استفسار عن الحمل وعلاج الأسنان...

ع

عيون بوظبي

مشرفة سابقة

18-10-2007 | 05:07 PM

السلام عليكم يا حوامل ..

الحمدلله تقريباً ما بقى لي شي واخلص الشهر الاول على خير ..(سكتي طويله)

وعندي مواعيد اسنان متفاوته في شهري الثاني من الحمل .. والشهر الرابع ...

وبصراحة هالفرصه اترياها من زمان عشان ابدأ أعدل اسناني ..

ياترى في خطر علي بالذات اني مااستحمل اي شي بدون ابره البنج ؟؟؟

ياريت الي تعرف تخبرني ..

*

*Hala*

عروس فضية

18-10-2007 | 06:16 PM

حبيبتي اذا ماني غلطانه فالبنج خطير ع الحامل اول ثلاث شهور

واصلا اغلب الدكاتره يسآلونك قبل مايخدرون اذا كنتي حامل او لآ...

بس عشان تكوني في الجانب الامن من الموضوع لما تروحي الموعد استفسري من الدكتوره...

وماتشوفين شر حبيبتي ..

ع

عيون بوظبي

مشرفة سابقة

18-10-2007 | 07:03 PM

والله مادري انا قلت بسأل الدكتور قبل وبشوف

كذا مرة كنت اروح حق علاج الاسنان وما يسألوني لو حامل او لا ... اللا في الاشعه بس ..

ان شالله ما يكون في ضرر الموضوع ما يتأجل بعد التسع شهور

أ

أوراق الخريف

مشرفة سابقة

18-10-2007 | 09:40 PM

السلام عليكم ورحمة اللــــــــــــه وبركاتــــه

هــــــــــلا حبيبتـــي..

انا يوم كنت اروح حق اسناني يوم ما كنت حامل كانو يسالوني حامل قبل ليبدؤون بالعلاج..
وزميلتي الي بالدوام اذكر كانت بشهر الخامس راحت لدكتور علشان اسنانها قالها ما بقدر اسوي اي شي لينما اتربين بس بحشو اسنانج مؤقت لا اكثر..!؟
الغاليه علشان تكونين انتي والبيبي في save side انتي خبريه بانج حامل وهل هالشي ياثر والا لا علشان سلامتكم بس.. يمكن دكتور خبير يقدر يتصرف..
وبيني بينج حتى انا ابغي اروح العياده لان حشوتين طاحو وجد اعاني من الاكل بروحي ما اكل بسبب اللوعه وفوق هذا الحشوتين طاحو عليي هههههههههههههههه.. ومستسلمه اقول حق ريلي بتريا ليما اربي وهو يقولي المشوار طويل ههههههههههههه وفقدت الامل :(

وشكرا..

يسرني مروركم على مواضيعي واضافة الاطلاله فيه
ركن العناية بالشـــــــــــــعر
من افضل الطرق لتطويل الشعر

بدك شعر حرير وبيجنن في نفس الوأت؟!

سر غلاظة وطول الشعر
عندي لكم زيت ولا دابر املا بريحته ولا الحشيش بمفعوله ولاحمام الزيت بفوايده وتطويله

أنا بادي شعر أحمر وحلو وبيجنن وبدون لاصبوغو.. بادي بالحنى!؟
شعرج متقصف+ فيه قشره+ بطئ النمو+ يتساقط اذا زيت Trichup هو الحل باذن الله+ صوره
كريم يستخدم للشعر: (لغلاظته, نعومته, ولمعته) عن تجربه
لكل مشكله حل باذن الله (كل انواع الزيوت وفوايدها ومكوناتها مع الصور)

طريقة عمل زيت البابونج بالبيت ومن صنع يديك (حصريا ب عروس دوت كوم فقط)
الخلطه السريه هدية العيد (لاعادة صحة الشعر والتغلب على جميع مشاكلها) حصريا في عروس
الطريقه المضمونه باذن الله لزيادة طول+ كثافة+ قضاء على القشره= للشعر (مجرب)
_.:•‡ஐஇ زيت جوجوبا jojoba فوايد مهمه للشعر ال......... مع الصور حصريا ب عروس இஐ‡•:._
طريقة عمل المساج لفروة الرأس+ الصور (حصريا ب منتدى ال عروس دوت كوم)

ماسك للشعر طبيعي.. يخلي الشعر صحي+ لامع+ كثيف ومغذي للفروه ايضا (صور)
خطوه خطوه لشعر كيرلي رائع لمحبي Curly يالله على الطااااااااابور
KalaKola Hair Tonic لعلاج القشره ولسواد الشعر ولعلاج التساقط وتاخر الشيب معقوله؟؟!!
ღஐღ الخلطات والزيوت المجربه من قبل الاعضاء+ معلومات بدقه+ صورღஐღ

زيت الخروع الي استخدمه ورهيب
شامبو روعه روعه عن تجربه يقضي على القشره من أول مره وطبي وجديد ومتوفر في الصيدليات

قناع الموز 30 دقيقه لشعر صحي وناعم
بلسم طبيعي لشعر
زيت السمسم لشعر لامع
-(أسرار صحه وجمال شعر الأسيويات)- بحث كامل Exclusive الجزء (1)
حمام زيت (تحفه) عن تجربه ممتاز ومتوفر ولا يتفوت+ صورة المنتج

ع

عيون بوظبي

مشرفة سابقة

18-10-2007 | 09:58 PM

انا اكيد ان شالله لازم بخبره

بس بصراحه مأساه لو بتريا الولاده :( وايد وقت ...

عندي مشاريع وايد ويا اسناني .. عشان بسوي تقويم ان شالله

ابا اسوي تنظيف وحشوة وتبديل حشوات قديمة وايد اشياء ههههه سكراب ....

مشكورة ام سعيده ان شالله ما يكون منه ضرر عشان اقدر اعالجهم

ق

قصايد دبي

عروس مبدعة

19-10-2007 | 12:34 AM

انا رحت عند كذا دكتور ..

و الحمد لله عالجوني ...

و سوولوي ابر بنج .. بس مب قويه و تناسب الحامل ..

و سوولي اشعه بس حطوا على بطني شي

و الحمد لله ..

بس بعد انتي اسألي دكتورتج أحسن عشان تكونين في السليم

أ

أوراق الخريف

مشرفة سابقة

19-10-2007 | 10:20 AM

3yoOon_AD;4493049:
انا اكيد ان شالله لازم بخبره

بس بصراحه مأساه لو بتريا الولاده :( وايد وقت ...

عندي مشاريع وايد ويا اسناني .. عشان بسوي تقويم ان شالله

ابا اسوي تنظيف وحشوة وتبديل حشوات قديمة وايد اشياء ههههه سكراب ....

مشكورة ام سعيده ان شالله ما يكون منه ضرر عشان اقدر اعالجهم

وااااااااااااااااااااو عيل كلنا في الهوا سوااااااااااااااااااا.. لان انا بعد ابغي اركب تقويم..؟! خبريني شو صار معاج اوكيه..:flower:

ع

عيون بوظبي

مشرفة سابقة

19-10-2007 | 10:39 AM

ههههههههه الله يعيننا يا ام سعيده

خلاص انا بتصل في الدكتور خلال هالكم يوم وبخبرج ان شالله

اختي قصايد مشكورة حبيبتي انا بعد سمعت لأبر عن الحامل بس لما سألت قالوا مافي ...

الله يكتب الي فيه الخير

q

qtr-dream

عروس مبدعة

19-10-2007 | 12:31 PM

هلا والله اختي الحامل وضعها دايما هي والجنين حساس شوي عشان جذي حاولي تسألين مختص او دكتورتج اللي تراجعين عندها مواعيد الحمل وانا سمعت انه اشيا وايدة تأثر في الحمل takcare

B

Blossoms

مشرفة سابقة

19-10-2007 | 01:00 PM

انا بعد عندي سن مكسور وابي اشيله لكن خايفة اروح ويضر الجنين ولا شي

اللي استفسرت من طبيبتها تخبرنا

%

%%راما%%

عروس مشاركة

19-10-2007 | 01:55 PM

الله ياقلبي ما ادري بس اللي سمعت

ان الحامل لها بنج خاص..

والله يسهل عليك وعلي وكل مسلم.

ف

فوانيس

مشرفة سابقة

19-10-2007 | 05:12 PM

هلا الغاليه ام مصبح
و سلامتح ألف سلامه و ما تشوفين شر يا رب
بنج الحامل خفيف و دايما يقولون لها بعد الولاده تعالي انكمل العلاج
الا اذا كان الالم لا يحتمل
بس الطب تطوّر عن قبل و اكيد علاج اسنان الحامل صار اسهل و افضل من قبل باذن الله
توكلي على الله و كملي علاجاتج مع البنج المناسب لج

l

lolu

عروس مشرقة

19-10-2007 | 05:25 PM

انا سألت دكتورتي نفس السؤال لمن كنت بالشهر الثالث

قالت لي عادي ما يأثر و حتى لو احتجتي اشعه ما منها مشاكل

ع

عيون بوظبي

مشرفة سابقة

19-10-2007 | 05:27 PM

الله يطمنكم طمنتوني ..

ان شالله بسأل الدكتور مال الاسنان باجر وبشوف شو بيقول واحتياط بعد بسأل دكتورة الحمل وبشوف شو بتقول