...

b

bj3a

عروس ماسية

22-10-2007 | 11:53 AM

شوفي حبيبتي انا بعد محتاره في هالقرار

بس ضروفي غير لاني انا متلعوزه وكل يوم مشاكل ويا اهل زوجي

المهم انا سرت شفت البيوت الجاهزه مالت الشيخ محمد بن راشد ..

البيوت ضيقه ووايد فيها ممرات يعني مضيعين مساحه
.. والغرف واااااااايد ضغيرة يعني حتى كبتات ما ترومين تحطين فيها على فكرة انا اتكلم عن اكبر بنا في هالمشروع

اوكي بالنسبه للسعر البنا والجاهز تقريبا نفس السعر بيطلع يعني البيوت الجاهزه في هالمشروع تكلف مليون و800 درهم بدون الملحق والحوض والزرع ... اما اذا بنيتي بروحج وعلى ذوقج وبنفس الحجم بيطلع عليج نفس السعر بس بصدعت راس ...

انا في هاي الظروف الي امر فيها قالي زوجي خالناخذ ايده فالموضوع بس يوم رجعت قعت افكر البيت ضيق والغرق صغيره اوكي الحين اليهال صغار والبيت زين لاكن باجر بيكبرون ما اظن بيقدرون يعيشون في قراقير .. فاتقنا ان نبني ولو طابق واحد بس يكون واسع ..

والبنا تحددين سعرة على حسب الحجم والمقاولين والشركات ...

أ

أوراق الخريف

مشرفة سابقة

22-10-2007 | 12:04 PM

السلام عليكم ورحمة اللــــــــــــه وبركاتــــه

هــــــــــلا حبيبتـــي..

حالتي نفس حالتج..

انا كنت افضل بيت جاهز لاني ما احب اتعب نفسي وزوجي وما ابغي اضيع وقتي.. لان عندي عيال والثالث في الطريج ان شاء الله..
بس زوجي كلامه غير كلامي.. يقولي تسوين الديزاين الي يعجبج والتكلفه اقل يعني تقدرين تبنين بيت ب حدود 700 الف لفوق تحت الديزاين الي انتي تختارينه وبسعر اقل.. ام البيوت الجاهزه للبيع اغلبيتها انسكنت ومش نفس الديزاين الي في بالج وفوق هذا ينباع بسعر اكبر يعني بيت انبنى ب 700 الف ينباع بمليون ونص وعلى حسب الارض والمنطقه السكنيه.. والغرف اقل..
والحين طلعت مشاريع الاعمار ودبي للعقارات تعالي شوفي الديزاين روعه والمساحه صغيره جدا وعدد الغرف من 1 ل 2 كثر كثر 3 والسعر ضوووووووووو.. حق الاجانب ما ينفعنا ابد..
فكري جدام يوم العيال بيكبرون ان شاء الله وخاصة الشباب اكيد يبغون يتزوجون وعلشان تضمنين لهم حقهم يفضل ان مساحة البيت تكون كبيره علشان باجر يقدر يبنيله ملحق لان الحين كل شي غالي فما بالج يوم هم بيكبرون..؟!
وانا اشوف كلام زوجي هو الصح بس شراتج خايفه من المقاولين الحراميه..
علشان تضمنين حقج روحي لمشاريع الاسكان.. عندهم ديزاينات مختلفه واسعار مختلفه وما يقدرون يقصون عليج هم يوفرون كل شي وانتي الي عليج تدفعين.. والبيت يخلص على حسب الدفع..
يعني في بيوت خلصت في حدود من سنه لسنه ونص اذا دفعتي كاش وبالكامل.. واضمنلج..
ليش ما تزورينهم وتشوفين الديزاينات الي عندهم اصراحه انا ان طلعتلي منحه بتوكل على الله وبروح لاسكان والشي الحلو الي فيه وايد مميزات يعني تركيب الانترلوك والحديقه وجهاز الانذار يعني المعدات الحديثه بعد هم يسوونه..
زوريهم وان ارتحتي استخيري علشان التاكييد.. وربي يوفقج..

وشكرا..

يسرني مروركم على مواضيعي واضافة الاطلاله فيه
ركن العناية بالشـــــــــــــعر
من افضل الطرق لتطويل الشعر

بدك شعر حرير وبيجنن في نفس الوأت؟!

سر غلاظة وطول الشعر
عندي لكم زيت ولا دابر املا بريحته ولا الحشيش بمفعوله ولاحمام الزيت بفوايده وتطويله

أنا بادي شعر أحمر وحلو وبيجنن وبدون لاصبوغو.. بادي بالحنى!؟
شعرج متقصف+ فيه قشره+ بطئ النمو+ يتساقط اذا زيت Trichup هو الحل باذن الله+ صوره
كريم يستخدم للشعر: (لغلاظته, نعومته, ولمعته) عن تجربه
لكل مشكله حل باذن الله (كل انواع الزيوت وفوايدها ومكوناتها مع الصور)

طريقة عمل زيت البابونج بالبيت ومن صنع يديك (حصريا ب عروس دوت كوم فقط)
الخلطه السريه هدية العيد (لاعادة صحة الشعر والتغلب على جميع مشاكلها) حصريا في عروس
الطريقه المضمونه باذن الله لزيادة طول+ كثافة+ قضاء على القشره= للشعر (مجرب)
_.:•‡ஐஇ زيت جوجوبا jojoba فوايد مهمه للشعر ال......... مع الصور حصريا ب عروس இஐ‡•:._
طريقة عمل المساج لفروة الرأس+ الصور (حصريا ب منتدى ال عروس دوت كوم)

ماسك للشعر طبيعي.. يخلي الشعر صحي+ لامع+ كثيف ومغذي للفروه ايضا (صور)
خطوه خطوه لشعر كيرلي رائع لمحبي Curly يالله على الطااااااااابور
KalaKola Hair Tonic لعلاج القشره ولسواد الشعر ولعلاج التساقط وتاخر الشيب معقوله؟؟!!
ღஐღ الخلطات والزيوت المجربه من قبل الاعضاء+ معلومات بدقه+ صورღஐღ

زيت الخروع الي استخدمه ورهيب
شامبو روعه روعه عن تجربه يقضي على القشره من أول مره وطبي وجديد ومتوفر في الصيدليات

قناع الموز 30 دقيقه لشعر صحي وناعم
بلسم طبيعي لشعر
زيت السمسم لشعر لامع
-(أسرار صحه وجمال شعر الأسيويات)- بحث كامل Exclusive الجزء (1)
حمام زيت (تحفه) عن تجربه ممتاز ومتوفر ولا يتفوت+ صورة المنتج

ا

الخرشة

عروس مشرقة

22-10-2007 | 01:04 PM

شوفي حبيبتي صح البيت الجاهز يفكج عن الصدعه بس ممراته وايده وغرفه صغيره ما اتسد العايلة وغير عن احتياجاتنا
اتوقع مهندسين اجانب امسوين التصاميم وما تانسبنا

واذا ميزانيتج الحالية ما تسمح انج اتسوين فلة كبيرة وايد سوي لج طابق واحد بس يكون أساس طابقين وفيه مجال توسعه مستقبلية....

وفي ناس شفناهم امسوين في بيوتهم على جنب ملحق جانبي ويكون عالشارع يعني مب امذري ورا البيت عسب يأجرونه كم سنة يطلعون قيمته ويبنون من فايدته عليهم باقي البيت....

انتي وشطارتج

اموفقه مقدما

ق

قصايد دبي

عروس مبدعة

22-10-2007 | 11:44 PM

فديتكم خواتي بنات بلادي ..

ما قصرتوا و الله ...

كفيتوا و وفيتوا ...

و اغلبكم قالي ... ابني بيتج بنفسج ...

:iagree:

و ان شاء الله ... الله بيرزقنا بمقاول ولد حلال

او بسير مشاريع الاسكان و بشوف ..

و بعدين انا احس اني بعدني عالبيت ..

يعني يبالي كمن سنه لين ما بنتي شويه تكبر و اكبر انا معاها ..

E

Edmaney

عروس نشيطة

23-10-2007 | 12:02 AM

حبيت اقولج الله يساعدج وايسر امورج انتي وعايلتج ... وعساه منزل مبارك .... وابنيلج بيت دور واحد ووسيع احسن شي عن صدعة الدريات وفوق تحت يغدي البيت شرا الفندق ! وكل حد في صوب وهذا راييي وعن تجربه الغاليه والله يجدملكم اللي فيه الخير

والسموحه

ر

ريم ريم ريم

عروس مشاركة

23-10-2007 | 01:28 AM

اليوم كنت اسولف ويا امايه عن سالفتج

أسألها اانج محتاره

قالت تبنين بيت أحسن

وعقولتها أهم شي الحوش كبير ليش ما ادري ؟

وشي مراوح لان البيوت اليديده ما تي بمراوح

وكل شي صعب هالايام

واللي يبى الحلو يصبر على مره

الله يوفقج ياااااا رب

c

camberlight

عروس مبدعة

23-10-2007 | 01:45 AM

اختي قصايد دبي...... أكيد حلو تبنين بيتج بروحج وتختارين الدزاين الي تبينه لكن وين المقاولين الكفو 1% صدقيني......هذوا بيتي ينبني من 3 سنين وكل يوم والثاني يوقف ويأجل ويشل العمال ومرات ما يرد على التيلفون , انا وريلي متبهدلين وياه المفروض يسلمنا البيت بتاريخ 14-5-2007 يعني من 5 شهور ولين يومج البيت مكانه............... اما بيت اهلي ينبني من 4 سنين ونص والله ولين يومج ما خلصلهم اياه وهذا مقاول ثاني بعد مب نفس مقاولنا...كلهم مب قد الثقى.... انتي ممكن تشوفيلج بيت جاهز بس ما تستعيلين دوري وشوفي كذا واحد والي بيعيبج وبتحبين نظامه وسعره توكلي على الله وخذيه ولو تصلين الاستخاره يكون احسن ...وبالتوفيق.