ساعدوني الله يخليكم

السلام عليكم

فديتكن بنات والله تعبت مع ها الريال صاير كريه كرهني في عيالي في نفسي في الدنيا كلها لدرجة إني كارهة العيد يي علشان كل الناس بيكونون مستانسين إلا أنا لأنه حاكم علي أكون حزينة

من ناحية عيالي تخيلي يقولولي إنتي مالج خص فيهم الخدامة بتسويلهم كل شيء تخيلوا وأنا قاعدة
ياخذهم مني بأي طريقة بس ما يقعدون معاي أي قرار أتخذه لهم يقول خليه حكج والله والله كره عيالي فيه تخيلوا اليوم يالس يصارخ ويصارخ بمناسبة العيد ولما عصبت قال إنتي مينونة ويالس يضحك تخيلوا القهر والله مقهورة يا جماعة وشل العيال وطلعهم برع غرفتي وقالي أبدعهم أحسن ما يينون نفسج والله كره عيالي فيني كل ما أريد أكلمهم في شيء لما يسوون غلط أييي ويقعد يحضنهم ويسكتهم و يبين لهم إني ظالمه حراااااااااااام يعني ما أربي عيالي ما أأدبهم لدرجة بنتي صارت تكرهني

أما عن تعامله معاي كل ما يدج الغرفة ويلاقيني مستانسة أييب أي موضوع بس علشان ينكد علي ويعصب ويصارخ أرد عليه يضحك بصوت عالي كانه يقهرني ويشل العيال ويقول خلوا ها مينونة إنزين إنت بديت والله من شهر وأنا مادة لأنه لما يشوفني حزينة يقعد يغني ويضحك

وكل يوم يقولون إنتي مب قدي بحطج تحت ريولي تخيلوا مرة طردني من البيت ولما شليت ثيابي ورحت بيت أهلي إتصلت عليه وقتله متى بينتهي موضوعنا قال أي موضوع إنتي شليتي ثيابج انا مالي خص وما قلت شيء وأنا أعرف لو راح بيت أهلي بيقول كل الأشياء اللي سواها لعيالي من ولادتهم وبيألف كلام بس علشان يطلعني مفترية عليه

طبعا ألحين حارمني من أي شيء من أي شيء بس دوامي وبيت أهلي بالضرابة وحارمني من كل حقوقي
والشيء الوحيد اللي يسويه يخدم ربعه ويخلص أشغالهم وأهله وانا مالي احد ولا سند بها الدنيا أبوي متوفي ومالي أخوان أولاد

والله تعبت من ها العيشة لين متى لين متى والمشكلة لما طلبت بيت قالي عيالي ما يتربون في الشارع يا بيت أهلج يا ها البيت وقمت أصيح أربعة وعشرين ساعة ندمانة على اليوم اللي وافقت عليه


ساعدوني الله يخليكم