ارجوكم الله لايراويكم مكروه

إخت شموســـــــه

ياعيوني لاتتضايقين وتشيلين همّ والله حاســـه فيج جدا بس اذا ريلج مجبور شو بتسويـــــن لازم تتحمليــــــــن ونا قلت ان كان مجبــــــور اما اذا قدرتي تتصرفين وتدبرين مبلغ حق الإيجار بيكون أفضل لج ولـــه أكيد لان بإبتعادج عن اهله ابتعاد عن المشاكل بينج وبينـــــــــه

وأي خطوه تخطينها احتسبي الأجر لوجه الله

فديتج بسمة ملاك والله اخر كلمة قلتيها حلوة انت ساكنة عند اهل ريلج قوليلي كيف تعاملينهم يمكن العيب مني

شوفي ياعيوني انا بملحق تقريبا عند اهل ريلي وامه اعتبرها كأنها امي لان الوالده موصيتني اذا تبين تكسبين ريلج اعتبري امه كانها انا وحتى لو تأذيتي منها احتسبي الاجر لوجه الله شو بتاخذين من هالدنيا غير السمعه الطيبه اذا تعبت داريها وان راحت المستشفى قوليلها تبيني اسير وياج ؟؟ يمكن تحتاجين مساعده اطبخي لهم بين فتره وثانيه طبخه تتميزين فيها وينبسطون فيها حبيها على راسها كل مادخلتي البيت لاتفكرين بأي شي هي اذتج فيه نقي ذهنج وصفيـــــــه وخلج رافعه راسج وواثقه من نفسج لانهم مب قادرين يمسكون عليج غلطه وحده بالعكس يمدحون فيج وبلأم اللي يابتج حاولي وحاولي وحاولي لاتيأسين صدقيني انتي بترتاحين وريلج بعد بيشيلج من الارض شيل
ترا الزوج اهله اهم شي عنــــــــده \\\ حطي نفسج مكانه اذا حسيتي انه مايحب اهلج او متضايق منهم اكيد بتتضايقين ويمكن تكرهينه بعد \\\ لاتوصلون لهالمرحله ياقلبي بإمكانج تكسبين اهل ريلج ومن ثم ريلج بأشياء بسيطه وتكسبين من وراها اجر عظيم عند رب العالميـــــــــن اللي هو اهم شي في حياتنا اذا تبين اي سؤال انا حاظره

أختي ....

أستخيري في أي عمل تقدمي عليه والله بييسر لك الأمر إذا فيه خير لك

شكرا اخت همسة اكيد بستخير

انا اقول ياشموسه ان كلام بسمه صح واجعلي سلاحك في حياتك هو الدعاء وتحصني باذكار الصباح والمساء وخصوصا ( حسبي الله لا اله الا هو عليه توكلت وهو ر العرش العظيم ) والله صارت لي مشاكل وكنت دايم اردد هالدعاء والحمد لله وكذلك ( رب اشرح لي صدري ويسر لي امري واحلل عقده من لساني ) وغيرها وتذكري كن مع الله ترى الله معك واايضا ان تنصروا الله ينصركم ويثبت اقدامكم.................... موفقه

هلا الغاليه...

الله يسر امرج و يفرج همج ...

الغاليه اذا ريلج فعلا ما يقدر يتصرف و ظروفه صعبه رجعي في الملحق الخاص فيج...

و بالنسبه للمشاكل اللي تصير بينج و بينهم...

حاولي تفهمينها من وين تبدا و شو سببها...

لان انتقالج الشقه مب معناه حل للمشاكل...

هذا يعتبر حل مؤقت...لانج لازم بتزورينهم او بيزورونج...

يعني المشاكل في شو؟؟؟

يتدخلون في حياتج؟؟؟تربية عيالج؟؟؟يدخلون البيت بدون استئذان؟؟؟

يعني اعرفي السبب وين عشان تعرفين تعالجينه...

تراهم اهله و يحبهم و يحب يشوفج متفاهمه معاهم...

(( مب معناه جدامه بس ))

عشان انتي ترتاحين بعد حلي الموضوع من جذوره...

الله يسر امورج الغاليه...

كلام الاخوات كله درر اشكركم
واتكلي على رب العالمين
وادعي ربج ان الله يفرج همج
اذا في مجال تشتغلين وتساعدين زوجج ماديا
واذا ماتقدرين انتقلي للعيش في بيت اهله ويكون سلاحج الصبر والاجر
وصدقيني من صبر ظفر
يعني مارده الله راح يفرجها لج ويوسعها عليج يارب


دمتم سالمين
اختكم شريفة

فديتكم كلكم والله ما قصرتوا والله يبيض وجيهكم بصراحة يوم اقرا ردودكم احس انكم تخافون علي وشايلين همي والله اني احبكم في الله ترى انا حاطة كلامكم في عين الاعتبار

استخيرى الله وسوف يهديك للطريق الصحيح
الله معك ويوفقك لما يحبه ويرضاه

فديتكم الموضوع زوجي اجله اسبوع يعني بعد اسبوع بقولكم وش صار معاي