مين انتقلت لمنزل آخر

شوفي حبيبتي أول شي لازم تودين غرف النوم وخزاين المطبخ وتركبينهم وترتبين الملابس (الصيفي والشتوي) وتخلين في البيت القديم شنطة هاندباج حق كل واحد فيكم فيها غيارات بسيطة ... ولاتنسين تاخذين وياج للبيت اليديد أغراض التواليت أو التسريحة مثل العطورات والكريمات ... إلخ والكفرات والبطانيات والمخدات والشراشف ... وإنتي ترتبين غرف النوم والخادمة تنظف وترتب المطبخ وتحط المواعين أو الأواني والجدور والصحون اللي مو محتاجة لهم ضروري في البيت القديم وخصوصا المواعين الزجاجية والتقديم الفخمة ... أما ثاني يوم تودين باقي أثاث البيت ... لأنج تقدرين ترتبينهم على راحتج لما تنتقلين حق البيت الجديد ... المهم غرف النوم والمطبخ لازم يكونون كاملين ومرتبين قبل لا تسكنين البيت الجديد ...
إن شاء الله أكون قدرت أساعدج ...

شوفي يا أختي أنا تخصص نقل من بيت لبيت على مدى 12 سنة في باكستان كل سنتين بيت ... يا لطيف يارب ...


لكن مرهقة جدا برجع أكتب لك خلاصت خبرتي التنقلية ههههههههه ويا رب تفيدك ...

يزاج الله خير اختي بلبل على الرد
اختي اسماء بانتظار تجربتج

أولا البيت الجديد ربنا يجعله بيت خير وسعادة عليكم روحي نظفيه بشكل ممتااااااااااااذ ...

ثاينا رشي الغرف والدواليب وقفليها وبعدها بيوم روحي فتحي وإذا لاحظت أي شيء يحتاج لتصليح خليهم يصلحوه قبل ما تروحي

إذا عندك مكيفات ودش وأشياء تحتاج لتركيب خليهم يروحوا يركبوها الأول علشان راح يبهدلوا البيت وراح يحتاج يتنظف مرة ثانية بعدها وتنظيفه بيكون سهل إذا ما كان فيه أثاث

والمكيفات لازم تجيبي كهربائي يغسلهم في البيت القديم .. قبل ما ينقلهم ويركبهم في الجديد ...

ثاني شي يتنقل الأثاث واللي محتاج دهان وتلميع أو غيره خليهم يدهنوه ويوضبوه هناك في البيت الجديد سواء في البلكونة أو المدخل أو أي مكان واسع أو حتى صالة أو في غرفة المخزن حتى لا ينخدش بعد النقل

نيجي لترتيب الأغراض: الستائر والفرش اغسليهم واكوي ما يحتاج للكي وخليهم في شيء واحد ..

اي شيء مهما كانت قيمته إذا ما كنت بتستخدميه فرصة تتخلصي منه

افرزي الملابس وكل شيء ولا تنقلي إلا ما تستخدمينه

ملابس كل طفل تكون في شيء منفصل وحتى ملابسك أنت وزوجك

واكتبي اسم كل واحد على حقيبة الملابس وأنا أفضل الكراتين لأنها بتحافظ على الملابس مرتبة وبس تروحي البيت تطلعي وترصي في مكانه في الدواليب

الأحذية كذلك في كراتين منفصلة أو كرتون واحد لك ولزوجك آخر للأطفال

المطبخ أغسلي كل شيء ووضبيه وانقليه بتوضيبه

أنا لأن البيت اللي نقلت فيه مؤخرا كان قريب من البيت السابق كنت راصة أغراض المطبخ في سلات بلاستيكية كبيرة وبس آخذها وأرصها في المطبخ مباشرة

تعرفي أنا كنت وزوجي بدأ بنقل كتبه وأنا أدوات المطبخ التي لن استعملها في اسبوع النقل مثل الخلاطات والعجان فرن الكهرباء كنت أنظف في البيت القديم وأضع في السلات بدون تغليف ولا شيء وأروح هنا ك كل شيء يطلع من السيارة على الخزانة وكنت مجهزة خزائن المطبخ مفروشة



استخدمي كراتين متوسطة الحجم وليست كبيرة ليسهل نقلها وتتذكري ما فيها بسهولة ..

إذا تذكرت شيء ثاني برجع اكتبه إن شاء الله

أختي تذكرت شيء قلت لازم أخبرك به

نصيحــــــــــــــــــــــــــ ـــــة


لا تخلي أحد يرص لك شيء في الكراتين أو الشنط رتبيهم بنفسك

ترى بيلخبطوا لك كل شيء في بعضه صدقيني والله النقلة الوحيدة اللي تعبت فيها وتعبت في آخر يوم لما واحدة جات تساعدني عكت لي كل شيء في بعضه

الملابس اللي في شماعات أنقليها بشماعاتها في سيارتكم الخاصة

ملابس المدارس أو اللي بتحتاجيها مباشرة ضعيها أخر شيء في شنطة أولادك من فوق بحيث تفتحي تلاقيها ما تضطري تدوري عليها

إذا عندك فريزر وثلاجة والاثنين شغالين
فضي كل اللي في الفريزر في الثلاجة وعليها على آخرها .. أغسلي الفريزر وجففيه

دعيهم ينقلوه مع أول سيارة ويخزنوه في المكان اللي راح تشغليه فيه وما يشغلوه إلا بعد مرور ساعتين على نقله .. بعدها انقلي فيه ما في الثلاجة وافصليها واغسليها
وينقلوها من بيتك الحالي للبيت الجديد بعد مرور ساعتين على فصلها ويخزنوها في مكانها اللي راح تشغليها فيه وما يشغلوها إلا بعد مرور ساعتين بعد نقلها
حتى لا تخرب ثلاجتك والفريزر ... وحاولي ما يكون فيهما أشياء كثيرة .. اعتمدي على الأكل الجاهز تلك الفترة
هذا اللي تذكرته الآن لما اتذكر شيء تاني إن شاء الله أضيفه ..

متىنقلك أختي