بسم الله الرحمن الرحيم
خواتي مشكلتي واضحة من العنوان .. انا الحمدلله بنت خلوقة وربي رزقني حب الناس وادش القلب بسرعه بس ماقدر ماقدر اثق في البنات لاني وايد انقرصت منهم ومن سواياهم،
اعوذ بلله كل ماشوف بنت تتقرب مني تبي تصادقني ماقول غير حسبي الله تباني لغرض مثلا اني حلوة وتبي تكشخ فيني والله ماعرف كيف اوضح بس هاي مشكلتي .
اوكي لي زمالات بس ماقدر اوطد هالصداقة انا انسانة وايد اجتماعية وابي اتكون لي صداقات وخوات قبل كل شي نتزاور ونتعاون بالخير والدين .. مرات احس اني وحيدة انا مانكر عندي ربيعات والحمدلله بس ماعرف شو سالفتي كل ماتتقرب مني بنت تطلع وراها بلوة ولا مصلحة وهشي متعبني نفسيا حتى كل ربيعاتي يقولون لي انتي شو سالفتج وياهلبنات بتقولون لي خليج ويا ربيعاتج اللي وياج احين بس اقول هم لهم مسؤلياتهم واللي متزوجة واللي مشغولة اغلب وقتها بالدراسة او ويا عيالها..
اخر مرة في مجال شغلي اتعرفت علي بنت والله بحسن نية اكلمها لكن بحدود وعاملتها كزميلة بس انصدمت البنت طلعت شاذة وقطعتها ماعرف شو اسوي ويا هالحظ ؟
يمكن تتحروني ضعيفة شخصية لكن لا بس ماعرف ليش جي اول ماعرف هالبنات سواء بالشغل ولا بالكلية شو اخلاق وطيبة بس عقب يطيح القناع