دعائي لكم بالجنة .. ساعدوني خايفة على زوجي

بنات انا مشكلتي مع وحده من الأهل . ارمله

أحس .. إنه حاط بالها على زوجي .. وزوجي من النوع اللي يتعامل مع الكل بدون كلافه .. وضحك وغشمره .. وصراحة انا يقهرني طبعه .. بس هذا طبعه وشخصيته .. ولا اقدر اغيره ..

المشكلة ان هالأرملة .. من أيام كنا بنات تغار مني .. والحمدلله كل أموري ماشيه .. في حين اهيه العكس .. ولأن كنا صديقات بس صارت مشكلة بيني وبينها .. وتكلمت علي وعلى شرفي .. واهيه اعلم بأني بنت شريفة .. فانا قاطعتها فترة وكانت تحاول انها تكلمني بس قلت لها ان ما تستحق ثقتي ولا اقدر اثق فيها ورفضت اني اسامحها ولما تزوجت .. سامحتها لأني ما ابي اموت وانا شايله في قلبي على احد .. ومرت السنوات وصار عندها بنات ثنتين .. وانا تزوجت من شاب ما فيه زود مصلي وفي نفس الوقت وسيم .. مع ان جمالي االلي اشوفه عادي واغلب الاحيانا اشوف نفسي اخوف ههههههههه بس وايد اسمع اني حلوة وناعمة .. وصار عندي بنوته حلوة

ولما اكلمها .. زوجج مو متين .. زوجج خفيف دم ..زوجج حليو .. اشوي بتقولي زوجج عاجبني ..

انا في غالب ما نلتقي الا في الأعياد .. ولأن اهل فمجلس الرجال ومجلس النسوان بينهم باب وعادي احنا ندخل عليها وهم يدخلون علينا .. واحنا متسترين ..

عيد الأضحى السنة الماضية كانت لابسه جلابية مخصرة والفتحه على جنب كاشفها ريلها .. وخبري فيها متحجبه .. بس ما ادري شنو صار فيها .. وصراحة طالعه عجيبه .. خصوصا انها طويلة وضعيفة وجسمها حلو وجميلة والكل يقول عنها جميلة .. وانا بعد الحمل والولادة وخصوصا اني قصيرة صراحة صرت بعافية شوي بس قصيرة وما احس اني املك مقومات جمالها .. يعني في الجمال رصيدها اعلى .. وانا اشهد وعشان جذي خايفة على زوجي منها ..

شوف حركاتها ..
سألتني وين زوجج ؟؟؟ ( وانتي مع ويهج ليش تسألين ... هذا في قلبي )
رديت عليها في المجلس مع الرجال ... (صراحة غباء بس شنو اقولها .. وماحبيت ابين غيرتي عليه .. عشان ما ابين لها ثقتي بنفسي وبزوجي وفي نفس الووقت ما احبيت الفت نظر النسوان .. بس اهيه ما تستحي تسأل عينك عين عن زوجي ..

بعدين ما اشوفها الا قامت وراحت مجلس الرجال .. طبعاً انا طيران على زوجي والا زوجي ماشي .. واهيه ما شافته .. رحت مع زوجي للباب الخروج .. والا جايه الاخت تتدلع وتوزع عيادي على اليهال تبي تلفت نظره .. جان الصق بزوجي واسيح عليه واكلمه في اذنه وابوسه .. سلم عليها .. بس ما خليته يطول .. وانا لاصقه وسايحه .. شاسوي الغيرة ذبحتني ... وصراحة الموقف خوفني على زوجي ... وعلى طول قلت لاختي ولامي .. بس ما صدقوا .. بس يا ناس انا حاسه انها تبي تلفت نظره وتبي تقهرني به ..

في عيد الفطر هذا .. ما رحت تغديت معاهم خايفة على زوجي

وفي عيد الأضحى لازم اتغدى لأن بيكون في بيت ابوي .. بس خايفة يصير الوضع اسوأ .. أنا اعرف زوجي انه ضعيف جدام النسوان خصوصا بعد ما عرفت خيانته لي وانحلت المشكلة .. ما اقدر اثق فيه .. واعرف اني متواضعة الجمال .. واعرف ان عندي دراسة وشغل وبنوته يعني مو مقصرة بس مو موجودة دايمن .. وما اخلي زوجي يحتاج من الناحية الجنسية على طول نعم .

وسيلتي الوحيدة اني ابين لها اني مو مرتاحة مع زوجي وان زوجي اسوأ رجل بس في نفس الوقت ما ابي تنشره عنه .. ابيها بس هي تعرف هالشيء عشان تغفل عنه .. بس نفس الوقت ما تخترب صورته في العائلة ..

ساعدوني ابي حل ..