ممكن مساعدة..نصيحة ..و لو كلمة

جنج انا مع ولدي بسألج سؤال اللي في البيت عيالهم اكيد شوي يلعبون مع بنتج وشوي يتضاربون معاها صح شنو ردة فعل امهاتهم ؟؟بصراحه انا كنت واياد حاكره ولدي ونفسج بالضبط احس اني عقدته لدرجة اني ساعات اعاقبه من اشياء يحبها ويوم ينام اتم اصيح اقول ليش انا سويت هالشكل وبعدين قلت في نفسي هم يوم يضربونه على طول امهم تقول مايقصدون يضربونه والا ماشافوه والا اي عذرثاني وصرت بصراحه اسوي نفسها ليش انا اعاقب ولدي واضايقه وهم لا

انتي جنج تتكلمين عني.. نفس الشي بالضبط.. عقدت بنتي وااااااااااااايد.. لكن حاولت إني أكون مثل ما قلتي لكني ما قدرت.. تدرين الغالية ساعات احس باليأس لأني ما أتصرف بشخصيتي الحقيقية جدام بنتي بس كله متضايقة ومب عارفة كيف اتغلب على الموضوع،،، وأقول باجر اذا سنحت الفرصة اني اكون بروحي معاها بتكون كبرت وبنشغل عنها وبكون غرست وايد اشيا سلبية بدون ما أشعر.. أحس هي محتاجتني الفترة هذي.. الله المستعان.. ويزاج الله خير اختي احس انج حاسة فيني صح.. جمعني ربي وياج في الجنة ان شاء الله..

اخخخ شوفي حبيبتي

كلنا نعاني من نفس المشكله

شوفي موضوعي بس فيه شوية تعقيدات بتقولين مشكلتي اهون


http://www.3roos.com/forums/31/t281129.html

اختي يعني هي الوحيده اللي تضرب اكيد هم اليهال بعد يضربونها لاتهاوشينها واايد بعدين بتحس بالغيرة من ناحيتهم ولاتحكرينها حرام عليج

خل تلعب معاهم وطقهم انتي شعليج منهم مايبون بنتج تلعب معاهم ياخذون اعيالهم يعني اعيالهم يلعبون وانتي تحبسينها ليش؟؟؟؟؟؟؟؟

حرام يااختي البنت بتعقد وخصوصا هالسن تكون قاعده تكون شخصيتها وبتلاحظين انه في هالسن كله تبي تقلدج واي شي بتسوينه راح تاخذه منج سواء سلبي او ايجابي وحتى انتي قلتي انج لاحظتي عليها تقلد تصرفاتج مع اليهال


ااانصحج لو انا مكانج عشان ابعد نفسي عن المشاكل ادخلها رووضه صدقيني بتتغير شخصيتها 180 وبتعرف تتعامل مع الغير وبطلع مواهبها وبتصير لها شخصيه ثانيه

انا ماعندي خبرة واايد بهسوالف عندي بنت وحده 7شهور الله يحفضها

لكنى اشوف بنت حماتي ساكنه معانا عمرها 3سنوات ونصف ياكثر ماكلمت امها دخلها روضه لكن شاقول بااااااااااردة ولامهتمه هي في بنتها ولاراضيه تدخلها روضه بنتها ماشاءالله ذكيه ذكيه لماحه لكن من قعدة البيت ومافي حد غير خدامات لوتشوفينها صايرة كل تصارخ على خدامات وتقعد تامرهم لانها مسكينه ماعندها حد بالبيت من اطفال هي وبنتي الوحيدين حماي طلع من البيت هو واعياله وثاني تزوج وطلع مابقي غيري انا وزوجي وامها وحماي الاصغر وجدها بس فتخيلي الموقف البنت محتاجه اهتمام تربيه والله يااختي لسانها طوويل كلمه طويل عليه شوي ماتتخيلن طفله بعمرها تسوي جذي تقعد تصارخ على خدمات سواا جذي ياويلكم بسفركم تقلد طبعا الغير!!!! وغير سوالف ثانيه اذا عصبت كفخت في البيبان انا قبل كنت ادخلها عندي قلبي يعورني عليها طول يومها بصاله تشاهد رسوم لكن اللحين صرت مااشتهي ادخلها بسبب لسانه يمه يمه تخيلي من قعده البيت خربتها تصارخ علي اذا هاوشتها تقولي هاي جناح خالي موجناحج اوهاي بيتي موبيتج تري بطلع ماراح اجيكي تخيلي طفله 3ونص سنوات تقول هالكلام الصراحه ماتنلام لانها تشوف الغير وتقلد عندها حد يوجها يعلمها ماعندها غير دللللللللللللللللللللللللع فقط لدرجه اني خلاص اذا طقت علي الباب اسفها وماارد عليها ولاادخلها

فااااااااااااااااااانصحج انا لومكانج ادخل بنتي روضه على طوووووووووووووول

اسفه اني رجعت للموضوع مرة ثانيه بس شوفي اتبعي هالطريقه انا قاعده اجربها عطيها حب وحنان ولما تسوي شي غلط حتى اذذا تكرر لاتهاوشينها ولاتصرخين عليها اضرب لج مثال لاني مااعرف اعبره بالكلام المثال عن ولدي مره كان يدز اخوه الصغير توه شهرين وهو بالجاري يدزه بسرعه وكأنه يسوق فيه ومورابط له الحزام وتخيلي اني اصلي شوي كان ويطيح المهم رحتله ومسحت على راسه قتله شاطرلانك تبي تسكت اخوك بس المره الجايه دزه شوي شوي شوي شوي علشان مايطيح تخيلي شوقالي قال ان شاء الله ويوم يسوي شي صح اكافئه تصدقين يوم شفت ذاك البرنامج سوبر ناني اللي على ام بي سي فور احتقرت نفسي كام والله اللي عيالنا يسونه مايجي شي صوب عيالهم وأمهم شلون اعصابها بارده ومطولها بالها عليهم مع انه المفروض احنا كمسلمين انتطبع بهالطبايع لكن هم في هالشي طلعوا احسن منا شوفيه بتستفدين منه .

ومشكوره عالدعوه الحلوه .

اختي bj3a .. الله يكون في عونج ويفكج من مشكلتج.. صدقتي اختي.. أشكر لج تفاعلج معاي الغالية


اختي عروس الدوحه..كلامج منطقي وعين العقل.. بغيت ادخلها الروضة قالو لي ما بكون لها اصدقاء لأنها بشخصيتها هذي(واللي تقلد فيها شخصيتي وتقول هذا غلط،، انت لاااااا و انت هييه) محد بيرضى يرابعها وبتكوون بدون صديقات.. قلت أخاف اللي يقولونه صح وتكره المدرسه من بدايتها.. الحين ماشي مجال أدخلها الروضة لأن الدراسة بدت وماعندي غير السنة الياية اذا الله عطانا عمر.. أنا بعد يقولون لي حرام بنتج تتصرف جذي المفروض هي طفلة تلعب وتمرح مش عصبية جذي.. الله يسامحني ان شاء الله... أشكر لج مرورج الكريم ونصايحج.. ربي لا جعل لج هم ان شاء الله الا هم الاخرة

اختي موتي ولاحزن زوجي..
أنا أصلا كنت انتظر رجوعج مرة ثانية للموضوع وأنا اللي اسفة ازعجتكم ليش انتي..
بحااااااااااول.. مع اني دوم اقولها وما اقدر.. ما اتحمل يوم بنتي تغلط(اكثر شي ويا عيالهم)مب ويا عيالي.. ويا عيالي احس اني اعرف كيف اتصرف لكن ويا عيالهم افقد اعصابي فيها.. يارب يالله يقدرني على الصواب ويرزقني ويرزقكم جميعا اياه...

اهل قطر والامارات الحبيبة.. يزاكم الله خير على تفاعلكم معاي جعله ربي في ميزان حسناتكم ان شاءالله.. واحي نفوسكم الطيبة.. دعواتكم لي في ظهر الغيب سبحان الله يمكن دعوة منكم تستجاب ويرد عليكم الملك ب ولك مثله.. ان الله على كل شيء قدير... ادعو لي وراح ادعيلكم ان شاءالله.. جمعنا الله جميعا في دار النعيم.. وجعل اتفاقنا دوما على خير..
وجزيتم خيرا

أنا اتفق مع كلام الاخت ( موتي ولا حزن زوجي] لاني والله كنت مثلكم وتوني من فترة بسيطة تغيرت لانها ما تضربهم الا هم ضاربينها من قبل والحمد لله عندي في بيت عمي ما يتضايقون من اذا شافوها ضربت احد حتى امهاتهم بس يبعدونهم عن بعض وخلاص وهم نفسهم يقولون ليي لا تعاقبينها لان الداخل بين الجهال خسران احنا نرفع ضغطنا وهم دقيقة وتشوفينهم سمن على عسل والحمد لله حتى في بيت ابويي زوجات اخواني نفس الشي فتغيرت مؤخرا وصرت اذا اشوفهاتلعب تلعب معاهم ما اجلس اراقبها ولا كأني اشوفها اقول خلها تستمتع في لعبها ما بتخرب الدنيا ما له داعي اراقب حراكاتها جني رادار .

السموحة على الاطالة ووسعي صدرج خيوتي

الله يكون بعونكم خواتي
اشوه انا طلعت من بيت عمي وسكنت لحالي قبل ما تكمل بنتي سنه
والحين فارضه شخصيتها ومتحكمه باختها هههههههههه
لكن اهون بواجد

أختى خلي البنت تعيش حياتها،، أنا قبل كنت جذي ماخلي ولدي يقرب من أحد او يلعب بعيد عني، تعرفين البكر دايما تطيح في راسه ماعندنا خلفية وأساسيات التربية بس الواحد يستفيد منها للثاني إن شاء الله.
طبعا ولدي تعود ان هو يكون لازق فيني ومايروح يندمج مع العيال،، بس من عقب مادخل الروضة بديت أحس بتغييرات كثيرة، شوي قام يفج عني، يلعب مع العيال في بيت جدي،، لأنه في بيت أمي وحيد مافي حفيد غيره عشان هالشي مب إجتماعي..
صدقيني الروضة تغير الكثير، دخليها الروضة وطبعا راح تتعب ومالها بارض حتى تتهاوش مع العيال وبتنام من وقت وأنت بترتاحين...

اختي الغالية أكبر قلب ..
هذا هو الصح.. من الاساس نحن ما كنا متفاهمين على هذي القاعدة الحلوة انج تخلينهم لحالهم فتشوفين كل فترة حد يشد.. انتو رفعتوا معنوياتي الصراحة والله يقدرني..

اختي الغالية humsat.77 ..
الحمد لله ان الله يسر لج تعيشين في بيت روحج جعله ربي بيت عامر ان شاء الله.. الله يرزقج و يرزقنا بحسن التصرف والبصيرة..


اختي الغالية رانيا البحرينية
احس ان اليهال هم الي يعلمونا اصول التربية مساكين نتعلم عن طريقهم.. انا عاقدة امل كبيير على الروضة ان شاء الله السنة الدراسية القادمة راح تدخل بنتي الروضة..
راح احاول اني ما اتدخل مع ان الوضع يجبرج احيانا انج تتدخلين لكن من بعدها.مشااااكل.. الله يعطينا الصبر ان شاء الله..
مشكورين جميعا لا هنتو.. والله يوصلنا ان شاء الله للتربية السليمة.. واشكركم يااااااا اهل البحرين الطيبة..