ضميري يموتني من صوب ريلي

السلام عليكم

بنات انا بدخل با الموضوع على طول




لما بلغت 18 سنه كنت متابعه لاحد البرامج عبر احد القنوات الفضائيه وكان فيه مذيع يقدم برامج دينيه وارشاديه اسلوبه شدني وشد كل من يتابعه بجد تمنيت انه يكون ريلي في فتره من الفترات بس هو من دوله ثانيه من دول الخليج

ومرت السنين وقبل اكثر من سته شهور شفت له برنامج وكان معه احد المشايخ وقتها كانت عندي مشاكل وظروفي صعبه اخذت ايميل البرنامج والله العظيم اقسم برب الكعبه ماكنت ادري انه ايميله الخاص وارسلت للبرنامج رسائل كنت ابا رقم الشيخ بس للاسف ماكنت احصل رد اخر شي سويت اضافه عندي


وطول الحلقه وانا ارسل لين ماحصلت رد من المذيع وعطاني الرقم ونتهت السالفه ع جذيه


كنت اذا دشيت النت اشوفه بعض احيان موجود ع ايميله بس عمري مافكرت اروح اكلمه

الي ان جاء اليوم الي هو كلمني وسئلني من اكون كان يحسبني ريال ودار كلام بيني وبينه عن برامجه وكان دائم اي ضيف راح يستضيفه يخبرني اذا كنت ابا اسئله ومرت الاشهر لين مالحظت عليه انه بدا يدخلني بحياة الخاصه بدايقولي عن مشاكله عن الاشياء الي تضايقه بصراحه انا تضايقت منه وخبرته بهذا الشي وشككت بشخصه وقلت له انت ماتعرفني على شان تشكي لي همومك وبعدين انت شخصيه معروفه متخاف على نفسك رده يا بنات صدمني بجد صدمني قال لج حق تستغربين بس انا من اجي اتكلم معاج احس براحه واني ابا اتكلم واخذ منج النصيحه للعم هو يعرف اني معرسه شككت فيه وتهاوشت معه بس هو قعد يحلف لي انه هو فلان طلبت منه انه يخليني برا حياة الخاص كلنا لنا مشاكلنا هني هو طلب اني احذفه من عندي وفعلا تم الحذف من صوبي وصوبه

ومرت الاشهر وبعدين لقيت منه اضافه الفضول خلاني ارجعه عندي هل مره كان غير كانت تمر الاسابيع لا انا اكلمه ولا هو كل واحد بحاله اصلا دخولي قليل وهو بعد

بس جاء اليوم الي نطق فيه ابو الهول وخبرني عن المرحله الجايه وعن برامجه وعن ضيوفه وطلب مني اعطيه رائي
ورجعنا نكلم بعض وشوي شوي بديت اسمع له بديت ادخل بكل صغيره وكبيره تعلقت فيه وهو السبب
بدينا نخرج عن المواضيع المهمه صار كل همه اشلون يرضيني

سئلني سؤال صدمني (((((قال انتي تحبيني ))))))))) تهاوشت معه وفهمته اني وحده متزوجه واني ام واني اخاف عقاب رب العالمين لي رده صدمني اكثر واكثر قال انا ابا معاج ان شاء الله با الحلم ان شاء الله با الخيال

قلت له انت شخص متناقض انت غير في الحقيقه وفي الشاشه غير

حلف لي انه معي وان وضعه جدا حساس على شان يكون له غراميات مع بنات سئلته انت شفت شي مني كلامك شككني في نفسي يمكن انا خضعت با القول من غير ماحس

قال لا انتي اسلوبج جدا محترم وراقي بس شخصيتج مثل المغناطيس تجذبني لها من غير ماحس

الحين انا بدوامه انا ما انكر ان كلامه اثر فيني وانه له مكان بداخلي لكن وربي الي خلقني ماتمنيت ابد نوصل لهل مرحله كنت اتمنى تكون علاقتي في حدود معه ضميري يموتني من صوب ريلي وعيالي

اخر مره شفته فيها تكلمنا بهدو وطلبت منه الحذف بس رفض

حذفته من عندي ومتاكده انه راح يدور علي وانا الحين بحالة ضعف واشتياق له بشكل موطبيعي خاطري اغمض وافتح وماحصله بحياتي

انا كتبت لكم ابا احد افضفض له اروح حق منو اتكلم اذا طلع سري راح انفضح الله يستر علي وعليكن