أستغربت من مسج العماني ؟؟؟

نعناعة البحرين 16-10-2007 7 رد 1,191 مشاهدة
ن
السلام عليكم ورحمة الله وبركاته

عيدكم مبارك وكل عام وانتم بالف خير
وعساكم من عواده ومن العايدين السعيدين

حبيت أعرض موضوع منها أستفسر ومنها أسأل ومنها أستغراب واستعجاب :qaq::qaq:

جالسة كنت مع الأهل وفاتحين التلفزيون على قناة فنون
مع ضجة الاهل وصراخ اليهال ماقدرت اتابع الفيلم الي على القناة واكتفيت بقراءة المسجات الي تنكتب تحت الشاشة
:21_207:

الي يعيد والي يسلم والي يطنز والي والي والي

عموما اللاين في تحت الشاشة حك شات القناة

قريت واحد عماني يبارك الشعب العماني بمناسبة العيد ويعايد السلطان قابوس

هذا بالظبط الي كان كاتبه لاحظو:qaq:

معايدتي لكل أهالي عمان ولمولاي السلطان قابوس :qaq:
بطلت عيني وحلجي متعجبة

كيف عبد يقول لعبد مولاي ولا مولى الا الله :qaq:

مع اني ماعرف لو مسجه صح او خطأ كلامه هل هو صح انه يقول لعبد مولى لو لا

شنو رايكم انتوا بنات يصير او لا :gum:

أنا عن نفسي ما اعتقد انه يجوز نقول لعبد مولى والله اعلم
x
السلام عليكم اشحالش اخت نعناعه شو هالكلام الي قريته وشو يعني قصده بمولاي
الصراحه مره مستغربه ؟؟؟؟؟؟؟؟؟!!!!!!!
ح
اي والله صدقتي

مايجوز يقول هالكلام
&
نعم اختي جزاك الله خير
المولى هو الله سبحانه وتعالى ولا يجوز ذلك القول لانه اسم يختص به الله تعالى
n
طبعا مايجوز

وانا كمان سمعت احد المواطنين السعودين يقول نفس الشئ مولاي خادم الحرمين الشريفين

طبعا هذا الشئ مرفوض الملك والمولى لله وحده صاحب الملك بس شنو نقول ع جهل بعض الناس بامور دينهم
*
لا مولى الا الله ومايصير يقول عبد لعبد مولاي اصلا
ح
هذا الكلام مايصير وحتى اصلا حرام
بس يمكن اخوانا اهل عمان متعودين يظهرون حبهم لرئيسهم بهالطريقة او انه هالريال ما يعرف شو القصد من الكلمة!!
ع
عزيزتي كلامج في محلة

بس انتي اول مرة تدرين انه السلطان قابوس ما ينادونه اللا جي ؟؟

يقولون دائم مولانا السلطان قابوس المعظم ..

وجرت العادة معاهم وهذي طريقة ذكره عندهم ..

الله يهدينا ويهديهم ان شالله ..

يغلق ..
X