من أولها قالت لي عملية

م

ماي الحياة

عروس مشاركة

15-10-2007 | 06:00 PM

مــــــــــراحب على الحلوات

الله يسلمكم أنا حامل والحين أنا بالخامس رحت أراجع عند الدكتورة قالت لي من الحين الولادة بتكون عملية
وأنا خفت حيل وأحاتي

لأنه أول ولادة لي كانت قيصرية وحملت بعدها بست شهور

ما أدري والله يعني شرط الولادة تكون عملية

طمنوني وادعولي يا رب أولد طبيعي لأن العملية إتعبني وايد

:flower:

ن

نبعه الريحان

عروس برونزية

15-10-2007 | 06:14 PM

حبيبتي الله يسهل عليش ...

بس اللي اعرفه انه مو اكيد تعرف من الخامس اذا عمليه ولا لا...

عمتي ولدت 3 مرات قيصريه والمره الرابعه ضلو الى الشهر التاسع وهم يقولوا لها عمليه وفي الاخير ولدت طبيعي الحمد لله...

الله يسهل عليش وييسر لش....

م

ميمو22

عروس مشاركة

15-10-2007 | 06:18 PM

الله يعينك اختي انا سويت عمليه وتوني لي 12 يوم بس واللي سمعته من الناس اني اذا حملت بعدها بشهور ولا سنه يعني على طول يصير الولاده اللي بعدها عمليه بس اذا حابه تتطمنين اسئلي دكتوره غيرها والله يعينك ويسهل عليك يارب

ا

ام نيلا

مشرفة سابقة

15-10-2007 | 06:18 PM

توكلي على ربج ...

الدكاترة ماعندهم غير العمليات ...

بس هي ماتقدر تحدد الا اذا دخلتي التاسع او وقت الولادة ...

ولا تستعيلين ...

جربي دكتورة ثانية وشوفي

e

endless hope

عروس رائعة

15-10-2007 | 10:26 PM

انا اللي اعرفه انه الولاده القيصريه تحتاج على الاقل سنه راحه واذا صار حمل قبل خلاص تكون الولاده اللي بعدها قيصريه

ق

قلب البتول

عروس ماسية

15-10-2007 | 10:28 PM

انا اتمنى انج تولدي طبيعي بس اتوقع ان الفترة من حملج الاولي لولادتج قليلة فتمدد البطن بيخلي الجرح ينفتح ويتهيء لولادة قيصرية واللة اعلم

ن

نور الورد

عروس مبدعة

16-10-2007 | 12:56 AM

حالتج مثل حالتي خيو
انا بعد الولادة الأولى عملية وكاني اللحين الولادة لثانية وبعد قلت لي عملية بس انا فرق وايد عنش بعد وكا اقوا لي عملية يعني اللحين عمر ولدي 3 وانا اللحين بالشهر ا لتاسع ومن قالوا لي خفت ومت من الخوف لان اللي يجرب العملية حتى الى عدوه ما يتمناها الصراحة وايد متعبة بس بعد خالة املي بالله كبير واقول ان شاء الله يجيني تيسير وتسهيل من ربي واولد طبيعي واغلبهم بإرادة الله
هم على طول من يشوفون الأولي عملية يقولون الثاني بعد عملية موتهم يشقون البطن لان اسهل عليهم

الله يسهل علينا وعليش واعرفوحدة مثلج ولدت عملية وبعد 4 شهور حملت ولدت طبيعي خلي املج بالله احسن من هالدكاترة

ج

جمـــانة

مشرفة سابقة

16-10-2007 | 01:01 AM

هم عموما اي حمل في السنة الاولى بعد العملية القيصيرية تكون مخاطرة على الام لأن احتمال ان ينفتح جرح القيصرية كبير جداً..

لكن هذا لا يمنع انه وقت الولادة يلاحظون الظروف المحيطة ويشوفون اذا فيه جانس للولادة الطبيعية فاكيد يخلونها تولد طبيعي ..

صديقتي حملت بعد 6 شهور من ولادتها القيصرية والولادة الثانية صارت طبيعي والحمدلله ..

Q

Qtr Girl

عروس ماسية

16-10-2007 | 01:26 AM

والله ماعندي فكره

الله يهون عليج حبووووبة

ح

حبي الغالي

عروس ماسية

16-10-2007 | 01:38 AM

الله يساعدج ويهون علييج خيوو

ش

شمس حياته

عروس رائعة

16-10-2007 | 02:11 AM

هلا و الله ..الله يعينج الصراحة توه اخت زوجي والدة قبل يومين و عملية و الله عورت قلبي هالانسانة الصراحة كانت واااايد صعبة و هي ثالث مرة ! انا اقول صعبة بعد 6 شهور يبالها عالاقل سنتين و اللي اعرفه انه صعبة يخاطرون بصحة الحامل لو والدة عملية من قبل لانه الجرح و اااايد عميق و الام تحسب انه راح بس لا المكان وااااااااااايد صعيف اللي هو الرحم و الدكاترة يخافون من الدفع لانه ممكن يسبب افجار الجرح اللي على جدار الرحم ونتي حملتي على طول و نا اقولج اكيد عندهم حق لانه الرحم ابدا ما بستحمل الدفع عند الولادة و في خطر كبيييير عليج و الله يعطيج العافية..

!

!looloo!

عروس رائعة

16-10-2007 | 06:46 AM

المشكلة إنج حملتي بعد عملية قيصرية ب 6 شهور وهذي الفترة أبداً مش كافية..

المهم حبيبتي اسإلي أي دكتورة ثانية وإن شاء الله تولدين بالسلامة والله يسهل عليج...

ا

احساس جـــوري

عروس رائعة

16-10-2007 | 04:21 PM

الله يهون عليج خيتو وتكون ولادتج طبيعيه وانتي استشيري دكتورة ثانيه

h

humsat.77

عروس جديدة

16-10-2007 | 04:42 PM

ما عندي فكرة خيوه
بس لا تحاتين ان شاء الله تكون ولادة طبيعية وميسرة

و

وادى الامان

عروس نشيطة

16-10-2007 | 06:09 PM

الله يساعدج ويهون علييج

أ

أحلى شوق

عروس رائعة

16-10-2007 | 06:13 PM

الله يكون في عونج

وربي يسهلها عليج ويرزقج اللي تتمنين

دعواتي