السلام عليكم ورحمة الله وبركاته
من كم يوم عملت فطاير البندورة وهي من المعجنات الأردنية الشعبية الشهيرة واللي بيحبها الصغير والكبير
جربنها واحكمن بأنفسكن
أولا : اعجني العجينة وقطعيها كما في الصورة واتركيها تتخمر نصف ساعة أنا عملت عجينة عادية طحين وخميرة وسكر وحليب سائل وملعقة حليب بودرة وشوية زيت زيتون
خليها شديدة شوي (حطيتها جنب الهيتر على شان تتخمر)
ثانيا:أفرمي البندورة فرم صغير كما في الصورة واذا أصغر بيكون أفضل
ثالثا: اقلي بصلة صغيرة مع شوية زيت زيتون كما في الصورة
رابعا : أضيفي البصل فوق البندورة مع الملح و الفلفل والبهارات أنا حطيت بهارات فيجيتاطعمتها طيبة قلبيهن كويس واتركيهن حوالي 10 دقائق حتى يذبلن
خامسا: ضعيهن في مصفاة على شان الماء ينزل منهن بدون ما تعصريهن
سادسا: أفردي العجينة وضعي القليل من الحشوة في الوسط وسكريها مثل المثلث ديري بالك لا تكثري الحشوة أحسن تبطل تسكر معك طبعا أنا من العجلة نسيت ما أصور
وحطيهن في صيني فيها القليل من زيت الزيتون طبعا حطي على ايدك القليل من الزيت واضغطي شوي صغيرة
على وجه كل وحدة ولما تستوي من تحت حمريها من فوق طبعا هي بتستوي بسرعة ديري بالك
وهذا الشكل النهائي
وهاي عن قريب ما شاء الله هشة وطرية ومقرمشة
طبعا الكمية حسب حجم العيلة يعني أنا استخدمت أربع حبات بندورة كبيرة شوي مع بصلة غيرة قد البيضة تقريبا
أتمنى أنها تعجبكن
سلااااااام
