دراعتي مكتوب فيها طلاسم

السلام عليكم ورحمة الله وبركاته

يا اخواني انا صار لي سنة او اكثر البس دراعة (جلابية) مكتوب فيها حروف متقاطعه وكنت البسها واحبها شريتها من معرض مصري
من كم يوم شفت وحدة من المشاركات منزلة موضوع وفيه صورة لدراعة شبيه بالدراعة اللي البسها بس اني ما انتبهت وحتي رديت عليها ان عندي مثلها بس حروفها مقطعة
الاخت هذي تحذر الجميع من هذي الدراعة وان احد تعرفه لابسها وان اللي مكتوب فيها طلاسم طبعا انا ماكنت منتبهه لدراعتي بس الاكيد ان اللي فيها حروف عاد اليوم لبستها واختي حذرتني منها وقلت لها نفس الكلام قلت لها الدراعة اللي تتكلمين عنها فيها كلمات وطلاسم انا دراعتي فيها حروف وهي تطالع فيني
لما فصختها وبالصدفة اكتشفت ان الكلام مكتوب بالخلف بالظهر لي تحت نفس الكلام اللي مكتوب بدراعة الاخت اللي ذكرتها بمشاركتها وبصراحة انا خفت وقعدت اسمي واذكر الله وحاولت اني ما اقراها
الحين شسوي بالدراعة وانا ما ابي احد غيري يلبسها وين اوديها وشسوي فيها

ساعدوني بسرعة