خاطري أحمل .. بس الجامعه !!

ر

ريــمــا

عروس برونزية

21-10-2007 | 09:40 PM

السلام عليكم

خواتي

أنا بقالي سنتين و اتخرج إن شا الله ..

هذي السنه و السنه الجايه بإإإإإإإإذن الله ..

و السنه الي فاتت حملت خلال الدراسه و وايد تعبت ..

صار لي حمل خارج الرحم .. و المره الثانيه مات الجنين و وايد تعذذذبت ... ( مات لأني كنت وايد اجهد نفسي )

خاطري احمل .. بس متردده احمل او اكمل دراستي !!

و أحاف اعنذر كورس و ما أحمل بسرعه .. و أتأخر اكثثثر :( ..

ما اعرف شاسوي !!

و أنا من النوع إلي اذا حملت نص الكورس ما انسحب اقول حرام تعبي ودراستي !!

D

DXB_lilly

عروس متألقة

21-10-2007 | 09:49 PM

اااااااه ذكرتيني في نفسي... بس الحمدلله ما اتعرضت لاجهاضات ..

اختي والله اللي كاتبنه ربنا بيصير .. انا حملت في اخر كورس في الجامعه وااايد تعبت و غبت و نزل معدلي بشكل فضيع مع اني كنت من الممتازات بس الغياب اثر علي وايد...

انا اقول اهتمي بنفسج اكثر و اهتمي بدراستج لانج تظلمين نفسج و جنينج و زوجك...
انا ما اقول اتركي عنج الحمل لا بالعكس .. في وايد ناس حملوا و قدروا يكملون دراستهم بس اهم شي انج ما تظلمين نفسج بالاجهاد يعني ريحي نفسج و نظمي وقتج اهم شي الوقت..
والله يجعلج من الامهات الصالحين ان شاء الله ..

اختج ليلي دبي

ه

هملووله بنت صوغان

مشرفة سابقة

21-10-2007 | 09:52 PM

انا لو مكانج صراحه بخلص دراستيه وخلاف بفكر فالحمل

لانه حمل ودراسه صراحه وايد صعب

وبذات اذا كنتي من النوع لي يتعب فالحمل يعني وحام وكسل ورقاد

وفالاخير لي رايدنه الله بيستوي

والله يوفقج

ر

ريــمــا

عروس برونزية

21-10-2007 | 09:52 PM

يزاج الله خير ياعمري ..

الحمد لله في حد حاس فيني ...

بسسس و الله مشتاااااااااااااااااااااقه حيييييييييييل حق النونو .. :/ مادري متى بيجيني !!

الله ييسر و يعجل

b

boby

عروس نشيطة

21-10-2007 | 09:53 PM

فديتج والله ,, استحملي هالفترة
وانشالله تعدي افتكي من الجامعه وبعدين لاحقه الحمل
موووووووووووووفقه حبوبة

ر

ريــمــا

عروس برونزية

21-10-2007 | 09:54 PM

هموللله

و الله انا اقول جذي بدية الكورس .. بس اضععععععععععف واايد .. لأني وايد أحب اليهال ..

و الحين وايد احس بوحده خاطري يكون عندي نونو .. :(

ر

ريــمــا

عروس برونزية

21-10-2007 | 09:58 PM

boby

يعني :/ !!!

الله يصبرني دعواتكم ..

يزاج الله خير يالغاليه ..

و

ورد الخريف

عروس ماسية

21-10-2007 | 10:09 PM

كملي دراستج واهتمي بنفسج

جديه اتكونين وفقتي بين الحالتين

س

سموو ذاتي

عروس رائعة

22-10-2007 | 03:43 AM

أختي
إذا فيه حد بيساعدك على تربية النونو
احملي دام انك مشتاقه للنونو
بس إذا مافيه حد بيساعدك عليه لاتستعجلين
والله يوفقك

و

وهف

عروس مشاركة

22-10-2007 | 08:01 AM

نصيحتي لج.. وهي لوجه الله

خلصي دراستج وبعدها حملي

لأن بصراحة حمل ودراسة ما ينفع

وصاحب بالين كذاب

وما اقولج هالكلام الا لأني مجربة

وربي يقدم لج كل مافيه خير

Q

QTR D!VA

عروس جديدة

22-10-2007 | 08:15 AM

شرايج توقتين حملج؟.. يعني حاولي تحملين اول اجازة الصيف علشان ما تتعبين نفسج اول 3 شهور.. وبعدين الكورس 3 شهور بتكونين في نص الحمل.. وهاي الفترة الحامل تكون رجعت لها طاقتها شوي و تقدرين تداومين و تدرسين بس بشرط يكون جدولج خفيف بدون ضغط وعلشان ما يتأثر معدلج.. بس حطي في بالج ان البيبي اذا شرف بتزيد المسؤولية عليج و بتتلعوزين في الدراسة.. فكري في الموضوع عدل و حطي لستة الايجابيات و السلبيات و قارني و احكمي.

بالتوفيق اختي

ر

ريــمــا

عروس برونزية

22-10-2007 | 08:54 AM

يزاكممممممممم الله خير ماقصرتوا ...

قطرات الندى ..

الحمدلله عندي من يساعدني .. بس أنا ما أحب ادخل أي حد بتربيت عيالي و خاصه الخدم ..

لكن إذا مضطره اروح الجامعه 3 او 4 ساعات وارجع اعتقد انها مب مشكله كبيره .. !!

ر

ريــمــا

عروس برونزية

22-10-2007 | 08:54 AM

وهف ..

مشكوره ياقلبي ع النصيحه ...

ر

ريــمــا

عروس برونزية

22-10-2007 | 08:56 AM

QTR D

و الله انا حاطه هالفكره براسي ... بشوف شالي يناسبني و بتوكل على الله بإذن الله ..

الله يسههههههههههههههههههههههههههههههههههل :/ يارب

ف

فيروزة

عروس مشرقة

22-10-2007 | 02:10 PM

انا ادرس وبقالي سنتين وموب هني بعد ادرس خارج البحرين

وانتظر الحمل حتى لو الله رزقني وحملت وموعد الولادة صار بوقت السفر هم يهووون عشان هالبيبي الي تمنيته

وحلمت فيه

ر

ريــمــا

عروس برونزية

22-10-2007 | 07:06 PM

حبيبتي و الله

الله يرزقج يا فيرووووووووز

عليج بالدعاء و الله ماراح يخيبج ..

ادعي ربج في سجودج ..

الله يرزقج
الله يرزقج
الله يرزقج