ساعدونى
*
17-10-2007 | 11:18 PM
:X_hell1: انا سعيدة جدا انى مشتركة الان فى هذا المنتدى الاكثر من رائع وسعيدة اكتر لانى بقى ليا اصحاب كتيرة اوى هكلمهم و يكلمونى وهما انتم طبعا لانى عيشة بجد فى حالة ملل وزهق فظيعة لانى قعدة فى البيت بعد انتهائى من دراستى وطبعا مفيش شغل لان الفرص قليلة جدا ولكن حدث تغير فى حياتى وهو انى اتخطبت ولكن بطريقة تقليدية جدا ورغم ان ده ماكنش مبدائى ولكن وفقت علشان قولت حرام انى ارفض حد من غير ما أشوفه ويمكن يكون ده نصيبى وفعلا شوفته وارتحتله جدا وهو كمان وتمت الخطبة وبدأنا نتعرف على بعض وبصراحة لقيت انه راجل جدا ويعتمد عليه جدا ومناسب جدا ماديا واجتماعيا واخلاقيا ولكن لحظت انه مش عنده اهتمام بيا يعنى مش بيسأل عليا كل يوم ولو انا مسألتش مش بتفرق معاه فى حاجة يعنى مش بياخد باله ويسأل وهو بطبيعة شغله بيتأخر ومفيش معاد محدد للرجوع علشان كده بقوله لما تروح رنلى علشان أطمن يقولى ماشى وبعدين ينسى وأقوله مرنتش ليه يقول نسيت ويقولى النسيان ده مع كل الناس مش معاكى انت بس وبسكت مش بعرف اقول ايه وممكن نقعد باليومين والثلاثة منتكلمش واللى هيجننى انه قالى انه بيقدر اللى بعمله علشان انا بستحمله طيب هو ليه مش مقدرنى ولما اقوله انت ليه مش بتتصل يقولى معلش ما كنتش فاضى اقوله مش فاضى 5 دقائق يقولى لا طبعا معلش انا مقصر وبعدين ينسى وميعملش حاجة انا مش عرفى اعمل معاه ايه انا عيزاه يتعود عليا علشان انا اتعود عليه وحولت كتير وابتديت انا وجيت على نفسى كتير ومفيش فيدة انا عيزه ميقدرش انه يستغنى عنى بس أزاى وأعمل ايه:21_207:؟أرجوكم تساعدونى انا بقية عليه وحسه انه كويس وبصراحة ابتديت انى احبه :21_186:وأسفة انى طولت عليكم وسلامى للجميع:8875:
ش
17-10-2007 | 11:37 PM
السلام عليكم و رحمة الله و بركاته ..اهلا فيج حبيبتي اخت و عزيزة في المنتدى نتعاون على الخير و نجاهد الشر..حبيبتي يمكن مشكلتج نفس ما قلتي سببها الفراغ ..علشان هالسبب تركزين عليه و على غيابه وعلى اي عيب فيه و كل شخص له عيب و الحين انتي قاعدة تحسبيها عليه ..يمكن ظروف شغله او اشياء شخصية تمنعه من الاتصالات وعلى فكرة هذي الفترة للتعارف وعشان كل واحد يتعرف على الثاني و ظروفه ..و الله يوفقكم ان شاءالله ..
*
18-10-2007 | 04:05 AM
أشكرك شمس حياته وانا اعلم ان كل انسان وله عيوبه ولكنى لا اشعر بأهتمامه لأنه مش بينسى أصحابه ولا انه يخرج معاهم مش عرفى اعمل ايه علشان يهتم بيا انا بعمله كويس جدا الحمد لله وعيزة اعرف هو طبيعى انه ميكلمنيش كل يوم ولى لا وهل انا مستعجلة واستنى شوية وانها مسألة وقت ولى اعمل ايه معاه؟
@
18-10-2007 | 04:45 AM
بصى بقى يا جميل
هو طبعا مش من الطبيعى ان خطيبك ميكونش مهتم بيكى .. لان المفروض ان فترة الخطوبة هى من احلى فترات العمر ومش بتتعوض وفيها بتعرفو بعض وتكتشفو بعض اكتر
فى الحالات اللى زى دى برجح انك تبتدى بكل حاجة حلوة علشان يبتدى هو كمان يبقى زيك
انتى بتقولى انة مشغول عنك يبقى لازم انتى تزاحمى دنيتة وتاخدى مكان ليكى
تخلية مثلا يعمل وقت محدد يوميا لازم تتكلمو فية يعنى مثلا لما يرجع من الشغل متقوليلوش رنيلى قوليلة كلمنى ولو مش اتصل اتصلى بية انتى ولو مرة نسى عديها تانى مرة عديها تالت مرة ازعلى منة بس باسلوب حلو وكل لما ينسى غيرى اسلوبك معاة شوية لحد لما تحسى وتعرفى تحددى بيخاف على زعلك ولا لا
وشوفى مثلا يوم اجازتة اية ودة خططى معاة انكم تقضوة مع بعض
ومثلا كل فترة اعمليلة مفاجاة حلوة حتى لو حاجة بسيطة بس حسسية انك مهتمة بية وخلية يهتم هو كمان بيكى حسسية انك حاجة حلوة فى حياتة يلاقيها وسط الشغل وزحمتة
وطبعا مش هوصيكى على مسجات الموبيل
وبعدين اكتبيلة عتاب صغير فى جواب او كارت انك نفسك يكون بيحبك ويهتم بيكى زى ما انتى بتحبية ومهتمة بية وانك ملكيش غيرة اللى تسمعى منة كلام حلو وانك بتحبى تسمعى الكلام دة منة لانه حبيبك وكدة يعنى
وان شاء الله يكون فى نتيجة
بس المهم انك مش تيئسى
ربنا ييسرلك امورك ويحببة فيكى ويجعلك قرة عينة
هو طبعا مش من الطبيعى ان خطيبك ميكونش مهتم بيكى .. لان المفروض ان فترة الخطوبة هى من احلى فترات العمر ومش بتتعوض وفيها بتعرفو بعض وتكتشفو بعض اكتر
فى الحالات اللى زى دى برجح انك تبتدى بكل حاجة حلوة علشان يبتدى هو كمان يبقى زيك
انتى بتقولى انة مشغول عنك يبقى لازم انتى تزاحمى دنيتة وتاخدى مكان ليكى
تخلية مثلا يعمل وقت محدد يوميا لازم تتكلمو فية يعنى مثلا لما يرجع من الشغل متقوليلوش رنيلى قوليلة كلمنى ولو مش اتصل اتصلى بية انتى ولو مرة نسى عديها تانى مرة عديها تالت مرة ازعلى منة بس باسلوب حلو وكل لما ينسى غيرى اسلوبك معاة شوية لحد لما تحسى وتعرفى تحددى بيخاف على زعلك ولا لا
وشوفى مثلا يوم اجازتة اية ودة خططى معاة انكم تقضوة مع بعض
ومثلا كل فترة اعمليلة مفاجاة حلوة حتى لو حاجة بسيطة بس حسسية انك مهتمة بية وخلية يهتم هو كمان بيكى حسسية انك حاجة حلوة فى حياتة يلاقيها وسط الشغل وزحمتة
وطبعا مش هوصيكى على مسجات الموبيل
وبعدين اكتبيلة عتاب صغير فى جواب او كارت انك نفسك يكون بيحبك ويهتم بيكى زى ما انتى بتحبية ومهتمة بية وانك ملكيش غيرة اللى تسمعى منة كلام حلو وانك بتحبى تسمعى الكلام دة منة لانه حبيبك وكدة يعنى
وان شاء الله يكون فى نتيجة
بس المهم انك مش تيئسى
ربنا ييسرلك امورك ويحببة فيكى ويجعلك قرة عينة
*
18-10-2007 | 09:01 PM
اشكرك جداgreen apple على نصائحك الغالية ولكن انا عملت كل اللى انت قولتى عليه وربنا شاهد انى ما قصرت معاه لكن هو اللى اتعود انه ياخد وميديش وبصراحة فى حاجة انا كنت مش وخده بالى منها بس دلوقتى انا اتاكدت وهو انه متعقد من حاجة وهى ان مامته شخصيتها قوية جدا وباباه طيب جدا يعنى كلمها اوامر وباباه بيصلحها حتى لو هى اللى غلطانة وهو متعقد من ده وانا اتاكدت لانه لما اعترفلى بحبه قال انه بيحبنى علشان انا اديته قيمته وقدره وانى بشوره فى كل حاجة وبهتم برايه فى كل حاجة وان ده بيسعده جدا لكن هو مزودها وفاهم ان معنى انى بطلب منه انه احنا نتعود نتكلم كل يوم او يرنلى لما يروح علشان اطمن ان ده تحكم وسيطرة بالعكس انا عيزه اقرب منه علشان ميخفش واخلصه من العقدة ديه بس مش عرفى ازاى ؟ارجوكى تساعدينى اعمل ايه؟
@
18-10-2007 | 11:13 PM
كيتىوميدو;4492907:
اشكرك جداgreen apple على نصائحك الغالية ولكن انا عملت كل اللى انت قولتى عليه وربنا شاهد انى ما قصرت معاه لكن هو اللى اتعود انه ياخد وميديش وبصراحة فى حاجة انا كنت مش وخده بالى منها بس دلوقتى انا اتاكدت وهو انه متعقد من حاجة وهى ان مامته شخصيتها قوية جدا وباباه طيب جدا يعنى كلمها اوامر وباباه بيصلحها حتى لو هى اللى غلطانة وهو متعقد من ده وانا اتاكدت لانه لما اعترفلى بحبه قال انه بيحبنى علشان انا اديته قيمته وقدره وانى بشوره فى كل حاجة وبهتم برايه فى كل حاجة وان ده بيسعده جدا لكن هو مزودها وفاهم ان معنى انى بطلب منه انه احنا نتعود نتكلم كل يوم او يرنلى لما يروح علشان اطمن ان ده تحكم وسيطرة بالعكس انا عيزه اقرب منه علشان ميخفش واخلصه من العقدة ديه بس مش عرفى ازاى ؟ارجوكى تساعدينى اعمل ايه؟
خلاص يبقى حلها بسيط ان شاء الله
يبقى انتى متطلبيش انتى نفذى يعنى مثلا انتى عارفة انة بيروح دلوقتى اتصلى بية واطمنى علية ومتجيبيش سيرة انت مش بتتصل لية ولا بترن لية متساليهوش
افضلى كدة فترة... وبعدين متتصليش تطمنى وتقفلى على طول لا خليكى معاة مثلا 10 دقايق على الاقل
اتكلمى معاة برومانسية وحاولى انك تشركية فيى يومك وهو كمان يشركك فى يومة
وطبعا دا مش هيجى من اول مرة لكن انتى واحدة واحدة هتلاقية بيبتدى يحكيلك
يعنى مثلا قوليلة انا عملت كذا النهاردة واستشيرية وحسسية اكتر انة مهم
وتقوليلة وانت عملت اية فى يومك النهاردة هتلاقية يقولك عادى مفيش زى كل يوم قوليلة طيب احكيى انا اصلا معرفش يومك بيعدى ازاى
وبعد شوية وتكرار السؤال يوميا ممكن يفتكر حاجة حصلت معاه النهاردة غير المعتاد فيقولك تصدقى حصل كذا النهاردة
ودى هتكون بداية كويسة
نرجع تانى ... تفضلى مثلا اسبوع تتصلى انتى يوميا وتحاولى تقربى منة وتخلية ياخد انة يكلمك يوميا وتحكيلة ويحكيلك زى ما قولتلك وتيجى فى يوم متتصليش ... شوفية هيعمل اية
معملش حاجة خدى يوم كمان ... معملش حاجة ومتصلش اتصلى بية وازعلى منة قوليلة انا بتصل بيك يوميا علشان اطمن عليك وغيبت عنك يومين متتصلش بيا تعرف انا مش بكلمك لية او غبت لية افرض انا تعبانة او عندى ظروف مش تطمن عليا ... غير بردو الهدايا البسيطة والمسجات والخروجات
و ان شاء الله ربنا ييسرلك امورك
وكمان انتى صليتى استخارة قبل ما توافقى على الخطوبة ؟؟
*
19-10-2007 | 01:45 AM
ازيك green apple انا سعيدة جدا انى احكيلك وسعيدة اكتر انك بتساعدينى انا مستعدة بجد انى اعمل كل اللى انت بتقولى عليه وانا فعلا ابتديت انى اعمل كده لكن هو مش بيرد على التليفون اصلا بقاله تلات ايام ولا بيتصل انا مش عرفى ايه البرود ده بس انا لما يتصل او يرد ان شاء الله هقوله زى ما انت قولتى بس وغلوتك هيقول زى كل مرة معلش ما كنتش فاضى او نسيت انا اقول ايه بقى ؟؟ عيزه ارد رد ميعرفش يتكلم بعده عيزه يفهم انى مش مدلوقة عليه وان ده الطبيعىوانه لازم يسأل عليا وبجد ربنا يكرمك على كل اللى بتعمليه معايا:9_28::Za_thanx:
*
19-10-2007 | 02:55 AM
نسيت اقولك انا صليت استخارة وكنت مرتاحة جدا الحمد لله
@
19-10-2007 | 02:58 AM
كيتىوميدو;4493948:
ازيك green apple انا سعيدة جدا انى احكيلك وسعيدة اكتر انك بتساعدينى انا مستعدة بجد انى اعمل كل اللى انت بتقولى عليه وانا فعلا ابتديت انى اعمل كده لكن هو مش بيرد على التليفون اصلا بقاله تلات ايام ولا بيتصل انا مش عرفى ايه البرود ده بس انا لما يتصل او يرد ان شاء الله هقوله زى ما انت قولتى بس وغلوتك هيقول زى كل مرة معلش ما كنتش فاضى او نسيت انا اقول ايه بقى ؟؟ عيزه ارد رد ميعرفش يتكلم بعده عيزه يفهم انى مش مدلوقة عليه وان ده الطبيعىوانه لازم يسأل عليا وبجد ربنا يكرمك على كل اللى بتعمليه معايا:9_28::Za_thanx:
بصراحة انا مش عارفة اقولك اية
بجد خايفة اقولك تزعلى او اكون ظلماة
انا شايفة انة كدة حبة ليكى قليل ... بصراحة معرفش حد يكون خاطب واحدة وبيحبها ومش بيكلمها
اقولك على حاجة انا كنت مخطوبة قبل كدة من كم سنة فاتت وكانت بردو خطوبة صالونات
وصدقينى مستمرتش الا 8 شهور
وكان اسلوبة معايا زى ما انتى بتحكى كدة بالعكس انتى خطيبك بيقولك متزعليش انا نسيت او مكنتش فاضى لا دا كان بيرد باسلوب رخم ... وفى الاخر عرفت ان واحنا كنا مخطوبين كان بيكلم واحدة والخطوبة اتفسخت وراح خطبها واتجوزها وخلف منها كمان
فاتاكدى الاول انة بيحبك
وربنا ييسرلك اللى فية الخير
*
19-10-2007 | 08:01 PM
@ green apple @;4494206:
بصراحة انا مش عارفة اقولك اية
بجد خايفة اقولك تزعلى او اكون ظلماة
انا شايفة انة كدة حبة ليكى قليل ... بصراحة معرفش حد يكون خاطب واحدة وبيحبها ومش بيكلمها
اقولك على حاجة انا كنت مخطوبة قبل كدة من كم سنة فاتت وكانت بردو خطوبة صالونات
وصدقينى مستمرتش الا 8 شهور
وكان اسلوبة معايا زى ما انتى بتحكى كدة بالعكس انتى خطيبك بيقولك متزعليش انا نسيت او مكنتش فاضى لا دا كان بيرد باسلوب رخم ... وفى الاخر عرفت ان واحنا كنا مخطوبين كان بيكلم واحدة والخطوبة اتفسخت وراح خطبها واتجوزها وخلف منها كمان
فاتاكدى الاول انة بيحبك
وربنا ييسرلك اللى فية الخير
مش عرفى اقولك ايه بجد بس ربنا يكرمك بالى يستهلك ويحبك وبجد حسبى يا الله ونعم الوكيل فى اى واحد يظلم خطبته علشان احنا مش بنقصر فى حقهم خالص وربنا شاهد بس لو مكنش يضيقك كنت عيزه اعرف عرفتى ازاى وانت مخطوبة انه يعرف وحدة تانية لانى بجد شكة فى الموضوع ده مع خطيبى اصل كان فى واحدة يعرفها قبلى وهو كان قالى بس انا حسه انها لسه فى دماغه
م
19-10-2007 | 08:30 PM
حبيبتى انا شايفة انه راجل يعتمد عليه وانتى كمان بتحبيه وهنعوز ايه اكتر من كده وانا عذراكى البنت فعلا بتكون عايزة السؤال عليها والرومنسيات دى ومن حقها وانا كده برده ومحدش يقدر يغلطك فى كده بس من رأى بلاش الحاجات دى تخليكى حزينتة وتذكرى يااختى ان هذه الدنيا صعب تعوضى فيها انسان عزيز فاصبري حتى لاينفع الندم ولا تتأثرى بالماضى مهمه كان
ولا تقعى في خطاى الذى اندم عليه حتى الان وفقك الله حبيبتى
ادعى لى الله ياجرنى في مصيبتى ويبدلنى خير منها
ولا تقعى في خطاى الذى اندم عليه حتى الان وفقك الله حبيبتى
ادعى لى الله ياجرنى في مصيبتى ويبدلنى خير منها
@
19-10-2007 | 08:42 PM
كيتىوميدو;4496463:
مش عرفى اقولك ايه بجد بس ربنا يكرمك بالى يستهلك ويحبك وبجد حسبى يا الله ونعم الوكيل فى اى واحد يظلم خطبته علشان احنا مش بنقصر فى حقهم خالص وربنا شاهد بس لو مكنش يضيقك كنت عيزه اعرف عرفتى ازاى وانت مخطوبة انه يعرف وحدة تانية لانى بجد شكة فى الموضوع ده مع خطيبى اصل كان فى واحدة يعرفها قبلى وهو كان قالى بس انا حسه انها لسه فى دماغه
بصى يا كيتى
انا معرفتش انة بيعرف وحدة عليا واحنا مخطوبين انا عرفت بعد فسخ الخطوبة قولى بشهرين اصل خطيبة اخوة كانت صاحبتى وعارفة انى مظلومة ولما جة يخطب وعرفت القصة دى اتصلت بيا وقالتلى متزعليش وعلشان تبينلى انة انسان ميستحقش قالتلى انة هيخطب بنت كان يعرفها واحنا مخطوبين ... ولعلمك بعد ما قالتلى كدة فضلت افكر لقيتة كان فعلا بيعمل حاجات تدل على انة بيعرف واحدة غيرى بس انا على نياتى ومعرفش ...
يعنى مثلا مبيتصلش بيا ابداااا غير لما اتصل انا
مبيحبش اننا نخرج مع بعض
كل بنت مخطوبة تلاقى خطيبها بيجيلها يوم على الاقل فى الاسبوع دا كان ممكن يعدى شهر ميشوفنيش
لما نزعل مع بعض ميصالحنيش يسيبنى كدة وميتصلش ابداا وديما خارج مع اصاحبة
وجت فى فترة قبل ما الخطوبة تتفسخ لقيتة قلع الدبلة ومبقاش يلبسها ولما سالتة بيقولى اصلها صدت على صباعى ... طبعا هى دبلة فضة ازاى تصدى على صباعة بس عدت عليا لانى طيبة ومفهمتش
فانتى شوفى اسلوبة واقعدى اتكلمى معاة ... واديلة فرصة كمان
صدقينى انا ربنا انعم عليا بواحد بيحبنى والحمد لله شايفه معاة ايام جميلة هى ايوى خناقتها كتير بس لو تعرفى اية الخناقات ... اسسها ديما انة بيخاف عليا وبيغير عليا وانة ديما عايز نكون مع بعض بالتليفون او بالخروج
فانا بحمد ربنا انة انعم عليا بخطيبى والحمد لله رب العالمين كلها سنة ان شاء الله وهتجوز
وتعرفى خطيبة اخو خطيبى الاولانى اتصلت بيا من كم شهر وعرفت انها خطوبتها اتفسخت
وبعد 4 سنين حب وخطوبة خطوبتها اتفسخت وعرفت بعدها بفترة ان اخوة بردو هيخطب بنت تانية
الظاهر ان دا عرف فى العيلة دى
فانا قولتلها ان ربنا لازم يعوضها خير لانها كانت بتعاملة بما يرضى الله وبقولك انتى كمان الجملة دى
وهقولك صلى كتير وخصوصا قيام الليل واقرى قران كتير وادعى ربنا ان لو خطيبك دا فية خير ليكى ربنا يقربة منك ويعجل بزوجاكم ولة فية شر ليكى يبعدة عنك ويعوضك خير عنة
ربنا يوفقك
م
19-10-2007 | 11:07 PM
والله نصايحك حلوة ياgreen appleوبتدل على الحكمة والخبرة جزاكى الله خير وربنا يهديكى اللى في الخير ان شاء الله ياكيتى وميدو ربنا معاكى طمنينا عليكى
*
20-10-2007 | 03:24 PM
انا سعيدة جدا علشانك يا green apple والف الف مبروك وربنا يتمملك بخير وبشكر مشتاقة الى الجنة كتير على الكلام الحلو ده بجد الكلام ده بيرفع من معنوياتى جدا وبيشجعنى جدا جدا وبصراحة احنا مش بنتكلم مع بعض بقلنا 4 ايام وانا طلبته كتير وهو مش بيرد انا مستنية هو يتصل وشوف اه بقى الحكاية واخرت اللى هو بيعمله وان شاء الله اطمنكم وسلامىللجميع:8875:
@
21-10-2007 | 12:59 PM
كيتىوميدو;4500380:
انا سعيدة جدا علشانك يا green apple والف الف مبروك وربنا يتمملك بخير وبشكر مشتاقة الى الجنة كتير على الكلام الحلو ده بجد الكلام ده بيرفع من معنوياتى جدا وبيشجعنى جدا جدا وبصراحة احنا مش بنتكلم مع بعض بقلنا 4 ايام وانا طلبته كتير وهو مش بيرد انا مستنية هو يتصل وشوف اه بقى الحكاية واخرت اللى هو بيعمله وان شاء الله اطمنكم وسلامىللجميع:8875:
ربنا معاكى يا جميل
ويوفقك ويستر عرضك ويريحك بالك ياااااااااااارب
ويعوضك خير فى حياتك كلها
وتشوفى السعادة ديما
وستنية اعرف اخبارك يا قمر
:21_149:
ا
21-10-2007 | 02:40 PM
السلام عليكم ورحمة الله
حقيقة اول ما فتحت على الموضوع وقعدت اقرا فشدني كثير الحوار بين green appleو كيتي وبعدو مالي كلام غير الدعاء لكم بان ييسر الله اموركم ويكتبلكم الخير اين ماكان ويرضيكم فيه
الله يستر بالازواج الصالحييييييييييييييين يارب ويرزيل كل همومكم ويفرج كروبكم حبيباتي
حقيقة اول ما فتحت على الموضوع وقعدت اقرا فشدني كثير الحوار بين green appleو كيتي وبعدو مالي كلام غير الدعاء لكم بان ييسر الله اموركم ويكتبلكم الخير اين ماكان ويرضيكم فيه
الله يستر بالازواج الصالحييييييييييييييين يارب ويرزيل كل همومكم ويفرج كروبكم حبيباتي
م
21-10-2007 | 07:43 PM
يارب يزيح عنك الهم حبيبتى ويوفقك طمنينا ايه اخبارك يارب خير ان شاء الله
*
21-10-2007 | 11:41 PM
أخر الاخبار يا بنات كان المفروض انه يجى مجاش ومتصلش يعتزر وبابا سألنى هو انتم زعلنين مع بعض قولتله لا قالى كلميه اتصلت مردش بابا شك اكتر وقالى فى ايه انت عملتى حاجة قولتله والله معملتش حاجة هو بقاله اسبوع معرفش عنه حاجة كلمه فى البيت وقاله ليه متصلتش واعتزرت وليه بقالك اسبوع مش بتتكلم وترد عليها قاله معلش اصلى عندى مشاكل فى الشغل وقاله وهى ذنبها ايه قاله معلش مشاكل فى الشغل قاله هى من حقها انك تشاركها فى مشكلك المفروض تكلمها وتحكلها وقال سلام على كده السؤال دلوقتى تفتكروا هيعمل ايه واه هيكون رد فعله بعد ما كله عرف؟؟ هو مكلمنيش لغاية دلوقتى
ر
22-10-2007 | 12:02 AM
هلا حبيبتي لا تظلميه كل رجل فيه طبع غير الثاني هو أكيد مشغول بالشغل مثل ما قلت
وما دام تقدملك وخطبك أكيد بيحبك بس انت طولي بالك شوي ربما ما يعرفش يقول كلام حلو وكمان مش مقتنع
بالكلام بين اثنين بالتلفوة يعني مبدؤ كده خليك معاه زي هو ما عاوز وأكيد راح تنجحي لأن الحياة مش
كلام حلو وبس كبري بالك
وما دام تقدملك وخطبك أكيد بيحبك بس انت طولي بالك شوي ربما ما يعرفش يقول كلام حلو وكمان مش مقتنع
بالكلام بين اثنين بالتلفوة يعني مبدؤ كده خليك معاه زي هو ما عاوز وأكيد راح تنجحي لأن الحياة مش
كلام حلو وبس كبري بالك
ط
22-10-2007 | 12:30 AM
حبي طمنيني عليج
والله شغلتيني
لان اخوي يتعامل مع خطيبته بنفس الطريقة فهل يدل على وجود وحده بحياته
وانا مستغربه منه
والله شغلتيني
لان اخوي يتعامل مع خطيبته بنفس الطريقة فهل يدل على وجود وحده بحياته
وانا مستغربه منه