لو مكاني شو بتسووون؟

كنت بطرح لكم موضوع وكل وحده تقول شورايها فيه

يمكن مش الكل يعرف اني ارمله لطفلين

تقريبا من 12 سنه توفي زوجي في بداية الأيام كنت معارضه موضوع الزواج مع اني ترملت وانا صغيره كنت تقريبا 20 او 21 سنه وعقب اقتنعت بس بشرط وشرطي الوحيد هو عيالي اني اخذ واحد يقدر عيالي لاني مستحيل اقدر اعيش من دونهم حتى لو هم عادي عندهم يعيشون عند هلي انا ما اخش عنكم تييني وايد فترات اعصب على عيالي واحيانا اعاقبهم واذا عصبوا بي توصل للضرب وازعل منهم ويطفروا بي واتمنى الأرض تنشق وتبلعني بس رغم هذا كله ماريد حد يربيهم غيري لانهم عيالي قطعه مني بس في نفس الوقت احس بالوحده تقتلني واحيانا احس اني مهما سويت في النهايه كل واحد بيعرس وبيروح بيته مع حرمته وبينساني يمكن ما ينس ان عنده ام ربيته بس انا محتاجه حد يهتم فيني وخاصه في هذا العمر والعمر الياي والغريب من هذا كله ما احس اهلي يدعولي بالزواج حتى لو حد تقدم لي يصرفون النظر عنه مع اني والله محتاجه وايد حد يهتم فيني احس بالنقص الشديد ومع هذا صابره ومتحمله كل يوم ربيعه من ربيعاتي تعرس واللي يعرسون خلاص ينشغلون عن ربيعاتهم واحس اني وحيده الحين احاول اشغل عمري في اي شي بس عشان ما اتذكر مأساتي بس لازم اتذكرها لان هذا الشي غريزه في كل انسان

أريد اعرف اذا كنتوا مكاني شو بتسووون يمكن تفيدوني ومشكورين وايد ويزاكم الله الف خير