ساعدوني (اللي عندها أكثر من طفل)

حبيبتي بقول لج عن طريقتي ومدري اذا بتقتنعين بها
آنه عيالي الله يحفظهم ويحفظ ولدج ما أشتري لهم أشياء وايد غالية أتحسف عليها لما تصغر عليهم الا بالمناسبات وكل الي يصغر أعطيه للي محتاج له أول بأول غير الأجر تخففين من النثرة وتوسعين على عمرج.
وأكيد في جم قطعة أتحسف عليهم أخليهم عشان اذا الله رزقني بعيال غيرهم أحطهم بعد ما أغسلهم وأكويهم بأكياس سميكة بطريقة مرتبة وأطلع الهوى من الكيس بالضغط وأشده وألصقه باللزاق بحيث ما يدخل له هوىوأحطهم بجناط السفر الي ما أستخدمهم و تقدرين تحطين وسطهم كور النفتلين الي تبعد الحشرات أو نعناع مجفف وتفتحينهم كل فترة يتهوون وترجعين تكيسينهم مرة ثانية.

ربنا يخلي لك ابنك ويبارك لك فيه


عن نفسي احتفظت ببعض ملابس ابني البكر لغاية ما استخدمتهم بنتي الثانية


غسلتهم وقلبتهم - يعني خليت وجههم للداخل ورصيتهم في حقيبته اللي كنت أطلع بيها ومعاها شلت الرضاعات واللهايات وما شابه

وكل فترة أطلعهم أغسلهم بمنعم وأرجعهم تاني للشنطة ... يعني كل سنة كل عشر شهور ...