شو يعني اونس حليب ممكن حد يفهمني ضروري بليز

يعني بالاحرى ابا اسوي حق ولدي شوفان بالحليب وهوه عمره الله يحفظه 6 شهور

بغيت اعرف شو معناة هالمقدار

معقوله ما في حد يعرف شو معناته !!!


:(

اختي تشوفين على المرضعه مقياسين للحليب واحد اللي هو مل والثاني اللي هو اونس بتشوفين مكتوب OZ. نحن ما نقول اونس نقول درجه درجتين وجي يعني


اتمنى ان شرحي واضح

مشكوره اختي ... يعني فهمت شويه .. بس ما عرف كيف اسوي الشوفان .. يعني اشكثر ماي واشكثر حليب واشكثر شوفان متوهقه !!

ما حبيت أطلع بدون ما أكتب شي ..

اسمحيلي اختي ..

لو اعرف .. ما بقصر او ببخل عليج ..


ان شاء الله الاخوات بيفيدونج .:21_176:

يزاج الله خير قصايد ومشكوره ,,,,

السلام عليكم ،،

اختي انتي تعطينه صناعي؟ اذا هي سوي خلطي الحليب في المرضعه واتبعي الكميه المكتوبه على قوطي الحليب وبعدين صبي الحليب في جدر وخليه يفور وبعدين ضيفي الشوفان. انتي تقدرين تتحكمين في كميه الشوفان اذا تبينه يكون ثقيل او خفيف والافضل يكون خفيف يعني حطي نص ملعقه صغيره واذا شفتيه شويه المره اللي عقب زيدي.

انا بصراحه ما جد سويت لبنتي الشوفان بالحليب كنت احطه لها في شوربه الخضره وجي كنت اسوي

واسمحيلي عالقصور

اونس يعني درجه

يعني احنا بدل مانقل سويله الحليب لرقم واحد او لرقم اثنين نقول سوي اونس او اونسين
:)

ان شاءالله عرفتي

اما طريقه الشوفات ما اعرف ان شاءالله البنات يفيدونج

endless hope مشكوره الغاليه ويزاج الله خير

ام احلى حمودي تسلمين ,, وما قصرتي

مثل ماقالوا الأخوات الأونس و الأونسين يعني رقم واحد أو إثنين بالرضاعة OZ ،،، سوي نفس كمية الحليب اللي تعمليها بالرضاعة وخليها بجدر وطبخيها مع الشوفان، إذا حبيتيها خفيفة حطي شوفان قليل وإذا حبيتيها ثقيلة زيدي كمية الشوفان..
أنا كنت بالعادة أعمل لولدي ولغاية اليوم بس بزيادة البهار شوربة الشوفان، كوب ماء مع جزر مبشور وشوفان ولما كبر شوي حطيت معكرونة لسات العصفور وذرة وبعد السنة أضفت الملح وقليل من الكزبرة والكمون..

اختى بالنسبة للشوفان انا بحط ملعقة شوفان مع شوية ماى على النار حتى يستوى بعدين بس يبرد شوى اخففة بحليب الصدر او حليب صناعى لان الحيب اذا حطيتية على النار بيفقد قيمتة الغذائية يعنى حطى ملعقة شوفان بقدر صغيييييير مع شوية مى و بس يسوى زى المهلبية خففية بشوية حليب