حابة تساعدين الفقراء و لكن ما تعرفين كيف؟حابة تفرحينهم و لو بشئ بسيط؟ تعالي بخبرج

حبيباتي

حبايبي من كمن يوم و افكر انزل موضوع و اتردد


اختي الغالية انتي حابة تتبرعين ؟

حابة تساعدين الفقراء؟

في نفس الوقت ما عندج المال الوفير؟

تعتقدين التبرع بس بالمال ؟

حابة تكونين من اللي الله سبحانه و تعالى يرضى عليهم؟

بس ما تدرين كيف و وين و متى

بعطيج كمن طريقة سههههههههههلة جدااااا حتى تكسبين اجر يومي

باذن الله



طبعا كل وحدة فيننا عندها اغراض ما تبغيهم

اغراضها

اغراض عيالها لو معرسة

اغراض والدها

اخوها

زوجها

يمعيلج كمن شئ مثل الغتر مثلا

و الكابات

الجاكيتات

الاحذية ووووو


في الصيف خلي الكابات و الغتر معاج في السيارة على طووووووووووووول

و انتي ماشية في الفريج لابد بتشوفين عامل يمشي في الحر

و نار الشمس يحرق راسه

وقفي بالهدوووووووء عنده ( طبعا ما تكونين بروحج ! )

نزلي الجامه

خلى ولدج او اخوج او الخدامة او اي حد ثاني معاج

يعطيه احدي الغتر اللي الاهل مستغنين عنها و هي بحالة جيدة

لو حابة ممكن تلفين مبلغ رمزي معاها بعد

اعطيه و شوفي الفرحة بعيونه ( من التجربة )

في الايام الماطرة

شلي الجاكيتات اللي ما تستخدمونهم

و كرري نفس العملية

انتوا حبايبي ما تعرفوني

يعني لو تشوفوني في الشارع ما بتعرفوني ممنوع كتابة عبارات الضحك فالعام
من جي بخبركم بسالفة عسب تتشجعون

السنة اللي فاتت شلت جاكيت ريلي ,يديد بس ما استخدمه

خليته في السيارة وياي

عقب كمن يوم و كنت اوصل الاولاد المدرسة نزل مطر ماشاءالله

غزييييييييييير

شفنا ريال باكستاني مسكين يرتعش من البرد= و ما لابس الا لبسهم المعتاد

قلت هذا هو !

وقفت و خليت ولدي الله يحفظه يعطيه الجاكيت

المسكين ما عرف كيف يشكر

شكرا ماما ( انوسة ممنوع كتابة عبارات الضحك فالعام)

شكرا بابا

والله انه غمضني و عورلي قلبي

قلت كيف هو فرح بجاكيت نحن مستغنين عنه ...

و من هاك اليوم قلت بستمر على هالشئ

و طبعا في الصيف مثل ما خبرتكم باشياء يستر رؤوسهم عن الحر

و ان تقدرين شلي غرش ماي معاج و وزعيهم و انتي مارة

((مب تفرينهم من الدريشةممنوع كتابة عبارات الضحك فالعام )



يعني اشياء بسيطة تفرح غيرج و تكسبين اجر

عمرج لا تقولين ما عندي , ما عندي

شوفي غيرج و احمدي ربج

اعرف وااايد طولت عليكم بس حبيت

اشجعكم على الفكرة هذي

تحياتي