اذا تعديت موعد ولادتي ايش الاجراء اللي يتخذه الطبيب؟

assalam habibty ana adon ano ida kol chi 3adi ya3ni ida almaya 3adiya ou kolo 3adi ykhalounak ousbou3 3achan tkoun wiladah 3adiya bass ida kanat almaya zayda aw takayouss liaan hadi asbab taakhor alwiladah flaazin tal9 ya habibti inchaaaalah tiwlidin fi hada alasbou3 ou ysahil 3alik rabi amiiin

ولو اني يا اختي الكريمه ما فهمت شي من كتابتك !!

لكن مشكورة عزيزتي ،، ماقصرتي عالرد ..

شكل الكيبورد عندك انجلش وبس !!

ايوه يا حبيبتي بس انا دخلت لموقع اكتب بيه عربي .المهم يا اختي ادا كل شي عادي عندك ميت ال بيبي عاديه >لان لما تكون الميه كتيره او في كيس تمنع الولاده .>فيخلونك اسبوع عشان تولدي عادي بس ادا كانت الميه ا شي اخر ف ضروووري يكوون طلق صناعي.

كله يعتمد على وضع البيبي اذا كل شئ تمام يعطونج فرصه او انهم يولدونج،، اختي امشي امشي امشي

والله يسهل عليج ^_^

انا لما عديت موعد ولادتي عطوني موعد للطلق الصناعي هم يعطونج عقب موعدج مايطوف افتكر اسبوع اوعشر ايام

الله يهون عليج اختي وتربين بسهاله

اختى انا نفس حالتج احاتى والله .. موعد ولادتى 17-10 ...

بس الدكتوره عطتنى فرصه اسبوع .. لين 22 -10 .. تشوف الوضع.. قالتلى عقب بنتصرف شو بنسوي ...

ماعتقد اكثر عن جى بطول شكل السالفه طلق صناعى اذا وصلت لأسبوع بعد الموعد المحدد ..

توكلى على الله يالغاليه وان شا ءالله نكون طبيعى انا وياج ..

وطمنينا عليج يالغاليه

طلق صناعي
الله يهون عليج يارب

انا هم مود ولادتي 17 10 بس للحين ماحاسة بشي بعد بكرة راح يقولولي يا استنة ياطلق صناعي الله يسهل لجميع قولي امين

انا بتكلم عن مستشفى الولادة

اذا تعديتي موعدج وحجم البيبي اوكي والماي اوكي والمشيمه بعد اوكي يعطونج 10 ايام زياده

بس اذا صادتج مشكله بيعطونج طلق صناعي واذا البيبي كبير بيسوونلج قيصري والله يبعدج عنها

الله يهون عليج ويسهل ولادتج

الله يعينكم جميع

انا موعد ولادتي 19/10 __ ولا اشوف اعراض او الام بس احس ان في ضغط وثقل بالاسفل عند المثانه الله يعزكم

والله اعلم ،،،، وربي يسترها ما نبي قيصريه

اذا كل شيء طبيعي يعطونك تقريبا اسبوعين بس اذا الجنين كبير او نسبة الماي كثيرة او قليلة عندج او انتي عندك سكر وضغط يعطونج طلق صناعي واللة يسهل عليج وتولدي قبل موعدج لان الموعد هذا تقريبي اصلا هم ما يدرون متى صار الحمل بضبط فما بتولدين الا اذا اللة اراد واللة يقومج بالسلامة

مثلي انا بعد موعد ولادتي الاسبوع الجاي ويوم الاحد 21/10 عندي موعد في المستشفى بشوف الدكتوره شو بتقول علي ...مع اني لبن الحين مو حاسه بشي ... وخايفه لان هذا اول حمل لي ادعوووولي ..



والله يسهل عليج وعلي وع الجميع انشاالله .......آآآآآآآآآآآآآآآمين

بيخلونج حوالي الاسبوعين ماولدتي طلق صنااعي لانه البيبي لاسمح الله يمكن يكبر حجمه ويتعب

أنا عطوني فرصة أسبوع وحددوا موعد للطلق الصناعي بس طنشتهم<< فالحة
وايد ناس نصحوني أطنش وأولهم يدتي الله يخليها،،
توكلت على الله وعقب موعد الطلق الصناعي بيومين ولدت الحمدلله