ساعدوني

قصد الفازلين الثاني مكتوب عليه مب مال الحفاظ اتريا ردودكم

الله يعينك اختي ..


انا بعد عانيت وايد قبل فترة بسيطة من التهاب منطقة الحفاظ لان ولدي كان يعاني من اسهال .


المهم .. عن احمرار منطقة الرقبة اخت زوجي كانت تعاني نفس المشكلة مع ولدها اول ما ولدته .. جربت حلول كثيرة لكن ما فاد معاه الا لما عرضته على اخصائي امراض جلدية وكتب لها على علاج استخدمته وفاد الطفل والحمدلله ..

بس الحقيقة ما اعرف شنو كان العلاج واسماء الادوية ..


الافضل انك تعرضينه على اخصائي وهو راح يفيدك ان شاء الله :9_28:

عالاقل كل وحدة تكتبلي شو تستخدم يوم تبدل الحفاظ؟؟؟ وومشكورة ماما حسوون اتريا البقيه وينكمممممممممممم

السلام عليكم ورحمة الله وبركاته

اختي ولدي صاده التهاب حفاضات يعزج الله ونفس الشي الاحمرار وما خليت شي ما جربته واولهم سودو

بس اخر شي زيت الزيتون جربته والله انه روووووووووووووووووووعة بس المهم تخلينه اول باول بعد كل تغيير
هوه الوحيد الي رد بشرة ولدي سالمة مثل قبل


في أمان الله

ولدي مره صاده سهال الله يعزكم

والمنطقه صارت وكأنها محروووووووقه تخيلي مايقدر يقعد ولا نقدر نلبسه بامبرز

ماخليت شي ما استخدمته من مراهم في الصيدليه وسودو كريم وسيباميد وفازلين كانت حالتنا صعبه

اخر شي حطيت له زيت الزيتون وماشالله يومين وخف الاحمرار ومع المداومه والله اختفى

والحين لين اشوف احمرار على طوووووول ركيض زيت الزيتون واحيانا الفازلين

والفازلين حمايته اقوى لانه ثقيل

ومايشوووووف شر والله اليهال يكسرون الخاطر

انا كمان انصحك بزيت الزيتون والدكتورة نصحتني فيه افضل من الفازلين .. انا استخدمت الفازلين من جبت بنتي للحين وللأسف صار لها إلتصاق في منطقة المهبل .. بعدين غيرت الى زيت الزيتون ..وفاد وياها ..
اذا ما نفع زيت الزيتون روحي الى طبيب جلدية ..
واما عن الأحمرار في منطقة الرقبة لازم تعرفين وش سببه .. احيانا يكون من اللوشن الوردي من شركة جونسون جونسون بعض الاطفال يتحسسون منه في البدايه .. او من الصابون الي تغسلين فيه الثياب لازم يكون خاص للاطفال .. ويمكن يكون من نوع معين من الاكل .. وعلى فكره عصير البرتقال يجيب احمرار في منطقة الحفاظ ..

الله يخلي لك ولدك ..

اختي لا تستخدمين الكريم على كل تبديل لانه جسمه بيتعود عليه وبعدين يوم بيستوي له الاحمرار بتتلعوزين

شوفي خذي كريم( سيباميد علاجي خاص) هذا اسمه بتلقينه في الجمعيه ويوم بيستوي له الاحمرار نشفي المكان عدل وبعدين حطي الكريم وطبعا خلال اليوم خليه شوي بدون بامبرز،، ويوم بيكون ما شئ احمرار لا تحطين له شئ الا اذا بغيتي حطي له فازلين العادي في الليل مب على طووول وكل يوم لازم تخلينه بدون بامبرز لفتره،، بتلقين في بيبي شوب مثل الهافات القطن للاطفال خذيهن ولبسيه بدون بامبرز

أنا مرة صار بولدي جذي وتقشر الجلد المسكين ماكان يقدر يقعد ولا يلبس حفاظة. ومافي فايدة آخر شي نصحني الدكتور بسودوكريم مع كريم بنديرام (نفس تركيبة كيناكومب)، يعني بعد التنظيف مسحة بنديرام ومسحة سودو كريم والحمدلله خف الإلتهاب..
جربي زيت الزيتون مثل ماقالوا الأخوات، أنا عرمي ماجربته بس معروف زيت الزيتون بفائدته....

الله يكون في عونك انا صار لبنتي مره أحمر في أرقبته وديتها لدكتور أمراض جلدية عطاني كريم حطيته من أول مره صارت زينه بس خسار مو ذاكرة أسم لكريم كان كتبت لك

بخصوص منطقة الحفاظ يمكن الحفاظة مومناسبته مسببه له حساسية بدلي النوعية

اختي و الله احنا هني يستخدمون زيت الياسمين لجسم الطفل يشيل الاحمرار بسرعة انا شخصيا مو مستخدمته لولدي لان ما شاء الله ما فيه وايد احيانا يطلعله و احطله كريم خاص بمنطقة الحفاظ من جونسون او من الصيدلية بس اللي يمدحون فيه وايد مثل ما قتلك زيت الياسمين و الله يحميه ان شاء الله

انا احط لولدي زين نارجيل طبيعي
والا سيري عند كتور اطفال في بوظبي في مركز الزعفرانه اسمه صالح وايييييييييييييييييييييييييد زين

اذا تلاحظي اختي انا كتبت لك الحل اللي نفع مع بنتي
وذلك في مووضوع تجمع امهات الاطفال من 0 الى 3 شهور
بالنسبة للرقبة احرصي على جفافها دوما
وضعي بها بودرة الاطفال فهي ستحميها من الاحمرار

اما بالنسبة للحفاظ
استخدمي لوشن اسمه ( زنك اوليف)
والذي يحتوي على 20% زنك والباقي زيت زيتون

انا من رايي اختي دامج استخدمتي اكثر من كريم وما استفدتي استشيري الطبيب احسن بدل ما تجربي كريمات على ولدج وانتي ماتعرفين بيستفيد منها ولا لا.

انا عن نفسي يوم كانت بنتي كبر ولدج الحين صادها نفس الشي وكتبت لها الدكتورة ( كيناكومب) واستفادت عليه من اول استخدام ما شاء الله

والله يشافيه ان شاء الله