اقدر اخذ كلوميد ..؟

اهلين حبيبتي
حبيبتي ما قلتي لنا كم مر اجهظتي وهل عندك اولاد او لا
لانها تفرق مع الدكاتره

وبشكل عام ما انصحك تاخدي من دون استشاره لانه يعتبر من الادويه اللي تزيد الخصوبه واعتقد ان الطبيبه لازم تشرف عليك

والله اعلم

هلا حبيبتي

لا الكلوميد من الافضل انك تاخذينه تحت استشارة طبيبه
تدرين احتمال المبيض يطلع اكثر من بويضه (4,5) فالدكتوره تحتاج انها تابع معاك وتطيك ابره تفجير عشان تطلع لك بويضه وحده ناضجه

الغالية

الافضل تراجعين طبيبة نسائية وقولي الها ابغي منشط عشان تشوف اللي يناسب حالتج


والله يرزقج ان شاء الله

عزيزتي ليش مستعيله على الادوية

يمكن الله يكتب لج الحمل من دون ادوية .. انتي مافيج شي والحمدلله

جربي اول الشي الطرق المتعارف عليها لزيادة فرص الحمل

يعني انا نزلت البرنامج الي يبين لي متى الاباضة عندي ومشيت عليه شوي ..

ثانياً لا تقومين بعد الجماع على طول .. تمي طايحة على ظهرج ساعة على الاقل ..

اتخذي وضعيات الجماع الي تزيد فرص الحمل ..

لما تيأسين من هذا فكري في الادوية ...

وان شالله ماعليج شر وتبشرينا جريب ولا تحتايين لأي دوا

صديقتي خذته بعد استشاره مني خخخخخخخخخخخخخ

وفي نفس الشهر حملت بس فيها بيبي واحد الله يثبته لها

وانا نفس الشي اخذته من نفسي وجبت نمووووووور الحلو

اتطبب في نفسي وفي الناس

بس انتي ماقدر اغامر فيج واقولج اخذيه

راجعي دكتورة افضل

والله يرزقج بالذريه الصالحه

لا أختى لا تاخذينه بدون إستشارة، أنا بحملي الثاني أخذته بإشراف الطبيبة لمدة شهر ومباشرة حملت، وبعد الإجهاض بثلاث شهور أخذت بروحي (كانت باقية علبة من المراجعة القديمة) بس سوت لي آلام قوية وقت التبويض ومافادتني بالمرة، الحين توكلت على الله وقلت إذا الله بيكتب بتتسهل الأمور... فنصيحة مني راجعي الدكتورة أفضل والله يكتب لك اللي فيه الخير ويرزقنا جميعا...