مضايجه ومعصبـه حدي .. - منتديات عروس

M

M!sS 7ala

عروس مشرقة

14-10-2007 | 04:52 PM

السلام عليكم والرحمه

مرحبا حبيباتي .. كل عام وانتم بخيــر .. وعساكم من العايدين .. :9_28:

.. .. .. والله يا بنات رمضان كان بالنسبه لي كل شي .. راحه نفسيه.. وهموم ما احس فيهاا .. اصلا مالها وجوود في شهر الخيــر ... واعرف لو شو ما سويت فيه .. راح اكون مقصــره .. الله يبلغه لما كل سنه وكل حول ان شاء الله .. قولوا آمين

_+_+

يا بنات .. عندي هموم من كل صوب.. اشيا واايده شاغله بالي .. وخلص رمضان وزادت هالهموم ...

والدموع عرفت وين دربهاا ..

اصلا والله مب عارفه كيف اوضح لكم شعوري في هالوقت .....

اول شي .. انا موظفــه .. الحمدلله الحمدلله على هالنعمـه .. وانا من النوع اللي احب اواضب ع شغلي .. اروح بالوقت المحدد .. بس ...... بس :( .. المشكله ما احصل حد يوديني . .. في رمضان ابوي كان يترخص نص ساعه من دوامه عسب يوصلني ... بس باجر منو بيوديني ................! ..

القهر انه عندي ليسن ... بس ما عندي سياره .. لاني جريب محصله الليسن ويبالي وقت عسب آخذ سياره ... ع الاقل اسبوع .. وانا اللي ارااكض عسب اسوي الامور .. كنت اتمنى حد من الرياييل من اهلي يتكرمون ويخلصون وياي الموضوع .. بس ..... .. وين رياييل هالزمن .. كل واحد لاهي ويا ربعه .. ومب عارف اهله شو يبون شو محتاجيين .........!

ويوم اتصل في عمي عسب آخذ سيارته .... ما يرد علي .. لانه يعرف اني ابى السياره ... :( .. ويقول انتي ما تتصلين الا اذا تبين شي .. يعني لمصلحتج .؟ ؟ انزين انت عمي من هلي .. لو ما اطلب منك اطلب من منوو .. ؟

وهالشي بعد احاتيه .. اروح البنك عسب اقدم اوراقي للسياره ... صدق اني جريئه .. بس اذا كان الموظف ريال ..؟ واذا كان عليه حركات؟؟.؟ والله استحي آخذ واعطي وياه في الكلام جان ما اذبحه اذا غلط في شي :( ................. الله يعيني لباجر ... قولوا آمين ..

واشيا واشيا استحي اقول .. استحي افضفض .. ما اقدر اثقل عليكم ..

بس اذا هانت هالاشياء يهون علي الباجي .. او بالاحرى راح تكون في القلب واتريا الفرج من رب العالمين

السموحه منكم .. السموحه منكم

دعواتكم ..

*

*عيون الريم*

عروس فضية

14-10-2007 | 05:26 PM

حبيبتي انا اقول انك لو تكلمي مديرك في الشغل وتفهمينه الوضع ممكن يتفهمك ويعطيك مهلة لحد ما تدبري امورك وتوكلي على الله والله كريم
ولا تقولي تثقلي حبيبتي كلنه خوات والخوات لبعضها:888345:

ع

عروس الموج

عروس برونزية

14-10-2007 | 06:09 PM

انا اذكر اول ما اشتغلت خذت سياره لا سرت البنك ولا شي...

الوكاله اتخلص اوراقج وكلشي حتى الرقم هو يطلعوونه لج لو بغيتي اي رقم عادي بس لو بغيتي رقم غاوي لازم اتسيرن وين يطلعون الارقام...بس انتي اكيد الرقم مب مهم لان السياره اهم...

وفي هذا الزمن ماشي جريئه او مب جرئه لا تعتمدين على الريايل سوي شغلج رووحج والحمدالله بلادنا امااان...

انا خلصت شغلي روحي معن ماشاء الله عندي اخوان بس مثل ما قلتي كل واحد لاهي وساهي مب متفيجين...

انتي سيري الوكاله وسالي وخلصي كلشي هناك وبس يوم بتوصل السياره بيتصلون فيج بيقولوج تعالي خذيها

B

Boo0ooBle

عروس فضية

14-10-2007 | 06:30 PM

السلام عليكم..
اختيه فيه دريوليه حريم يعني عندها سيارة خاصه وتنفع الحريم بس..ممكن توديج وتييبج..
وعن السياره فيه سياير اقساطها مريحه يعني 2000 في الشهر ..
بالتوفيق اختيه

أ

أحاسيس منثوره

عروس مبدعة

14-10-2007 | 07:15 PM

اختي والله لو اختلفنا تبقى مشاكلنا وحده رياييل هالزمن ما يستاهلون ينقال عنهم رياييل طبعا مب كلهم

لكن فئه كبيره منهم ما يقولون عندنا خوات نحن مسئوولين عنهم لازم نشوفهن شو محتايات ولا لازم نخلصلهن امورهن

الغاليه اتوكلي على الله وخلصي امورج بروحج اخيرلج من انج اطلبين من فلان وعلان استئذني من مديرج ووضحيله وهو اكيد بيتفهم

والله يسهل عليج ومبروووووك عليج الغاليه السياره مقدما

أ

أميرة الشوامس

عروس مشاركة

15-10-2007 | 10:25 AM

انا بعد يا حبيبتي اخلص كل اموري بنفسي اتذكر اول ما انفصلت كنت مثل الكتكوت اللي طالع من البيضه ما اعرف شي والحمدالله تعلمت ورحت الوكاله روحي وانا ما اعرف شي وخلصت مع البنك يعني اشوي اشوي بتعلمين اتخخلصين امووورج روحج حبيبتي لا تعتمدين علي حد

&

ღ الينبوعه ღ

مشرفة سابقة

15-10-2007 | 01:55 PM

الله يساعدج حبيبتي ويفك عنج كل الهموم ويبعد عنج الهم وتنحل كل ك مشاكلج يا وردة هونيها تهون والله بعون الله

أ

أوراق الخريف

مشرفة سابقة

15-10-2007 | 03:10 PM

السلام عليكم ورحمة اللــــــــــــه وبركاتــــه

هــــــــــلا حبيبتـــي..

عندي لج حل.. ليش ما تأخذين الLeft car في منهم حريم.. شوفي كم الدفع شهريا..
بتحصلين ارقامهم في الجرايد الانجليزيه في Calssified.. وبعد ما يشيلون وحده بل اكثر عن وحده وهالشي طيب ما يخوف لانج ما بتكونين بروحج..

لو كنتي ساكنه جنب بيتنا والا فريجنا.. وتشتغلين نفس المكان والا في دربه.. جان مريت ووصلتج معاي حبوبه..

بس السموحه..

يسرني مروركم على مواضيعي واضافة الاطلاله فيه
ركن العناية بالشـــــــــــــعر
من افضل الطرق لتطويل الشعر

بدك شعر حرير وبيجنن في نفس الوأت؟!

سر غلاظة وطول الشعر
عندي لكم زيت ولا دابر املا بريحته ولا الحشيش بمفعوله ولاحمام الزيت بفوايده وتطويله

أنا بادي شعر أحمر وحلو وبيجنن وبدون لاصبوغو.. بادي بالحنى!؟
شعرج متقصف+ فيه قشره+ بطئ النمو+ يتساقط اذا زيت Trichup هو الحل باذن الله+ صوره
كريم يستخدم للشعر: (لغلاظته, نعومته, ولمعته) عن تجربه
لكل مشكله حل باذن الله (كل انواع الزيوت وفوايدها ومكوناتها مع الصور)

طريقة عمل زيت البابونج بالبيت ومن صنع يديك (حصريا ب عروس دوت كوم فقط)
الخلطه السريه هدية العيد (لاعادة صحة الشعر والتغلب على جميع مشاكلها) حصريا في عروس
الطريقه المضمونه باذن الله لزيادة طول+ كثافة+ قضاء على القشره= للشعر (مجرب)
_.:•‡ஐஇ زيت جوجوبا jojoba فوايد مهمه للشعر ال......... مع الصور حصريا ب عروس இஐ‡•:._
طريقة عمل المساج لفروة الرأس+ الصور (حصريا ب منتدى ال عروس دوت كوم)

ماسك للشعر طبيعي.. يخلي الشعر صحي+ لامع+ كثيف ومغذي للفروه ايضا (صور)
خطوه خطوه لشعر كيرلي رائع لمحبي Curly يالله على الطااااااااابور
KalaKola Hair Tonic لعلاج القشره ولسواد الشعر ولعلاج التساقط وتاخر الشيب معقوله؟؟!!
ღஐღ الخلطات والزيوت المجربه من قبل الاعضاء+ معلومات بدقه+ صورღஐღ

زيت الخروع الي استخدمه ورهيب
شامبو روعه روعه عن تجربه يقضي على القشره من أول مره وطبي وجديد ومتوفر في الصيدليات

قناع الموز 30 دقيقه لشعر صحي وناعم
بلسم طبيعي لشعر
زيت السمسم لشعر لامع
-(أسرار صحه وجمال شعر الأسيويات)- بحث كامل Exclusive الجزء (1)
حمام زيت (تحفه) عن تجربه ممتاز ومتوفر ولا يتفوت+ صورة المنتج