لم تتزوجي..لم تعملي لم تنجبي فلك اخيتي..

خواتي..كثير اقرأ بنات يضايقون انهم ماتزوجوا للحين..وعايشين حياتهم بكآبه..وكأنه الوحده لو ماتزوجت تموت بهالدنيا..مافي بنت ماتتمنى يكون لها اسره وبيت..لكن مو هالطريقه..تعيش أيامها هم ونكد..ليش ماتعيشوا حياتكم باصلاة والقرآن وذكر الله..وليش ماتزوروا ارحامكم..واصدقائكم..وتشغلون انفسكم باشياء ثانيه..كل شئ بالدنيا نصيب واللي الله كاتبه بيصير..لاتستعجلون الامور..حطوا فبالكم انه كل بيد رب العالمين ومتى مايكتب رب العالمين تتزوجين او تشتغلين او حتى تنجبين راح يصير..ادعوا ربكم ولاتستعجلون الاجابه..وخليكم املكم بربكم كبير..مومعناته اللي تزوجوا احسن عنك..يمكن انتي احسن عنهم باشياء كثير..ويمكن نصيبك يكون احسن عن نصيبها..

أنا اعرف وايد بنات يعني عايشين بكآبه لانهم كبروا وماتزوجوا..وتخيلوا بنات مايطلعون من غرفتهم..بس عايشين ببضيق ونكد..وليش كل هذا..الدنيا حلوه..وزينتها دينك واخلاقك..خليك دايم راضيه باللي كاتبه لك ربك عشان يرضيك ربك..

وماعليك من كلام اللي حواليك..لاتخليه يأثر فيك ممكن وحده متزوجه تقولك..فلانه وصلت لها العمر ماتزوجت..وتزن عليك بسالفة النصيب..وانتي نفسيتك تتعب منها..سدي اذنك عنها وقوليلها وانتي واثقه انا املي بربي كبير وراضيه باللي ربي كاتبنه لي..وخليك واثقه من نفسك..

مااريد اشوفكم خواتي يآسات وكأن الوحده مهما غير الزواج..وماتتكلم الا عن الزواج...وتشتكي وتتأف من حياتها..لااااااااااااااااااااااااااااااااااااااااا تضرعوا لربكم واللي في نفسك ادعي من ربك..ولاتشتكي وتتذكري من حياتك..والله كل انسان وعنده مشاكله مافي انسان خالي من الهموم والمشاكل..لكن والله القرب من رب العباد يزيل همومك ومشاكل..

حطي فبالك..
1-مو كل من تزوجت يعني هيه مرتاحه او احسن او انتي احسن منها..
2-الحياه لاتتوقف عند الزواج فقط..
3-التذمر وعدم الرضى بالمكتوب سر من اسرار التعاسه..
4-الاصغاء للحواليك والثاثر بكلامهم يفتح باب انتي في غنى عنه..
5- متابعة اخبار الناس والسعي وراها سر من اسرار الهموم..
6- عزله الناس..والتفكير بموضوع يضايقك يجلب لك النكد فالحياه..
7-الدعاء واستعجال الاجابه يؤدي الى اليأس والتوقف والبعد عن رب العباد..
8-الدعاء والاستغفار..وبعد الانتهاء القيام بما يغضب الله..سواء كان غلط كبير او صغير..

ان شاء الله..سوف
1- تتقربين من ربك..وتتضرعيله فالدعاء..
2-عدم الاستعجال بالأجابه..
3-الرضاء والاقتناع بما كتبه الله لك..
4-الفرح والدعاء لكل من انخطبت او تزوجت او اشتغلت او انجبت وابعاد احساح الحسد او الغيره..
5-عندما احسس باني متضايقه استغفر ربي..واتذكر ان رحمة ربي واسعه..وان قوله..(( وفي السماء رزقكم وما توعدون ))

6-لااشتكي واتذمر من معيشتي..واحمد ربي على السراء والضراء..
7-اشغلي وقتك..بهوايه تحبينها..
8- مهما كانت مشاكلك سواء فالبيت..لاتخلينها تاثر فيك وحطي فبالك انه كل بيت فيه مشاكل..مافي بيت يخلى..
9-صديقاتك السوء ابتعدي عنهم..ولاتفحيلهم اذنك..واي موضوع يسبب ضيقك كالزواج او الانجاب او غيره..ذكريه المتكلم ان الله يزرق من يشاء بغير حساب..والرزق بيد العالمين وانتي راضيه بماكتبت الله له وانتي واثقه من كلامك..
10-اذا كانت لي علاقة برجل فاقطعها من الآن..اللي يبيك يجي بيك..ومافيه شئ فالدين اسمه حب بين الجنسين..وخليك من الحب وخرابيط..وريحي قلبك..وغرسيه بحب ربك ورسوله صلى الله عليه وسلم..واهلك..مافي احلى من الحب الطاهر..

واخيرا..

اكتب كلماتي حبا فالله أخيتي..فهناك الكثير ممن تضيق بهن الدنيا..والسبب قطاز الزواج..او التأخر فالانجاب..او انها لم ترزق بعمل..فالصبر والصبر والصبر..والدعاء..فالصبر مفتاح الفرج..