اكل البيض

شوفي حبيبتي حطي البيضه فالماي الين ربع ساعه وبعدين عطيه بتكون البيضه نص مسوايه يعني سائل

بس انتبهي انا بنتي عطيتها يوم عمرها 11 شهر قامت ترجع قالي الدكتور وقفي عنها عطيها عقب السنه والحين ما شاء الله عمرا سنه واسبوع تقريبا عطيتها بعد قامت ترجع .. قالوا البيض مب زين لها وقفيه عطيها عقب السنتين

كنت افور البيضه لين ما تستوي وبعدين اخذ الصفار واخلطه ويا جبن كيري واعطي بنتي كان يعيبها بس كااان الحين اتمنى انها تحط شئ في بطنها صدق يوم يقولون الياهل من تشله ريله خلاااص ينسى الاكل

فوحي البيضه نص فوحه بتصير شوي لينه

وانا اخذ الصفار اخلطه مع جبن يصير لذييذ:)

بس طبعا مثل ماقالت بجعه في يهال مايناسبهم

والله انا ولدي اخلطه له مع جبن ولا يحبه ما ادري شلون اخليه ياكل بيض

الدكتور قال لي البيض والعسل من عقب السنه يعطونه النونو

وانشالله البنات يفيدونج اكثر مني

اخلط لها الصفار المستوي زين مع الزبادي الروب.. وبعد ما يعجبها .. :(

اليهال كلهم جذي يحبون البياض ويتركون الصفار.. نخليهم لبعد السنة ونعطيهم البيضة كاملة احسن :)

اهرسي صفار بيضه مسلوقه

واخلطيه مع مويه حاره وبتلاحظين انه يذوب

وحطي عليه سيريلاك علشان يتقبل طعمه

اتمنى اني اكون افدتكم

اتوقع البيض عقب ما يكمل الياهل السنه

أنا جربت البيض بطريقتين " توني أجرب لأن ولدي 7 أشهر ونص بس " وما حسيته رفضه رفضه بس ما تقبله لأن كان شعبان اليوم برد أجرب

طبعاً الصفار بس عشان البيض كامل بعد السنة

أول شي أسلق البيض عدل مدل لأن أخاف من البكتيريا " البيض بيئة خصبة "

بعدين أخلط الصفار مع جبن كيري هذا رقم واحد

رقم 2 أسوي صلصة طماط ... أذوب الطماط عادي بدون إضافات أخليه على حرارة وسط أو منخفضة وأغطي القدر عشان يذوب بسرعة بعدين آخذ جزء من الماء ماله يكون زي شوربة الطماطم وأخلطه مع البيض

أنا أحس المشكلة في أن الصفار ناشف " مثل ما نقول بالعامي يحرحش " وعشان كذا ما يحبونه أطفالنا " وللسبب نفسه ما يحبوا البطاطس المسلوقة وحدها " فلازم نحل هالمشكلة عشان يتقبلونه