ابي اسافر ساعدونى

اختى ممكن تجيبى لة سيريلاك و علب اكل الاطفال الجاهزة خصوصا انك ما راح تطولى وكمان ممكن تعطية موز لان الموز ما يحتاج طبخ وكمان الجبن المثلثات وبسكويت الاطفال بالزبادى والعسل

رور مشكورره اختى على ردج
بس انتى قط سافرتى
وتعبتى فى السفر مع البيبي؟

تفضلي اختي هالموضووع راح يفيدك اكيد..

تجمع الامهات المسافرات مع عيالهم الاقل من سنة

اختي انا سافرت مع بنتي واايد سافرت معاها وهي توها بدش رابع ماليزيا تخيلي 7ساعات ونص بطيارة والحمدالله سهالات

وسافرت معاها بالصيف البحرين وكانت 5شهور

واذا على الاكل ودي معاج سيرلاك وفارليز وكل ماطلعتوا اشتري موز واهرسيه مع الحليب واكليه الاكل مومشكله

وبعطيج شووفي هاللسته

اهم شي عربااانه وتكون مريحه للبيبي تستوي قعدة وسرير عشان يرتااح البيبي ولازم تحت عربانه سله وانا خذت عربانه تنقلب على صوبين يعني اقدر ادزها والبيبي قدام ناس يشوفونها واقدر اقلب الحديده لقدام واشاهد بنتي وانا ادزها لاني اخااف سبحان الله حد يسرقها وانا ماادري لاسمح الله

وخذتها مع كرسي سيارة طقم ب750 من بيبي شووب

روووووووووووووعه

وسفرتي كانت 12سااعه تخيلي غير ترانزيت 4ساعات

اهم شي تحطين حفاظات واايد انا سفرتي كانت 10ايام تخيلي اخذت 100حفاظه واستخدم بامبرز بتقولين مبالغ بس انتي مااتدرين يمكن يصيد البيبي اسهال ولاتقولين بشتري من هناك لانه من دوله لدوله يختلف منتج ويمكن البيبي يتحسس من تغيير

فاخذي حجم كبير بو94 حفاظه

واستخدم لبنتي سيميلاك اخذت علبتين اكبر حجم اللي ب50ريال

فاذا سفرتج 10 ايام لازم علبتين اذا شهر اخذي 5علب لاتقولين واايد على فكرة البيبي يستهللك حليب وخصوصا لو عملتي وشرب شوي ونام لازم بتكبينه لانه صاار بارد

وعلى فكرة كل دوله موجود سيميلاك لكنه يختلف احنا بقطر الاول من صفر لي 6شهور تخيلي بدوله اللي سافرتها عندهم سيميلاك من ولادة لسنه كامله وعندهم 5انواع غير موجود عندنا بالخليج تماما شكل وعمر ومحتويات فاخذي احتيااطج انتي موخسراانه اهم شي صحه البيبي

ورضاعات اذا تستخدمين زجاج اخذي 2كبار بو7او8 سم و4 متوسطين احتمال ينكسرون لاني توهقت بالمطار انكسرت وحده وماحصلت بيجوون هناك مع اني رحت اوروبا

وثالث شي غياارات كثيرة اخذي ثيااب اذا سفرتج 10 ايام اخذي حوالي 20 بمعدل لبستين باليوم

وفوطه واسفنجه للسبوح وملحفين للبيبي ومخده ومهاد ومقياس الحرارة

وفرشاة وغسول المراضيع وشامبو لاتنسين كريم التهابات حفاظ ومشط ومقرااظ الاظااافر وكريم للجسم وبودرة

وقطن احتيااط وعلبه اللي تحطين فيها حليب مع اني كنت احط علبه حليب بسله عربانه لما نطلع وخذت ترمسين من ستار بوكس وحده كبيرة وثانيه متوسطه للمطار لاني اذا خلص ماي اخذ من طياارة لكن بطلعات وسيااحه ووين اخذ فخذت كبيرة وصغيرة واحذفهم بسله

فااقولج سله واايد نفعتني بسفر احط شنطه بنتي داخلها غسول مراضيع مع فرشاه ومقياس الحرارة لاتنسيين مهم جدااااا وفوط عشان اذا رجعت

وااهم شي لهاايه وفي بصيدليات اذا تعرفين من ماركه نيك نفس سير تعلقين لهايه وباخر سير نفس ربطه تعلقينه على ثياب البيبي عشان لو ترك لهايه ماطيح منه وااايد استفدت منها

وكبابيس عن شمس

وادوللللللللللللللللللل اهم شي مخفض الحرارة لازززم

واي استفساار من عيوووني والحمدالله بنتي طول وقت ناايمه مااتعبتني فقط تقوم اشربها وابدل حفااظه لما ندخل مجمعاات وتنام لانها تستاانس لما نحطها بعرباانه واحط لهايه والحفها بملحفها تنااام مع دز عرباانه

فقط نسيت شي تحسسفت مااخذته تعرفين اللي ينحط بسرير البيبي يعلقونه وفيه دمي تتحرك وطلع اصواات تحسفت مااخذت لها وعلقته بعرباانه كان صج بيلهيهاا وبتستاانس عليه

سفرة موفقه اي شي مايردج الا الخااص


بس شووفي بشنطه طيارة حطي ترمس ماي ومراضيع ومرضااعه كبيرة دوم امليها ماي كامله عشان بترمس حار وبمرضاعه كبيرة يكون بارد فلما تعقوم تخلطين ال2 بمرضااعه غير ويكون داافي او عندج طريقه غير تاخذين كل مراضيع تحطين 3ارباع مرضااعه ماي عشان يبرد ولما تقوم تترسين ربع وتحطين حليب فيكون داافي ومصاصه او لهايه وثياب لو رجعت وحفاظ وادول ومقياس حرارة وحليب كاافي وفوطه عشان لما تبدلينا تغسلينها بمااي


كلللللللللللش مااانصحج بفوط معطرة عشان تغسلين البيبي تحسس وتلهب جلد البيبي انا بنتي كنت اشيلها ووديها حمام وابدلها والحفها بفوطه والبسها بامبرز بحماام

وكنت قبل لاادخل طياارة ابدلها بمطار عشان اذا رحله 8ساعات بعد 4ساعات من طيران ابدلها مرة وحده واول ماانزل من طيارة على طول حمام ابدلها


فاانتي نظمي ووقتج بترتااحين

اتمني اني افدتج

http://www.3roos.com/forums/14/t255584_9.html

مشكوره اختى جمانه على الرد وانه ضفت السؤال فى الرابط اللى عطيتنى اياه ماحصلت تجاوب قلت اخليه فى العام

تسلمين اختى عروس الدوحه ان شاء الله افكر واستخير ومايصير الا الخير

انا سافرت مع ولدي اسم الله عليه لما كان عمره 11 شهر رحت معاه دبي وسكنت بفندق

شريت الجدر ( القدر) الكهربائي الي يطبخ الأكل على الكهربا وخذيت معاي رز وبطاط وكوسا وقرع يعني الأكل الي ياكلة مع خلاطة اطبخ الأكل وعقب اضربة بالخلاطة

وخذيت سريلاك

السلام عليكم،،،

انا سويت مثل الاخت عذراء خذت ويايه الجدر الكهربائي بس ما شليت الخلاط كنت اهرس الاكل بيدي شليت رز وخضار وحتى الفواكه شليتها،، وخذت كعك وسكويت فارليز وسيريلاك. الخضار والفواكه خذت حبتين من كل نوع حق اول يومين تعرفين لانه يوم توصلين تكونين تعبانه وماتقدرين تنزلين السوق فيكون عندج. حطيهن في قوطي بلاستيك اللي مثل هذا
.

وخذي وياج ترمس مااي حار ولاتنسين صحونه ومراضعه وملاعقه واللهايه خذي لج كم وحده لانهن بسرعه يضيعن واهم شئ خافض الحراره والثرمومتر. وخذي وياج العاب حق الطياره،،، طبعا ملابسه وحفاظاته وقواطي الحليب

اذا ذكرت شئ بقولج

الاكل يهوووووووون وكل شي يهون

بس انا وااااااايد تعبت مع نموووور في تايلند وماليزيا والله انه صيحني

وقلت تووووووووووووووبة ماوديه معاي لين يكمل سنه ونص

بصراحه تعب وخاصة انه مرض هناك وجاه سهال وانتي بكرامه

يعني تروحين مجمع بدل ماتتسوقين 5 ساعات تتسوقين 3 ساعات والباقي تبدلين بامبرز في الحمام خخخخخخخ

وشوي يصيح جوعان واقدي رضعي والا اكلي وشوي يصيح يبي ينام وشوي يصح يبي شيل

وغير قعدته من الصباح وااااااااااااااااااو خلاني انتف شعري

الاكل ودي معاج فارليز سيريلاك والاكل اللي في غراش في الجمعيات والا اذا كنتي في مطعم تقدرين اتأكلينه شوربه

او كريم كراميل او حمص وتقدرين تطلبين له بطاطا مهروسه للبيبي

واخذي معاج 3 علب حليب يزيد ولاينقص

وتروحين وترجعين بالسلامة

خواتى من وين احصل الجدر الكهربائي

اختي انا سمعت انه في بيبي شوب او مذر كير

انه في خلاط وبنفس الوقت فيه بخار يعني 2في واحد خلاط وجدر بخار ماركه شيكو لكني مااعرف شكله وخاطري اشتريه للسفرات واايد بينفعني

ماشاء الله الأخوات ماقصروا وفادوج بالكثير.. توكلي على الله وروحي ودام أم زوجك معاك يعني في من يساعدك..
أنا سافرت مع ولدي وهو له 6 شهور وكان عز البرد وعلى ذي ماتأذيت معاه عكس يوم كان سنة كان توه ماشي وهلكني من حركته.

كنت ماخذه معاي فارليز وميلوبا والزجاجات اللي فيها خضار مهروسة وفواكة مهروسة، بس ماحب الخضار بالمرة كان ياكل شوي ...

انا جربت السفر مع ولدي قبل لايمشي وبعد ما مشا قبل المشي وايد احسن بس عقب ما مشى بهذلني ما يبي يقعد بالعربانة


الجدر شريتة من الكترونيات عندنا بالكويت