تطبيقي للتراميسو+الشتلات+القطايف+جلد النمر+حلى الكاسات+الخنفروش

[BLINK]حــــــيــــاكــــم تــــعــــالــــو تـــقـــهـــوو عـــنـــدي بــــدلال أم ســـلـــوم:2_106:[/BLINK]

جمعت لكم بعض الحلويات اللي سويتها في رمضان ونسيت انزلها لكم واليوم تذكرت وقلت بنزلها لكم



حـــــــلــــــــى الـــــكـــــــاســــــــات والطريقه جبتها من منتدى ثاني :-



..المـــقاديـــر..

علبة (ظرفين) دريم ويب
علبة قشطة
ظرف كريم كراميل
كوب حليب بارد
فنجان ماي ورد



بسكوت مطحون طحن خشن
صوص كاكاو (هيروشي) للتزين


..الطـــريقــــة..


تخلطين المقادير كلها ( من غير البسكوت والصوص) مع بعض الى ان
تتكاثف الكمية
اتحطين البسكوت في وعاء التقديم .. وتصبين الخليط عليه
وعقبها ترشينه بالبسكوت المطحون وتزينينه بالصوص الكاكاو
وتحطينه في الثــلاجة ..

حــــلى جـــــــلد الــــــــنــــــمـــــــر وهذي بعد جبته من احد المنتديات وطبقته:-



الطبقة الاولى :
كوب حليب بودرة نحمره على النار+استكانه زيت مش مليانه+نص ملعقه فانيلا+ ملعقه صغيره خميره+علبه قشطه+استكانه سكر
نخلطه فالخلاط الكربائي...الى ان يصبح غليط القوام
نشغل الفرن من تحت الحين عشان يسخن
ندهن القالب بالزيت و رشه طحين...نحط نص هالكمية..نرص بسكوت ماري طبقة وحده
نضيف باقي الكمية و نسوي السطح
ندخله الفرن 20 دقيقه على حراره 150 ..

الطبقة الثانيه:
ثلاث ارباع حليب محلى-5جبن كيري نخلطهم
في صحن جانبي نضيف 3 ملاعق كاكاو و نضيف لهم 4 ملاعق من خلطه الحليب المحلى السابق

اخيرا :
نصب الحليب المحلى فوق الكيك اللي طالع من الفرن
وخلطه الشوكلت نزين فيها مثل جلد النمر بخطوط ..
ندخل الفرن 5 دقايق بس من فوق
دخلها الثلاجه عشان تبرد

حـــلــــــى الشـــــــتلات لأختي السفيره :-



المقادير:

الطبقة الأولى

كب كيك مقطع حلقات

هذا الكوب البلاستيك اللي استخدمته..

الطبقة الثانية


صوص الشوكولاته السائلة


الطبقة الثالثة

2 كيس دريم ويب
2 قشطة
فنجان حليب سائل
1 كيس كريم كراميل

الطبقة الرابعة


بسكويت اوريو مطحون

تقطع الكيك ونحطه بقاع الكوب ،نحط شوية صوص كاكاو على الكيك..
نخلط مكونات الطبقة الثالثة بالخلاط إلى أن يتماسك ، مثل الصورة ونحطه على الكيك..
حطي شوي من الخلطة في الكوب ثم شوية صوص كاكاو ..

نطحن بسكويت الاوريو بالمطحنة ، مثل الصورة ونرصة بالملعقة فوق الخلطة..

وتزين بعرق من أوراق النعناع الطازج


الخنــــــفروش وبطريقة ملاذ الحب وانا سويتها بماكينة المعمول :-



المقادير :
1 كاس طحين رقم 1
6 بيضات
1 كاس سكر
1 كاس طحين عيش (( ارز ))
نص كاس زيت
1 ملعقه كبيره هيل مطحون
فنجان ماء ورد مضاف اليه زعفران (( الزعفران على كيفج انا احبه وااايد ))
شويه فانيلا
1 ملعقه صغيره بيكنج بودر


الطريقه :

نضع البيض ويضرب بالخلاط وعقب نضيف السكر والفانيلا حتى يخلظ القوام شويه
ثم يوضع الطحين (( العيش وطحين رقم 1 )) والزيت والبيكنج بودر
وبعدها يضرب بالخلاط لمدة خمس دقايق في الاخير نحط الهيل والماي الورد والزعفران ويضرب مره ثانيه شويه

ويترك بعد الخلاط لمدة نص ساعه

القطايف:-

شريت عجينة القطايف جاهزة وحشيتهابالجبنه وقليتها ..... وحطيتها في الشيره وبس





تطبيقي لحــــــــــلــــــــى الــــــتــــراميــــسو وبطريقة ملاذ الحب :-



المقاديـــــــــــــر:::

2 باكيت كريم كراميل
2 باكيت دريم ويب يعني 4 ظرف
2 علبه قشطه
علبه جبنة فيلاديفيااا حجم 200
كوب وربع حليب بااااارد
بسكويت شاي (( انا استخدمت اولكر))
قليل من الحليب نضع عليه ملعقة نسكافيه لتغميس البسكويت
اصابع شوكولاته مثلاا رينجو او اللي تفضلينه بس يكون اصابع
كاكاو بودره محلي (( نسكويك))


الطريقه:::::


1- يخلط الحليب البارد مع الدريم ويب حتى يغلظ ويصير مثل الكريمه
عقب ضيفي الجبنه والقشطه والكريم كراميل واخلطييييييهم مع بعض عدل مدل وحطيه عقب بالثلاجه لين ماتسوين طبقه البسكويت وتصفين اصابع الشكولاته

2- تجيبين صينيه متحركه القاعده
ونصف البسكويت في القاع بعد تغميسه بالحليب والنسكافيه
بالكتاب كاتبين انج تسوين شويه مسافه بالجوانب علشان تصفين الاصابع
بس يوم سويت هالطريقه طاحوا الاصابع

فلافضل
انج تصفين البسكويت بعد التغميس لين الجوانب
وتغطين القاع عدل مدل
وعقب تاخذين اصابع الشوكولاته وتغرسينهنم بالبسكويت
راح يتثبتوون اكثر واحسن ولا راح يطيحووون

3- عقب انحط نصف الخليط (( الكريمه )) فوق البسكويت

4- نصع طبقه ثانيه من البسكويت بعد تغميسه بالحليب

5- عقب نضع النصف الثاني من الكريمه ونعدل السطح ونرش كاكاوو بودره على الوجه
بعدها نحط الصينيه بالفريزر مده 4 ساعاااات



وهذي هي اطباقي وان شاء الله تعجبكم