يا ترى ممكن كشف الحمل الحين ؟؟

S

So_Sweet

عروس جديدة

19-10-2007 | 12:56 PM

السلام عليكم ورحمة الله وبركاته

خواتي انا اخر دورة عندي كانت يوم 21-9-2007 ورحت عند الدكتورة وقالت لي انه البويضه جاهزة في يوم 6-10-2007 مادري هل يبين الحمل عندي بجهاز البيت ... او حتي بالدم (مش الهرموني لا العادي السالب والموجب) ... قالولي انه التحليل بالدم الهرموني وووووايد دقيق ... بس انا اعتقد انه فحص الدم العادي السالب والموجب يبين .... شو تشورون علي ؟؟؟

انا طيحت المرة اللي فاتت وخاااااااايفه تتكرر التجربه مرة ثانيه ...... لانه البارحه بالليل نزل علي دم لونه فااااااتح مائل للوردي ... شو هذا ؟؟؟

يارب ترزق كل من ترد علي الذريه الصالحه ياااااااااااااااااااارب

ا

ام نيلا

مشرفة سابقة

19-10-2007 | 01:53 PM

الغالية انتظري شوية اذا تبين تسوين تحليل البول لان اليوم تاريخ 19/10

فما اتوقع يبين بهذه السرعة

اما اذا انتي مستعجلة وتبين تعرفين

روحي لتحليل الدم ...

والله يرزقنا واياكم الذرية الصالحة:flower:

q

qtr-dream

عروس مبدعة

19-10-2007 | 03:42 PM

اختي اذا انتي دورتج منتظمة كل 28 يوم فالمروض انه اليوم او بكرة تيجي صح
واذا ماجات معناته تتنظرين لمدة اسبوع على الأقل وبعدين سوي تحليل البيت
وبالنسبة للدم اللي نزل اذا كان قطرات بسيطة فهذا شي عادي يعني نزل مرة وحدة بس ( لانه قد يكون دم التصاق البويضة في جدار الرحم عند نزولها للرحم )
ومثل ماقلت لج انطري كم يوم وطمنينا عليج
والله يفرح قلبج ان شالله

ن

نغم الحب2007

عروس مبدعة

19-10-2007 | 03:58 PM

بنصحك بتحليل الدم مو البول لانه تحليل الدم دقيق ويظهر بسرعة لكن البول يمكن ما يظهر وياااااااااارب تتطلعى حامل

a

al7aboobah

عروس مشرقة

19-10-2007 | 04:45 PM

حبيبتي أنا بقولج تجربتي مع التحاليل.. والله إني مثلج عقيت المرة الطافت يوم حملت.. شوفي أنا أخر دورة يتني تاريخ 05/09 ويوم 05/10 سويت تحليل بول وطلع إني مو حامل.. المهم بعد يومين سرت عيادة وسويت تحليل دم وطلعت النتيجة إني مو حامل. المهم أول يوم العيد حسيت إني وايد تعبانة وسويت تحليل البول وطلع خطين وايد أفتح عن الثاني.. المهم ثاني يوم العيد رحت سويت تحليل دم مرة ثانية وقالولي إني حامل بس هرمون الحمل عندي ناقص.. وخفت وقالت لازم إرتاح. المهم قبل يومين رحت والحمدلله إرتفع الهرمون. بس الدكتورة قالتي إني نمو بطيء وإنشاء الله الله يثبت حملي.. وإنشاء الله تطلعين حامل.. وبشرينا...

S

So_Sweet

عروس جديدة

20-10-2007 | 12:36 AM

السلام عليكن خواتي ...... طلعت مووووووو حامل ..... بعد ما كتبت هالموضوع بساعتين نزلت الدورة ... اتصدقون زعلت ... استغفر الله ... بس تابعت ويا الدكتورة وقالت انه البويضه حجمها زين .. وصار الجماع بس مادري ... الله ما كتب ... انا خايفه انه بعد ما طيحت يكون صار لي شي ... وما اقدر احمل مرة ثانيه ... اعوذ بالله من الشيطان الرجيم ...

عندي سؤال اخير يوم امس 18-10-2007 نزلت قطرتين دم فاااااااااتح بعد صلاة العشاء وبعدين ما نزل شي لين ثاني يوم العصر اللي هو اليوم 19-10-2007 .... الحين اول يوم في الدورة هو 18 ولا 19 ؟؟؟؟؟؟

مشكورات يا حبيباتي

!

!looloo!

عروس رائعة

20-10-2007 | 12:50 AM

انتظري أسبوع وعقب سوي تحليل دم...
إن شاء الله تكوين حامل....