مالعمل مع الزوج الغير رومانسي..تعبت

حبيبتي كل شي بالتفاهم حلو

انتي قولي له أو بيني له بأسلوبج انج تبينه يدلعج

يمكن هو مش منتبه


ولا اشرايج؟؟

مرحبا

في مواقع تخص الحياه الزوجيه وسوالف الرومانسيه

مشكلتي ناسيه الروابط

جان دزيتها لج

دوري انتي يالغلا..

وخليه يتصفح المنتدى ..بس ماعرف اسمه #_#

ومع الاندماج في قرايه المواظيع الرومانسيه

روحه لااراديا بيطبق

ومب لازم يطبق نفس الكلام اللي محطاي في الموقع او المنتدى

روحه بيفكر برومانسيه

لانه شكلي مش رومانسي..

او انتي اذا شفتي حركات رومانسيه او قريتيها طبعيهااااااااا يالغلا

وخليها بمكان يقدر يشوفها ع اساس انج انتي تبين تسوينها حق ريلج

بيقرا بعض الافكار وعقله راح يترجمها وبيشوف اهتمامج

ومع االايام باذن الله بيتغير طبعه@_@

وبيصير رومانسي

انتي اللي عليج دوري ع الشغلات الرومانسيه الحلوه

مادري لو فهمتي شي من ردي!!

لاني مب عارفه ارمس اصلا

أخــتي

فيه كثــير معاه كذا

انتي قولي له وعلمية على بعض الكلمات الرومانسيــه

وقولي له مثلا

قبل مايسكر من التلفون قولي حبيبتي انتبهي على عمرج

ومع الأيام بيصيــر الكلام خفيف على لسانه

بيتعــود

وانتي اطبعي له كتابات عن الرومانسـيه وان شاءالله خيــر

مشكورين حبايبي عالردود
والله انا اقوله واوضح له اللي ابغاه واكتبله رسالة اذا كنت متضايقة بس يطبق شوي بعدين يرجع
والله زوجي طيب و عسل و مايرفضلي اي طلب و يحبني بس لو يصير رومانسي يكمل
انا قاعدة اطبق حيلة جديدة وهي التطنيش يعني اطنشه لا رسالة و لا كلمة حلوة بس اعطيه طلباته لكن بدون ما أبين اني متضايقة بس كأني مشغولة في شغلة و راح اشوف النتيجة لأني صرت احس اني اقط وجهي عليه دايما فراح اشغل عنه شوي واشوف النتيجة..

حبيبتي


كثرررررر الطق يفتح اللحام

ترانا نقولها يفج اللحام بس عشان تفهمين لي هههههههههههه

حبيبتي واصلي بس باسلوب ثقيل

يعني ثقلي حبتين
طنشي حبات
خلك مرنه لو فشلك
حااااااااااولي اكثربس باسلوب راقي مب سوالف افلام

يعني مثلا لو سافرتو مايحتاج تنتظرين منه حركه رومنس

لا انتي باسلوبك استغلي جو الفندق الراقي الرومنسي وطلعي شطارتك
اختاري اوقاتك صح عشان هالشي

ومع الوقت هو بيتعلم على ايدينك
وبيبدا يطبقها ويشتاق لها وبيسويها لك

الله معاك

كلهم كذا ..انا زي حالتك بالضبط..

طيب و حنو و كريم و يحبني ..لكن ..ميعرف يقول حجي حلو ..او الكلام اللي يخليني و يخليج ندووووووووووووخ

ههههههههههههههههههههههههههه

تبين الصج انا تعودت ..و على قولتهم شي اهم من شي ..

يعني اختي تقول فرضا تزوجتي واحد رومنسي و يقول كلام يقط الطير..لكن بخيل ..و مقصر ع البيت و عياله ..

و مو شاطر الا في الحجي الحلو ..و التصريف ..


مدري بس صار لي 3 سنوات خلاص تعودت عليه ..يقولون بو طبيع ما يجوز عن طبعه ..


لكن لا ضرر من المحاولات و لا يأس مع الحياه ..


انا لازلت اقاوم و احاول اجعله الرومنسي اللي ف بالي ..


فيه تحسن طفيف ..و الله كريم ..




تحياتي لك و اهم شي يا اختي شوفي الناس يلي اقل منك ..يعني لا تطالعي صديقتك اللي زوجها يقول لها كلام حلو

و رومنسي مره ..لكن مثلا شوفي وحده ثانيه .. زوجها بخيل و مقصر عليها و وقته كله ف المقهى ..و يغازل بنات


هذا الشي بخليج تحسين بالنعمه يلي انتي فيها ..


لنه الانسان ما بحس بقيمة الشي الا اذا فقده ..


و صدقيني الاستقرار و الطيبه و حب زوجج لج اهم بكثير من كلام حلو ..انتي عارفه انه يحبج بس ما يعرف يعبر ..


صدقيني هذا اهم شي..المهم يحبج ..و انتي مستقره ..


و الحياه بتمشي كذا و الا كذا ..


و بما انها ماشيه ..فالافضل انك تمشيها بضحك و وناسه و اقتناع ..افضل من ان تمر الايام عليكي و انتي تعيسه
لنه زوجك ما يقولك كلام حلو...

يااختي ...اقتنعي ..الاقتناع ..كنز لا يفنى..


الرضا كنز لا يفنى..ارضي بما قسمه الله لكي..



نهايه اتمنى اكون خففت عنك ..بكلماتي ..خصوصا اني عايشه نفس تجربتج ..و عارفه انه الرضا و القناعه

تاج السعاده..



و بالاخير ..استغفر الله من كل ذنب ..و لا اله الا الله ..

سبحان الله و بحمده ..سبحان الله العظيم..




شذى الجوري..

الله يصبرنا بس .....



روووووووووووووووووووز

فعلاااا الله يصبرنا على جفافهم ...


انا مثلك بالضبط ياقلبي .. لكن وش السواااة

مالك الا تقتنعين وترضين بقسمة رب العباااد .. سبحانه ..

شذى الجوري يعطيك العافيه ياقلبي كلامك مررررريح يالغلااا ...

حبيبتي رومانسية في مثلك ومثلي كثيييير ..

بس نقوول .. الله كريم ..

والحمدلله على كل حال ..

ياحبيبتي والله مشكلتي زي مشكلتك أنا كتير أحب الرومانس
وهو ولا فارق معاه شئ لا يهتم بلبسي ولا مكياجي ولا حنة على الأيد
حتى اني مليت والصراحة هو طيب معاي كثير بس يقول ان
الكلام هذا للمراهقين تراه مجنني والله بدي غزل وكلام من ده
والعين بصيرة والأيد قصيرة خلينا نسمع رومانسيات الناس
واحنا بح بح بح
:21_207::21_207:

اغلبية الرجال كل جذي

هههههههههههههههه

والله سوالفكم ضحكتني

مشكورة شذى الجوري لافض فوك

عزيزتيرومانسية موت

كل الحريم اواغلبيتهم يحبون الرومانسيه لكن

مو كل الرجال زينا وهذي طبيعه وعلى قول شذى الجوري

ابو طبيع ماييوز عن طبعه

لكن ممكن مع الايام يتغير بس تغير بسيط

يعني اعدي له ليلة رومانسيه وخليه ينبسط عالاخر

في المقابل قولي له الدور عليك ولاتنسي الهدايا وخليه يختار لك هديه

ممكن تعزميه على مطعم وتكوني رومانسيه معاه وتساليه اذا كان هو مبسوط او لا

وقولي المرة الجايه عليك

اذا كنت انت وياه امام التليفزيون اضيئي الشموع

وطفي اللمبات واعدي شاي اواي شئ

وخليك بجنبه هو لا شعوريا حيرتاح وينبسط انك بجنبه ا

بعدين وافينا بالاخبار اذا نفعت معاك طريقة التطنيش

لان الزوج يحب الزوجه اللي ماتلاحقه وكانها ظله

بصراحه احب اتغلى على زوجي

بعض الازواج هو اللي يلا \حق زوجته ويسال ايش السبب

ومن الاخير اقولها لك

دلعي نفسك اهتمي فيها لا يكون زوجك اكبر همك في الكون

حبي زوجك وابقي لنفسك قليلا حبيها واحترميها لان بعض الحريم

لاحبت زوجها حببته بجنون واهملت نفسها واصبح زوجها شغلا شاغلا في حياتها

حبيه وابقي لنفسك قليلا

عزيزتي رومانسية موت عشرات السنين مرت ونحن ننتظر تلك الشعلة التي توقد الحياة من جديد

ولكن اذا بحثنا عنها ولم نجدها

هل نعذب ارواحنا من اجلها

الحياة ممكن تستمر بدون ذلك

واهم شئ انه يحبك ويقدرك ولا يمد يده عليك

تذكري كم من اخت غير متزوجه

او ان زوجها رومانسي اخر الليل واول النهار لاتلقى منه الا الفاظ السب او الشتم

نصيحتي لك غيري منه ماستطعتي ولا تبحثي عن شئ خارج ارادتك

وفقك الله وانار دربك

الزين مايكمل ومافيه احد بالدنيا كامل واحمدي ربك على النعمه اللي انتي فيها انه طيب وحنون ويحبك وش تبين اكثر من كذا لاتصيرين طماعه وخلك قنوعه والاشياء هذي اللي فيه اهم مليون مره من انه يصير رومنسي
انا في بدايه زواجي مثلك تعبت نفسيتي منه بسبب انه موب رومنسي وانا رومنسيه لكن مع الوقت حسيت ان الرومنسيه موب شي مهم لاني اكتشفت ان الرومنسيه مو كل شي والمواصفات اللي فيه تغطي على الرومنسيه اللي احتاجها
تخيلي انا اعرف وحده من صاحباتي زوجها مرررررره رومنسي ودايم يفاجاءها بحركات رومنسيه وهدايا وغزل وحركات واخرتها اكتشفت انه من يوم تزوجته الى هاللحظه يخونها !!!!!!!
وش رايك تبينه رومنسي وفيه عيب خطيرررررر ولا تبينه انسان مافيه منه بس مو رومنسي ؟؟؟؟؟
وعلى فكره لاتنسين ان زوجك سعودي اريبيا يعني ودعي الرومنسيه ماعندهم الا الجفاف خخخخخخخخخخ

مشكورين ياحلوين على التجاوب بس انصدمت شوي من بعض الردود..:eeksign:
اللي تقول كذا طبع الرجال او خلاص تعودنا!!
لا يابنات ليش اليأس هذا شي من حقك وانتي لازم تطالبين فيه يعني زوجك اذا قصرتي في حق من حقوقه راح يطالبك فيه و اذا طنشتي راح يزعل و يعصب (و ياكثر الأزواج الرومانسين اللي يشتكون من برود زوجاتهم والله اقرأ عنهم كثير)
:poster_spam: اجل ليش احنا نسكت و نستسلم هذي من احتياجاتنا واذا صبرنا الحين راح نتعب بعدين و راح يظهر المكبوت و لو بعد سنوات واعرف ناس كذا
اختي اسيل2 كلامك عسل والله وبالنسبة لحركات الرومانس والله انا دايما افاجئة بالحركات و الليالي الرومانسية
وبيني و بينك طريقة التطنيش لها مفعول بس مشكلتي ماأقدر اطول على طووووووووووووووووووول ارجعله!!:21_186: :21_186:

وبعدين يا بنات ترا والله الرومانسية شي مهم جدا في الزواج مش شي ثانوي ابدا
و مشكوريييييييييييييييييييييييين مره ثانية

بصى بقى يارومانسية مووت:9_33: اولا: جوزك مش رومانسى وانت رومانسية مووت وكده مينفعش لازم يبقى فى تقارب يعنى لازم انت تبقى رومانسية بس يعنى بدرجة بسيطة ومتستعجليش بلاش مووت دلوقتى خليها شوية:flower:ثانيا:بدام الكلام مجبش معاه نتيجة والمسجات خليها عملى وده جوزك يعنى مش عيب ولاحرام ابدأ تعوديه على حاجات وحركات معينة انت بتحبيها انه يعملها وان شاء الله تجيب نتيجة وانا مستنيا ردك :Zd_bye_3:

انازوجي تنفع معاه الرومانسيه يوم اني عاديوهلحين يوم اهتميت بالرومانسيات هجرني بالمره صدقيني الرومانسيات ماتنفع يصير الرجال يدلع ويحسبك ميته عليه طنشي وهو اللي يركض وراك

يا حبيبتي انا صار لي 13 سنة معرسه وانا وحده اموت في الرومنسيه وزوجي مو رومنسي نهائيا تعبت منه لاني مدلعتنه بما فيه الكفايه وانا ما بجذب عليج اعصابي تعبت خصوصا لم الوحده تسمع كلام من برع بس الله يصبرنا اتصدقين اني قمت حتى ما اشتهي اقوله كلام حب ورومنسيه لاني احسبه ما يستاهل
ماعرف غير اني اقولج ارضي بالامر الواقع مثل ما انا يالسه واحاول ارضى بس للاسف الرومنسيه في دمي

اختي انتي ابتدي في الرومنسية يعني خليه يرجع من الشغل ومايشوف غير المكان ممتلي شموع و ورد وقولي له كلام حلو وبعدين انشالله بيحس وببادلك مثل الشي

اختي كيتي و ميدو كلامك حلو و قولتك اني اقوله على حركات تعجبني والله من كثر ما أقوله اعمل كذا .. ارسلي كذا.. و غيره احس كأني اقط وجهي عليه و مش حلو هذا الشعور خاصة انو هو ملاحظ و يقول. إنتي مهووسة فيني!!!
حواء101 كلامك صحيح..
اختي سوسو الصغيرة حزنتيني والله حاسه فيك
الحلوة عيون الريم والله انا ماأقصر بالحركات و اذا شافني زوجي مسوية جو رومانسي او جايبتله هدية يحزن والله و يتأثر يقول انتي مدلعتني ومش مقصرة معاي و انا ما أستاهلك لأني ماأجيبلك هدايا و لا أتجاوب معاك فاأقول في نفسي اكيد ثاني يوم بيجيبلي هدية او يسويلي جو سبيشل او عل الأقل يرسل رسالة غرامية وهو في الدوام يشكرني على سهرة الليل لكن ابدا ولا شي من هذا يحصل و للمعلومةجواله مليان رسايلي الرومانسية كل وحده احلى من الثانية والله رسايل مووووووووووت واذا تخيلت انه يرسلي وجده من هالرسايل ادووووووووووووخ!! تخيلي هذي حالة اقعد اقرأ رسايل الرومانس وأتخيل ان زوجي يرسلي إياها!! حرام كذا و ترا قلتله مليون الف مرة ارسلي, او عل اللأقل رد على رسايلي لكن مافي فايدة..
لاد يفهمني غلط و يحسب اني كارهه زوجي او شي زي كذا لا والله حياتي من دونه ماتسوى شي اموووووووووووووووووووووت فيه بس ابغى رومانسية شووي
وانا كتبت هالموضوع لأني ابغى افضفض و مايصلح اشتكي لأمي او أختي الصغيرة في امر زي كذا فقلت مالي الا انتم اشوف في احد زي معاناتي يخفف عني..
وانا صرت خايفة اني اصير باردة زيه و اوقف حركات الرومانس لأني تعبت؟؟

انا مش عرفى اقولك ايه ربنا معاكى بس مفيش حل غير انك تعملى زى ما قلتى يعنى تطنيشى شوية بس مش كتير علشان متتعوديش على كده وعلشان هو كمان ميحسش انك زهقتى منه ولا حاجة وربنا يوفقك ان شاء الله:9_28: