محتارة .. هل أنا غلطانة ؟؟

كيف الحال يا بنات عروس ؟؟ أتمنى تكونوا بخير ....

راح أحكي لكم السالفة و إنتوا قولوا رأيكم ..... تقدم لي عريس في شهر رمضان ، كان رجال كويس ظاهريا بس أبوي قال يبغى يسأل عنه .. اتفقت مع أمي و أبوي إن ما أحد برا البيت يدري لين يكون الموضع صدق ... بعدين لما تمت الموافقة رحنا نبي نقول لأهل والجتي في اجتماعنا .. كانت بنت خالتي ـ اللي احنا مثل الأخوات ـ تدري !!! تقول فيه وحدة من دوامها قالت لها .. و هذا الكلام كان من حوالي ثلاثة أسابيع ... و من ذاك الوقت و اهي متغيرة علي .. أدق عليها ما تجاوبني ,لما أحاول أكلمها على المسنجر ما ترد .. و لما اسألها تقول ما انتبهت إنك هناك ... مش عارفة وين المشكلة .... هل أنا غلطت إني ما نشرت شي أنا مش عارفة هو راح يتم و لا لا ؟؟؟

ترى إلى الآن ما صار شي ، ما ملكنا و لا حتى شفته او شافني .. بس اتفق مع أهلي و شفت أمه و خواته .. يعني ما راح أقول سوينا كل شي و هي ما تدري .. ترى كل خالاتي شايلين مني .. و رغم إني حاولت كثير اكلمهم و أضغط على نفسي .. بس حاسة إني طفشت .. ويش رأيكم ؟؟ هل أتركهم و أقول كيفهم ؟؟ ياريت تساعدوني .. بجد محتارة