السلام عليكم
السالفه و ما فيها كان عندي كميه كبييييييره من التفاح ..ما اعرف شو اسوي ...و خطر في بالي اسوي مربى ((جام يعني )) و يلست ادور بالنت و لكن كل الي لقيتهم المقادير بالكيلو ...و انا ما عندي ميزان
لين لقيت هذي الطريقه للاخت ما شاء الله عليها ... ((ام عزيزان)) غنيه عن التعريف ما شاء الله
و فعلا امس طبقته و قدمته لزوجي (ربي يحفظه لنا )) ..و اكله و هو مستغرب يقول متى اشترينا مربى التفاح ..انا ما اذكر انا اشتريناه انتي رحتي اشتريتيه الصبح .... و اختكم الحبيبه الي هي انا غديت حلج يعني جذي :D_smil1: :21_112:...و يوم قلت له اني انا سويته تعجب لانه كانه جاهز:21_149:
و بعد قصت حياتي ندخل على المهم
المقادير مثل ما كاتبتنها ام عزيزان
تفاحتين مقشره ومبشوره ( انا استعملت الاحمر)
كاس ونص سكر
م ص قرفه
ليمونه ... نصها نعصره ... والنص الثاني نقطعه شرائح
نص كاس ماء
زجاجه حجمها مناسب لوضع المربى فيها ... وتكون نظيفه وناشفه تماما من الماء
انا استخدمت نفس المقادير و لكني ضاعفت الكميه لاني ابي اتخلص باكبر عدد من التفاح الي عندي ..بالاضافه الي اني بس استخدمت عصير الليمون من غير الشرايح...و الزجاجه مهم تكون ناشفه من الماء علشان ما يعفن المربى بسرعه
الطريقه
نضع كل المقادير على النار حتى يغلي ... وتتجانس مع بعض ... بعدها راح نلاحظ اختفاء التفاح المبشووور ... وان الخليط بدا يثقل اشوي ... وترى ماياخذ وقت على الناااار ... يدووووووب نص ساعه او اقل مع التحريك المستمر
انا اخذ ويايه وقت اكثر لاني ضاعفت الكميه
بالاضافه اني ضفت كم حبه مسمار (قرنفل) الي الخليط ...و بشرت التفاح ما عدا وحده قطعتها قطع صغيره لاني احب قطع الفواكه في المربى
نخليه يبرد وبعدها نحطه بالزجاجه ... وبعدها بالثلاجه
و هذا صحن للي ترد عليه اول شي
هني و عافيه
جربوه ما راح تندمون
