صرت انسانه كئيبه

السلام عليكم ورحمه الله وبركاته

صار لي 4 سنين متزوجه والله ما كتب لي الحمل للحين ( كان زوجي السبب في التأخير بسبب هرمونات كمال الأجسام بس الحين تعالج وصار زين الحمدلله )مشكلتي كنت كاتبتها في المنتدى والبنات ما قصرو ساعدوني ، زوجي كان ضاربني علي سبب تافه ورجعت بيت هلي ، وبعد فتره تراضيت انا وزوجي ورجعت شقتي .. المشكله انا لما انا كنت زعلانه عليه اخواني لا اسألو عني ولا حته تعبو نفسهم يهونون علي مع العلم اني كنت على طول الوقت ابكي في الغرفه ، وامي بعد ما كانت تبيني اتطلق فما وقفت معاي وايد ولا حسستني بالحنان او الأهتمام ، الوحيد اللي وقف معاي والدي الله يحفظه .

المهم لما رجعت بيت زوجي صار خلاف بيبي وبينه على فلوس مع العلم اني كنت ابي مبلغ وايد بسيط عشان بطلع مع صديقتي وخفت اني انحرج ، راح جاب شنطه فاضيه ورماها وفتح كبتي وقال انا اصلا قبل لا اتزوجك لما كنت انا وعيالي بس كنت وايد مرتاح والحين كله مشاكل وهم وغم ( هو مطلق وعنده بنت وولد ) ،، واذا بتعيشين بشروطي كان بها واذا مو موافقه قولي والحين بطلقك جدام هلي وروحي بيتكم ...

حسيت الدنيا تدور فيني مو مصدقه ان هذي الأنسان اللي حبيته وعزيته وما قصرت معاه في شي ، والله اني مو مقصره معاه في شي ، حته شغلي تركته عشانه ، والله اعلم ان لما كنت اشتغل كنت اصرف علي البيت اكثر منه ولا اقول شي ... والله اعلم اني مو من نوع النسوان اللي يقول اشتر لي وجيب لي .. راضيه
ومو مقصره لا في طباخ ولا غسيل ولا شي ... ودايما كنت اقصر على عمري

صدمني كلامه في لحظه نسه حبي وقال ان انا حياتي معاه هم ،، وان مو خسران شي لو طلقني ،بالعكس ايامي كانت معاه نادرا ما يكون فيها زعل ، ما ادري ليش قال هالكلام

المهم قال لي ردي علي اذا موافقه علي الشروط ... رديت عليه ثاني يوم قلت له وانا ابكي من كل قلبي ،،، لو اي وحده ثانيه لما جبت لها الشنطه خذت اغراضها وراحت بيت اهلها ،، واذا انت مو خسران شي اذا طلقتني ... انا خسرانه لأني احبك وايد
في البدايه كان جاف بس حسيت ان دموعيب وكلامي اثرو فيه ... وتراضينا ..

المشكله احسن ان كلامه اللي قاله لهذا اليوم يرن في اذني واحس ان ماله امان .... صرت انسانه كئيبه ،، نادرا ما ابتسم ، احس اني تغيرت كنت بشوشه ودايما اضحك ، بس انصدمت فيه ، حسيت ان ممكن يتخله عني في اي لحظه،

قلت يمكن اني صرت كئيبه لأن حياتي فاضيه .. قلت له بروح امشي اسوي رياضه اشم هوه قال لا انا اغار ، قلت له اشتغل ، قال شركات لا دوامهم سخيف ، ادرس ... الدراسه تبي فلوس

شاسوي ساعدوني ،، حياتي حزينه وممله وكئيبه ، حته هو احس اني ما احبه مثل اول