ساعدوني ولكم الاجر باذن الله000نفسيتي تعبت

بسم الله الرحمن الرحيم
السلام عليكم ورحمة الله وبركاته

0
0
0
0
0
0
كيفكم انشاءالله تكونوا بصحه جيده
كل عام وانتم بخير وسعاده يارب
0
0
0
0
حبيت اطرح عليكم شي ملخبط نفسيتي وصرت بس افكر ليل مع نهار

انا قدمت هالسنه على وظيفه وبفضل من الله قبلت طبعا وظيفه حكوميه والى الان لم نباشر عملنا قالوا لنا احتمال الشهر الجاي
المهم انا كنت دائما ادعي ان الله ييسر لي وظيفه ولما جت فرحت فرحه ماتتصوروا 0 0 بس الحين بدت نفسيتي تتعب لان مقر وظيفتي بعيد شوي ومظطره اعيش هناك مع العلم ان لي اقارب هناك واالوالده بتروح معاي بس اومي من الاساس ماكانت تبيني اتوظف تقول ماتبي نتغرب
فانا الحين صرت افكر شلون ابعد عن بيتنا والحي اللي انا عايشه فيه وعن جيرانا وصارت افكار توديني وتجيبني
وصرت افكر شلون بحاول ااقلم نفسي من حياة المدينه الى حياة القرى مع انه فيه تطور لاباس فيه


سبحان الله الانسان مايقنع بشي قبل ماتوظف كنت اقول اتمنى اني اتوظف واستقل بنفسي حتى مااكون عبئ على احد لاني مو متزوجه
واحيانا اقول اهلي ماقصروا معي بشي معيشيني احسن عيشه البس احسن لبس وعندي كل شي اتمناه واخواني ماقصروا معي بشي شنوا اللي حدني على الوظيفه


والله نفسيتي تعبت ياليت يابنات تردون علي وتريحوني وين الصح من الغلط تكفووون
والله محتاجتكم مالي الا الله ثم انتوا


وياليت ماتبخلون علي بردودكم النيره