الشتاء يطرق الأبواب ... ما استعداداتكم ؟؟

مرحبا
ايه والله الشتاء قرب والدليل ان ولدي وا علي متمرض احتقان وزكام وصادته بعيد الشر عن عيالكم نفس الضيقة بسبب احتقان الانف ..
اني ولدت في عز الشتاء فيه وصاده اذكر اول ولادته زكام ..وانشاء الله السنة تكون عليه خفيفة ويقولون فيه تطعيم يقي الاطفال من امراض الشتاء من الانفلونزا والزكام وغيره الدكتور اللي وديته عنده اخر مرة اهو خبرني وقال اذا تبغون سجلي الاسم ومباشرة من يوصل راح نتصل فيكم قال يمكن على نهاية 10 او بداية 11 ..

الله كريم

احنا نحاول نسوي اللي نقدر عليه والباقي على الله ..


انا بعد ولدت بعز البرد .. شهر 12 ديسمبر اللي فات ، وولدي من جبته للحين وهو مزكم وبين فترة وفترة تصيده سخونة ويلتهبون له الاذن والبلاعيم (w)
وولدي الكبير هالمرة بنسوي له عملية اللوز من كثر ما هم ملتهبين له (w)

الحمد لله على كل حال ..


عموما .. استعدي بكمية جيدة من الملابس الشتوية .. ولا تنسين الملابس الداخلية او اللي تكون تحت الملابس ، وبعد لا تنسين القفازات والجوارب والقبعات " القحافي " <<< في الاسكيمو مو البحرين :sa32:

وفي البيت حاولي انك تحافظين على جو الغرفة وتسكرين النوافذ وخصوصا عند الاستحمام:iagree: وحاولي تقللين طلعاتكم خارج المنزل في الشتاء


ولا تنسين تخلون ميزانية حق المستشفيات الخاصة في فصل الشتاء <<<<< مثلنا :2_106:


وبعد انا امنع عن عيالي منعا باتا الاشياء الباردة حتى الماي اخلي لهم ماي برا الثلاجة اخصصه للشرب وبعد الروب و الزبادي اخليه لهم برا الثلاجة .. ووقت الحمام اسبحهم او استخدم لهم ماي داااافي واول ما اطلعهم من الحمام مباشرة اجففهم والبسهم وطبعا اكون مهيأة الغرفة ومدفيتها لهم ..

وفي نوع من الدفايات اللي تدفع هواء ساخن هذه انا ما اشجعها ابدا لانها تسبب امراض للكبار والصغار ..




وان شا الله ما اكون نسيت شي .. والبنات الباقيين بيكون ويوفون :21_149:

خوفتوني !

اللعام برد قارس و انا اطلع بولدي .. حتى كان محرم و الشتا زايد و ما مرض الحمدلله ..

اهم شي القبعة تكون متينة و تغطي الاذنين و الثياب تحميه كفاية عن البرد و خلاص ..

مشكورين بس بقيت اسأل الاخت تراتيل عن التطعيم ضد الانفلونزا يصلح حق طفل عمره 8 اشهر؟

احنا الشتاء طرق الباب و حطمه بعد

مسكين كتكوتي من اللبس يطلع مثل الدب القطبي

انا ولدت شهر 11 كان بعز الشتاء والحمدالله ولدي مامرض

اهمشي غطي اذاينه و لاتخلينهم يتعرضون للهواء ولبسيه زين وخلاص لاتخافين

إييييييييي

انا وتراتيل وماما حسووون ولدنا في نفس الشهر

وام احلى حمود قبلنا بشهر

والله انا جبت ولدييي وكان مووووووووت برد شي فظيع كان برد السنه الماضيه وزكم وهو نونو ماكمل سبوع من عمره

والسنه كنت موصيه امي تجيب لي جاكيتات من لندن وماقصرت جابت لي 4

والسكارفات والفازات انا شريتها من NEXT

وشريت له بيجامات مسكره كامله صووووووف

وانشالله قريب اشتري له ملابس شتويه للطلعات

واخذ ت له ملاحف صووووووووووف وسليب باق

وانشالله شوي شوي اشتري له الناقص مثل الدلاغات ودكاكات ... إلخ

وانشالله نستفيد من الباقي

الله يعين انا بنتي هذا اول شتاء يمر عليها ومتوهقه
وخايفة عليها وبصراحة بديت شريت كم حاجة
مثل الهيلاهوبات- البلايز بالرقبة- الكنزات- القفازات- الجوارب- القبعات

والله يعين لو تشوفوووووووون الاغراض اللي شريتها تقوووولون ما راح اطلع من البيت طول الشتاء

http://www.3roos.com/forums/14/t210630.html

هذا الموضوع للاخت العزيزة رانيا البحرينية مع بداية شتاء العام الماضي كلنا استفدنا منه وانتي بتستفيدي منه كثير

Qtr Girl ولدك مثل ولدي مسكين توه اسبوعين و جاه الزكام و بهدلنا بس كان بالحر يعني شهر 10 و كانتعدوة ! الله يطلعنا السنة ..

كان الله بالعون إذا كان الشتاء هالسنة نفس العام الماضي.. كان موت الجو وايد بارد ومطر كثير..

شوفي أختى موضوعي القديم وإن شاء الله تستفيدون...

مشكورين خواتي ماقصرتوا

وموضوعك أختي رانيا كثير فادني مشكوووووووووووورة

الله يحفظ عيالنا إن شاء الله ويمر الشتا وهم بخير وسلامة

والله ذكرتوني باروح اشتري دفاية العام بصعوبة الناس شرت
وبالنسبة للأستعدادات والله آنه لين الحين ما استعديت
الظاهر ان هالمره بنشتري ثياب عيد الاضحى شتوية
والله يستهر بنتي ما تحل القبعات بتينني

المفروض أختى تحفة تشترين الدفاية من الحين، تذكرين المشكلة اللي صارت العام الماضي خلصت الدفايات من سوق البحرين..(حشه الناس متخرعة، الخوف نشتري السنة ومايجينا البرد)

أي والله ذكرتونا بشتاء العام الماضي ذبحنا انا عندي بنتي لكبيرة 5 سنوات كله مريضة وبلاعيمها بعد أشلون في الشتا زياده بعد يبغي لنا ننزل السوق ونتشره الملابس الشتوية

Qtr Girl;4510821:
إييييييييي

انا وتراتيل وماما حسووون ولدنا في نفس الشهر

وام احلى حمود قبلنا بشهر

والله انا جبت ولدييي وكان مووووووووت برد شي فظيع كان برد السنه الماضيه وزكم وهو نونو ماكمل سبوع من عمره

والسنه كنت موصيه امي تجيب لي جاكيتات من لندن وماقصرت جابت لي 4

والسكارفات والفازات انا شريتها من NEXT

وشريت له بيجامات مسكره كامله صووووووف

وانشالله قريب اشتري له ملابس شتويه للطلعات

واخذ ت له ملاحف صووووووووووف وسليب باق

وانشالله شوي شوي اشتري له الناقص مثل الدلاغات ودكاكات ... إلخ

وانشالله نستفيد من الباقي

ايي والله ولادتنا كانت بعز البرررررررررررررررد وولدي الكبير كان مريض وقت اللي ولدت .. والصغير بعد ما ولدته بكم ساعة .. يعني اول ما عطوني اياه كان مزكم وكانوا يعطونه قطور وانا في المستشفى بسبب الزكام .. وكانت عينه بعد ترمي اوساخ وتبهدلت معاهم وايد وقضيت فترة النفاس في المستشفيات الحكومية ساعات والاغلب الخاصة والكبير كان معاه اسهال وترجيع وانا بعدين مرضت ورايحين رادين من المستشفيات وهذا بخار وهذا يشفطون من خشمه وهذ1 بخاخ وبعدين صرت كأني ممرضة كل شوي اعطي واحد ادويته .. كانت فترة مأساوية بكل معني الكلمة وصادني اكتئاب فظييييييييييييييع ،، وهذا اللي مسبب لي الخوف من برد السنة .. خصوصا ان اللعام ويا النفاس ضعفت واااايد وكل من شافني كنت اكسر خاطره .. والصغير من زود الزكام ومن كثر ما ينتفس من فمه ما شفناه الا ما عنده صوت وقضيت ليالي ما انام لان خشمه كان متسكر وما يقدر ينام هو بعد وحتى لو نام انا كنت ما اعرف نام واحاتيه لا يفطس لا سمح الله وانا نايمة عنه .. واذا قعد من النوم وانا نايمة او مو جنبه ما ينسمع صياحه لان ما فيه صوت هئهئهئ

ذكرتوني بالذي مضى .. اتذكر يوم موعد تطهيره كان المطر ينزل بغزاااااارة وما وقف واحنا اضطرينا نطلع به بعد ما حطيت عليه لحاف فوقه الين السيارة ..

لكن انا طلب من الله ومن قلللللللللللب انه ما يعطيني ولادة ثانية في البرد .. وانه ما يذوق احد الا انا شفته .. اثنينهم كانوا مرضى ومقطعين قلبي وانا تعب الولادة والخياط والنفاس ومرضت فوق هذا ولا كنت اشتهي اكل ومن الاكتئاب اقعد ابجي (w)





فضفضت شوي وقلبي ارتاح :2_106:


والسموحة :21_149:

ايه والله اني ولادتي كانت بعز المطر اللي كان من زمن ما شهدته البحرين واللي جا بعده ذاك البرد القارص ..صدق الولادة بالشتاء ما تسوى الغسل والخياط والجرح ..